克勤怕做燈神:睇電視都行遠啲!
2018年07月10日03:00
克勤與阿倫談起足球,即滔滔不絕。

【星島日報報道】世界盃已走到尾聲,今日開始更是進入激烈的四強爭霸戰,譚詠麟(阿倫)稍後會拉隊到俄羅斯欣賞決賽的大戰,至於已打入四強的英格蘭擁躉李克勤,反而決定不做「明燈」留港睇電視,原因是每屆都現場捧英格蘭最後都頭耷耷敗戰,希望這次能夠捧盃而回!

李克勤昨日為時代廣場一餐廳主持開張剪綵儀式,譚詠麟也有到場支持。阿倫透露將於本月13日跟一班藝人飛到俄羅斯觀賞世界盃決賽。問到一家幾口出發?阿倫即迴避,並笑指自己一個人出發。追問是否與兒子曉風追捧同一隊?他說:「我沒有問佢,佢唔喺香港,但也傳短訊畀我話有睇波。(佢有你的遺傳?)有隔代遺傳的細胞。哈哈!」

不過,阿倫原本是捧法國及比利時隊的,可惜兩隊處於同一線,要決一死戰才能打入決賽,他說︰「英格蘭最有利,因為俄羅斯隊打殘了克羅地亞隊,入到決賽時傷的傷、停賽的也停賽了。」

克勤則表示有時候好波不如好運,他坦言過往幾屆都在現場捧英格蘭隊, 可惜射完12碼後都睇住他們頭耷耷行出場,所以這屆他不會再到現場睇英格蘭隊。他說︰「我係名副其實的明燈,現場睇咁多次佢哋都輸,希望今次可以贏啦!(你今次連電視都不敢睇?)睇!行遠啲睇囉,希望英格蘭也可以行得遠啲。」克勤又表示若今年到俄羅斯睇世界盃的話便會一家老幼同行,為免勞師動眾才不去。

此外,早前腰部受傷的克勤表示,躺在牀上4天便康復。他笑稱當日與梁漢文一起踢波後,對方撞爆頭而自己則傷腰。阿倫也笑克勤說︰「叫咗你唔好咁多高難度動作啦,哈哈!」克勤則澄清自己踢波時已沒有做倒掛金鈎這動作。

問到二人可會投資西餐廳?阿倫和克勤都表示要先做好雲吞麵店,希望達成上市這最終的長遠目標。

另外,克勤日前到青島為央視世界盃特備節目《最佳時刻》錄影,期間他大唱經典金曲《護花使者》同《紅日》,炒熱全場氣氛。克勤又透露正籌備全新國語大碟,將會同內地眾多知名音樂人展開深度合作。而同場出席該節目的還有近排因為內地選秀節目《創造101》而爆紅的英皇歌手許靖韻。

關注我們Facebook專頁
    相關新聞
      更多瀏覽