陳茵媺撇甩陳豪 一拖三返加拿大探親
2018年07月11日17:35

陳茵媺(Aimee)日前出席慈善活動,透露將會一拖三個仔女返加拿大探親:「去一個月咋,一返嚟就要開學!」又笑指老公陳豪唔會同行:「要畀佢放吓假、休息吓!同埋畀時間佢操吓肌!」另一邊廂,陳豪亦在同日出席另一慈善活動,同樣大講仔女經,陳豪自認思想較為傳統,相反太太陳茵媺就比較勇於嘗試:「我見到仔女拎住玻璃杯都會騰騰震,反而太太會由得佢哋,培養佢哋嘅自發性!」

撰文:東方新地|圖片:新傳媒圖片庫、陳豪IG陳茵媺IG | 編輯:Sunday Kiss (原文刊於:東方新地

延伸閱讀:

【親子餐廳】澳門卡通主題親子餐廳 | Poli Cafe波力主題餐廳

【親子好去處】白石 | 全港首個大型B DUCK充氣水上樂園

陳茵媺撇甩陳豪 一拖三返加拿大探親

陳茵媺 未出發先興奮

陳茵媺(Aimee)同老公陳豪結婚五年,婚後三年抱三,日前雖然各自出席活動,但不約而同都大講仔女經,Aimee透露將會趁暑假撇甩陳豪,自己一拖三帶住三個仔女返娘家加拿大探親,話就話上年都試過一拖三去旅行,但Aimee指以前囡囡仲細好易湊,依家就開始識得跑跑跳跳,大仔仲未出發先興奮㖭,佢又話:「我覺得我實在太掛住娘家,去一個月太少啦,而且一返嚟就要開學!」

陳茵媺撇甩陳豪 一拖三返加拿大探親
陳茵媺撇甩陳豪 一拖三返加拿大探親

Aimee表示將會安排仔女去加拿大農場玩,仲會有好多戶外活動。

陳茵媺撇甩陳豪 一拖三返加拿大探親
陳茵媺撇甩陳豪 一拖三返加拿大探親

Aimee指老公陳豪有工作在身,所以唔會同行,佢笑言可以畀老公放吓假:「因為佢冇工作時都要幫手湊啲仔女,而且佢嚟緊拍下部劇集,要準備操Fit啲身形!」

陳茵媺撇甩陳豪 一拖三返加拿大探親
陳茵媺撇甩陳豪 一拖三返加拿大探親

Aimee又表示有意帶仔女做慈善探訪:「以前我喺加拿大時都有跟爸爸媽媽去做義工,所以都想繼承呢個傳統,帶幾個小朋友去做義工,希望小朋友將來亦都會帶佢哋嘅仔女去。」

陳茵媺撇甩陳豪 一拖三返加拿大探親
陳茵媺撇甩陳豪 一拖三返加拿大探親

同場嘅陳嘉寶(Anjaylia)話想請教Aimee保養心得:「生一個都已經好忙,佢仲有三個,生完仲要好似冇生過咁,我都想好似佢咁樣!」

陳茵媺撇甩陳豪 一拖三返加拿大探親
陳茵媺撇甩陳豪 一拖三返加拿大探親

陳豪 做仔女榜樣

同日出席另一活動嘅陳豪就同一名患血癌嘅五歲小妹妹Selina上台互動,佢大呻三個仔女已經開始識得駁嘴,但表明佢哋兩公婆都反對體罰:「我哋有時會好有耐性咁同佢哋講道理,有時就會隻眼開隻眼閉,基本上乜方法都做齊!」

陳茵媺撇甩陳豪 一拖三返加拿大探親
陳茵媺撇甩陳豪 一拖三返加拿大探親

陳豪指三個仔女仲未識得許願望,只識要同唔要:「例如邊啲想食唔想食、邊啲玩具想買。我自細就知想要嘅嘢要自己去爭取,所以都會灌輸自己嘅價值觀、人生觀畀佢哋知,同埋我成日都講做父母嘅唔係要擁有佢哋,係要做好榜樣,鼓勵佢哋識自主、自律同有自發性。」

陳茵媺撇甩陳豪 一拖三返加拿大探親
陳茵媺撇甩陳豪 一拖三返加拿大探親

陳豪直認自己思想較傳統,有時會太過保護小朋友,相反太太陳茵媺更加勇於嘗試:「佢對小朋友有信心過我,我見到仔女拎住玻璃杯嗰陣都會騰騰震,反而太太會由得佢哋,培養佢哋嘅自發性!」

陳茵媺撇甩陳豪 一拖三返加拿大探親
陳茵媺撇甩陳豪 一拖三返加拿大探親

問陳豪佢囡囡係咪屋企嘅小公主?佢話:「我用一剛、一柔、一烈應付,仔女都一樣!囡囡喺屋企最細,個個都錫她,但兩個哥哥間唔中都會同佢『切磋』吓。」

陳茵媺撇甩陳豪 一拖三返加拿大探親
陳茵媺撇甩陳豪 一拖三返加拿大探親

陳豪同Aimee早前剛慶祝過五周年結婚紀念,提到Aimee想重遊當年舉行婚禮嘅巴黎,陳豪甜爆表示︰「既然太太都許下願望,做老公嘅就負責畀佢成真!」

陳茵媺撇甩陳豪 一拖三返加拿大探親
陳茵媺撇甩陳豪 一拖三返加拿大探親

一拖三去旅行 Plan咗六個月!陳茵媺:要諗好多計仔

陳茵媺(Aimee)試過一個人帶三子女回加拿大探親,佢話為嗰次行程做咗好多準備功夫,plan足六個月,仲教各位父母點樣可以氹到班仔女乖乖哋坐足十六個鐘!

陳茵媺真係廿四孝媽咪,喺細微處都見到佢對子女非常細心。好似去年8月,陳茵媺就一個人帶三子女回加拿大探親,佢話:「有一個工人姐姐幫手,但都非常、非常吃力,因為佢哋比較黐我,同埋慣咗我照顧,唔係好跟其他人,喺飛機上會有少少吃力,但係好彩佢哋都算乖,坐成十六個鐘頭飛機,一啲都唔容易!」

陳茵媺話
陳茵媺話
說起曾一拖三帶三名年幼子女坐長途飛機返加拿大探親仍一額汗,陳茵媺話:「知佢想喊,畀個新玩具或者畀少少嘢佢食,總之分散佢注意力,落飛機嘅時候,我已經攰到成個散晒。」

陳茵媺
陳茵媺

DIY禮物袋畀仔女

「我要諗好多計仔,事前做好多準備功夫,我plan咗六個月,點去娛樂佢哋、keep佢哋嘅注意力,等佢哋唔好周圍走。我同佢哋講喺飛機一定要戴住安全帶,佢哋真係好乖,十六個鐘除咗去洗手間,冇落過地,真係好犀利。跌咗個玩具都話:『跌咗,點算?』我話我幫你執。」

陳茵媺
陳茵媺
由於怕長途機程悶小朋友會扭計,陳茵媺自製15個不同的禮物袋,每小時讓子女拆一個,希望帶來驚喜,可見她為子女所花的心思實在不少!

New sight word kit… I'm sure they will hate it!😂

A post shared by Aimee Chan (@aimeechan_official) on Aug 7, 2017 at 7:42pm PDT

兩公婆分工合作

講到阿Mo嘅咖啡生意開始上軌道,問陳茵媺有冇支持同畀意見佢?陳茵媺答:「我盡力,我本身出身係做設計師,好鍾意諗唔同嘅idea,佢都有佢自己嘅idea,有關包裝,甚至好細微網上媒體upload啲咩我哋都會傾,過程中都好多樂趣,但我唔會涉及太多,因為我最主要都係負責照顧好小朋友,等佢可以有多啲時間喺佢嘅工作同咖啡業務上。」

事業同家庭,陳茵媺話自己會以家庭行先:「依家我每個工作嘅決定都會同阿Mo商量過,工作時間幾長全部都會商量、幾時收工一定要知,因為我要同佢夾時間,等我哋是旦一個都可以喺屋企,因為依家我哋係一個team、一個家庭。」

陳茵媺話由於佢要喺屋企照顧仔女,所以搵錢養家嘅嘢都交晒畀阿Mo負責:「但我好鍾意亦都好掛住工作,所以如果有時間我都會多啲出嚟做嘢。」

陳茵媺
陳茵媺

化身小蜜蜂

陳豪、陳茵媺對三個小王子及小公主百般疼愛,全天候親自照顧,完全不讓工人幫手!而甚少讓三個孩子曝光的陳茵媺, 日前在微博上載三名子女的合照並寫道:「1.2.3。哪隻小蜜蜂最甜?」照片中三名子女化身小蜜蜂,穿上黃黑橫條衫兼頭戴觸角,網民更留言大讚三個小朋友非常可愛,遺傳了爸爸及媽媽優良基因!而日前陳豪出席無綫公開活動時,提到太太陳茵媺在微博分享子女扮小蜜蜂的照片,陳豪自爆烏龍事,原來相片是萬聖節當日拍攝,他和太太及三子女一齊cosplay參加學校活動,陳豪穿上蜜蜂熱褲變成一隻很hot的小蜜蜂,茵媺就扮蝴蝶,但他笑言: 「最初以為爸爸都要扮,點知去到學校後,見到只有我一個爸爸扮,老師們很喜歡,但我就受到其他爸爸冷眼。不過家長要參與小朋友才開心!」

而日前陳豪出席無綫公開活動時,提到太太陳茵媺在微博分享子女扮小蜜蜂的照片,陳豪自爆烏龍事,原來相片是萬聖節當日拍攝,他和太太及三子女一齊cosplay參加學校活動,陳豪穿上蜜蜂熱褲變成一隻很hot的小蜜蜂,茵媺就扮蝴蝶,但他笑言: 「最初以為爸爸都要扮,點知去到學校後,見到只有我一個爸爸扮,老師們很喜歡,但我就受到其他爸爸冷眼。不過家長要參與小朋友才開心!」

陳茵媺
陳茵媺
去年萬聖節陳豪同陳茵媺三名小朋友化身小蜜蜂。

而日前陳豪出席無綫公開活動時,提到太太陳茵媺在微博分享子女扮小蜜蜂的照片,陳豪自爆烏龍事,原來相片是萬聖節當日拍攝,他和太太及三子女一齊cosplay參加學校活動,陳豪穿上蜜蜂熱褲變成一隻很hot的小蜜蜂,茵媺就扮蝴蝶,但他笑言: 「最初以為爸爸都要扮,點知去到學校後,見到只有我一個爸爸扮,老師們很喜歡,但我就受到其他爸爸冷眼。不過家長要參與小朋友才開心!」

陳茵媺
陳茵媺
陳茵媺話佢好想繼續拍電影:「想做多啲唔同類型、唔似我本身嘅角色,同埋深入啲、情緒化啲,有啲挑戰性嘅角色,不過其實我每樣嘢都想試,有得試就好開心㗎嘞,嘻嘻!」

當小朋友係大人 解釋父母去向

早前陳豪同陳茵媺接受本刊訪問嘅時候就提到,好少時間可以二人世界,經常要分配時間照顧仔女,陳豪就話如果佢哋想二人世界嘅時候係會同小朋友去解釋爸爸媽媽去邊、做咩,會當小朋友係大人,等小朋友會有心理準備,唔會扭計話要一齊出去。仲話其實到而家都學緊如何做父母,學習點樣去照顧子女。

陳豪 陳茵媺
陳豪 陳茵媺

陳氏夫婦對教子女向來有一套,堅持子女自己湊,不讓上一代幫忙湊孫,茵媺話:「因為不同代人對小朋友教育方式唔同,我哋想用自己嘅方式。」另外雖然二人電視台出身,在家卻不會讓子女看電視,陳豪話:「電視節目內容未必啱小朋友,而且睇電視對小朋友眼唔好,通常我喺屋企陪佢哋砌積木、講故事書。」雖然身為公眾人物,但湊仔生活好貼地,不但帶子女去工展會掃平貨,茵媺又自己動手砌書櫃、小朋友木椅、希望跟子女一起創作及從中學習,陳豪話:「想佢哋多啲體驗生活,二仔似我鍾意講嘢,成日黐實哥哥,但又會爭玩具,會教佢哋分享培養佢哋兄弟妹情,對三個我哋都大公無私,錯就罰,啱就讚。」

陳茵媺
陳茵媺

陳茵媺 親自下廚

陳茵媺透露自己平日都會親力親為照顧三個小朋友:「因為我未放得手畀人去幫手,我又同佢哋瞓啦,朝早又煮早餐畀佢哋食,親自揸車車佢哋返學,今年比較頻撲啲,因為朝早二仔返學,晏晝就係細女同大仔返學,變咗我要來回四次返屋企接送。」

陳茵媺
陳茵媺

農曆新年剛剛過去,陳茵媺話有去拜年,亦有喺屋企親自下廚煮團年飯:「煮畀屋企人同啲小朋友,哈哈,好大工程!呢餐我好大壓力,哈哈,都OK、都好成功。我本身唔識煮中國菜,成日都係煮啲西式嘅嘢,上年開始第一年摷資料去學點樣煮中國菜,練咗兩、三晚,之後先敢畀屋企人食,今年信心大少少,因為上年試過,哈哈!」

陳茵媺
陳茵媺

三個夠晒數

問到陳豪有冇鼓勵繼續生?陳茵媺答:「佢呀⋯⋯佢話愈多愈好呀,嚇死我,哈哈哈哈哈!我就話夠咯、真係夠嘞,因為尤其係我覺得香港有三個係比較困難少少,因為我喺外國有幾個朋友都係生三個,但我覺得因為嗰度環境會比較空曠啲、多啲地方畀啲小朋友走動,讀書方面會比較relax啲,同埋最緊要我覺得日常生活冇香港咁匆忙,上上落落車好似好少嘅嘢,但多啲位泊車嗰啲都係小嘅細節,呢方面喺香港我就覺得辛苦少少囉,所以我覺得夠嘞,如果唔係我真係要揸兩架車㗎嘞,哈哈哈哈哈!」

陳茵媺
陳茵媺
陳茵媺同陳豪兩夫婦湊小朋友不假手於人,只要不用工作,每天都是家庭日。

會唔會孻女孻心肝,最錫細女?陳茵媺話:「我覺得冇,因為佢都幾有Boss、領導嘅性格,哈哈,佢係好強嘅性格嚟,所以未有呢種情形出現,反而我覺得因為佢最細,更加要對佢嚴多少少,因為如果個個都縱佢,我驚佢性格變刁蠻公主,哈哈哈哈!」

陳茵媺
陳茵媺
陳茵媺話驚細女性格會變刁蠻公主,所以對佢特別嚴厲。

子女性格各異

陳茵媺又透露大仔有表演嘅潛質,好鍾意扮老師,同扮啲古靈精怪嘅嘢:「佢好怕醜,但一要上台佢就唔驚,試過喺學校有聖誕嘅演出,之前我猛咁要佢講對白畀我聽,佢唔肯講畀我聽,仲同我講:『媽咪,我知道要講咩對白,你唔好再問我嘞。』我擔心佢唔記得,因為第一次上台、第一次要講對白,我個心怦怦跳,仲緊張過自己上台,點知嗰日佢講得好大聲、好有自信,又好清楚,記得晒全部每一個字,我覺得佢好似我老公,一埋位就已經可以講對白、做戲!」

陳茵媺
陳茵媺
陳茵媺透露大仔好有表演潛質,上台講對白好有自信。

「二仔比較鍾意做功課,佢比較男人啲、man啲,率直啲,冇大哥咁多古靈精怪嘅嘢,大仔好鍾意諗啲計仔。阿囡就好鍾意Show Off、好鍾意引人注意,特登喺你面前扭吓扭吓繞場一周,等人望住佢,三個真係唔同嘅性格!」

陳茵媺
陳茵媺
至於二仔陳茵媺就話佢性格率直,比較man。

陳豪 做唔到嚴父

問陳茵媺算唔算怪獸家長?小朋友每日使唔使上好多興趣班?佢笑言:「冇,呢方面我比較relax,但relax得嚟我都有要求,我自己喺屋企有畀啲功課佢哋做,我唔想日日要帶佢哋補習,因為其實佢辛苦之餘,我自己都好辛苦,因為我要親自接送,我又唔想畀咁多壓力佢哋,因為當日日都要咁樣返學,我知道我會好大壓力,當我有壓力,我就有可能畀啲小朋友好大嘅壓力,我唔係好想。」

陳茵媺
陳茵媺

不過陳茵媺又表示:「但係喺香港因為人人都咁做,我又唔可以完全唔畀佢哋上堂學嘢,所以攞個平衡囉,唔可以太多,但又唔可以完全冇,如果佢哋冇學,而隔籬個小朋友有,返到學校可能會有比較,我唔需要佢哋最叻,中間我覺得已經好好㗎嘞。依家大仔四歲,佢上緊普通話堂,因為我普通話唔好,教唔到佢,二仔同囡囡就有學游水。我都希望佢哋學一樣音樂方面嘅嘢,但暫時未有時間。」

陳茵媺
陳茵媺
相夫教子日子有功,身為三子女之母陳茵媺練就出不少心得,「試過晏晝同埋屋企人一大班人打邊爐,我淨係需要準備新鮮食材,大家烚自己鍾意嘅嘢食。」

陳茵媺又講到當小朋友曳嗰陣,通常由佢負責鬧:「因為我成日都喺屋企,同埋我係比較嚴格啲嘅,因為是旦一個要嚴格,我哋試過,佢(陳豪)嚴格唔到,哈哈哈哈哈!所以我成日講,當爸爸嚴格,就好嚴重,平時就我嚴格啲,當問題嚴重,我會畀阿Mo出聲,所以當爸爸出聲,佢哋就知道爸爸好少咁嚴,即係好大件事嘞!」

陳茵媺
陳茵媺
陳茵媺話喺香港唔可以完全唔畀佢哋上堂學嘢,因為返到學校可能會有比較,所以要攞個平衡,喺中間佢覺得已經好好。

下一頁:陳茵媺分享三招產後修身方法

延伸閱讀:

【親子餐廳】尖沙咀 | ALMA x 「Duck意Buffy下午茶」

關注我們Facebook專頁
    相關新聞
      更多瀏覽