馮盈盈麥明詩又嚟料!互動暗指重口味禁片
2018年07月16日23:37

自從一齊主持《後生仔傾吓偈》後,麥明詩同馮盈盈呢兩位香港小姐冠軍就愈嚟愈熟,周不時都可以見到佢哋喺Instagram度上傳合照,又或者喺限時動態見到兩位美貌、智慧、與膽色並重嘅靚女嘅日常影片。講真網民都開始習慣「性博士」馮盈盈間唔中語出驚人,不過今次喺IG嘅新Post,就連麥明詩都join埋一份喎!網民嘅反應都幾多元吓,有啲就讚佢哋玩得,有啲就好似唔係好接受到咁啦⋯⋯

撰文:東方新地 | 圖片:連登討論區馮盈盈IG

延伸閱讀:

入行39年 擅演媽媽角色!59歲陳秀珠公開凍齡之道

《天命》演太上皇乾隆 張國強 一飛衝天

馮盈盈Hashtag麥明詩留言藏玄機

事緣,馮盈盈近日就喺自己Instagram度上傳同麥明詩碰杯嘅合照,本身以為啲Caption正正路路、冇咩特別啦,點知小編都係太天真啦⋯⋯原來係喺馮盈盈嘅Hashtag同麥明詩嘅留言度暗藏玄機!

馮盈盈 麥明詩
馮盈盈 麥明詩
一開始小編都睇到一頭霧水⋯⋯

密碼講緊咩?唔明好過明?!

但係高手在民間!有討論區嘅網民就發現咗,如果連埋馮盈盈嘅Hashtag同麥明詩嘅留言睇,原來佢哋兩位一語雙關,引用咗大名鼎鼎嘅經典重口味巴西禁片「Two Girls One Cup」啦⋯⋯ 不過經過小編嘅Google求教,各位無咩事都係唔好搵嚟睇啦,要睇都要俾足心理準備⋯⋯

呢個「唔明好過明」嘅Comment更加有幾百個人認同!
對於呢套經典禁片,網民就咁評論嘅⋯⋯

網民意見兩極

其實做藝人形象愈鮮明,就自然愈容易有人討厭有人鍾意㗎啦!兩位港姐既然敢以真性情示人,都預咗會聽到負面聲音,不過事實上,網民嘅評論都唔係太一面倒啫~

有網民就覺得佢哋可愛
雖然有人話佢哋刷存在感,不過有網民就話係用可愛刷出嚟嘅存在感,有另一啲人又唔認同喎~

有網民就讚佢哋兩個都高學歷,又玩得,所以真係好夾!唔知係咪係因為咁,另一網民仲話佢哋啲口吻愈嚟愈似添!

馮盈盈 麥明詩
馮盈盈 麥明詩

馮盈盈 麥明詩
馮盈盈 麥明詩

其實除咗背景相似之外,佢哋最近都真係成日一齊出席活動,又拍吓節目咁,開始Friend底,愈嚟愈似都唔係好出奇嘅~

馮盈盈 麥明詩
馮盈盈 麥明詩

之前佢哋喺《後生仔傾吓偈》度仲一齊Cosplay美少女戰士添!唔知大家又點睇佢哋嘅愈嚟愈鮮明嘅形象呢?

延伸閱讀:

盤點8對娛樂圈姊弟戀 年齡從來不是問題!

關注我們Facebook專頁
    相關新聞
      更多瀏覽