浴室裝修小知識(四):分體式坐廁VS一體式坐廁
2018年07月12日21:00

係香港呢個生活節奏快嘅生活城市,上車買樓實屬不易,裝修一次更係勞累身心,所以揀選裝修材料真係要多加功夫,日後先可以安枕無憂。隨住生活水平嘅提高,為滿足我地對生活質量嘅細節追求,市面上亦推陳出新咁出現各種不同款式既坐廁。

0
0

American Standard 坐廁 – Acacia Evolution 系列

坐廁呢個看似不起眼卻大有作用嘅潔具,解決我地日常生理需要。對於追求細緻及清潔嘅顧客來講,就算廁所裝修得再靚,一個唔靚嘅坐廁完全係大煞風景,影響觀感。

根據馬桶水箱嘅設計,分為分體式、一體式、掛牆式三種。最常用嘅會有分體式及一體式坐廁,到底兩者有咩分別 ? 我地又應該點選擇?

0
0

分體式坐廁係指水箱同廁盤分開,安裝時需要用螺栓將兩者組合。由於水箱分開托在廁盤之上,所以分體式坐廁會較高身。方便生產亦令價錢較相宜。但連接處會有空隙,所以你會經常發現,夾縫藏有頭髮或其他污垢,時間耐咗容易積累污垢。

一體式坐廁係指廁盤與水箱接成一體,無夾縫無空隙,用水一沖已經可清潔乾淨,細菌污漬無處容納。造型來講一體式坐廁線條流暢,時尚美觀。

0
0

American Standard – Acacia Evolution一體式坐廁(自由嘴)

一體式坐廁既設計亦降低水箱高度,預留空間安裝多一層置物架,放置日常用品增加儲物空間。加上一體式坐廁廁盤較大,男士使用上會更舒適(特別係「大份友」)。最重要嘅係無縫設計大大減少細菌污漬停留,更易清潔同衛生。但生產難度比傳統分體式坐廁大,價格亦都較高。

經過以上講解相信大家對一體式坐廁同分體式坐廁已有一定嘅了解。好多人去過日本、韓國同台灣後,可能都想加多塊智能廁板,俾自己同家人多一點享受。下次裝修佬會同大家詳細講解電子廁板,敬請留意啦~

常見問題

問 :坐廁陶瓷爆裂點算好?

答 :如果裂痕不算太嚴重可以用塑鋼土/玻璃膠塗抹係裂縫位置,塗抹塑鋼土/玻璃膠前需提前將水箱嘅進水閥門關閉,因為塗抹位置要乾不能有水分。

問 : 用一體式坐廁,維修會唔會好麻煩?

答 : 如果係沖水零件問題,更換維修同分體式係一樣。但如果打爛水箱或廁盤,分體式更換有方便性,當然前提是可向供應商購買零部件。所以購買坐廁時,要根據自己以往打爛座廁既頻率去考慮。

問 : 坐廁如何慳水?

答 : 坐廁用水量同管道設計及水件有關。舊式坐廁既管道設計無現時先進,用水量較多。坊間流傳係水箱放磚塊/注滿水嘅水樽,或搵師傅更換水件。但此舉有機會導致沖力不足,反而需要二次沖水。

(文:隨心所浴)

原文連結:

浴室裝修小知識(四):分體式坐廁VS一體式坐廁

相關文章:

室內設計經驗分享 : 飯廳設計

裝修佬

致力於令香港沒有麻煩/爛尾的裝修。為實現這個使命,全體裝修佬成員不斷努力,推動裝修、建材、家居市場的規範化,改變著數千萬家庭的裝修方式和置家理念,為用戶創造卓越的互聯網裝修體驗。

關注我們Facebook專頁
    相關新聞
      更多瀏覽