黎明新搞作化身老友記 竟然冇人認得出?
2018年07月09日11:00

黎明自榮升老竇後,專心湊女,最近他成為了香港年金大使,並為推廣退休年金計劃而「復出」拍廣告。久未露面的Leon終於有新搞作,喬妝做老人家,同一班老友記玩遊戲兼傾下偈,重點係大家都唔發覺原來天王在身邊!

撰文:東方新地|圖片:黎明Facebook

延伸閱讀:

《深宮計》收視高 黃心穎、康華、馬浚偉床照、裸照找數!

18歲細女即將出國留學 毛舜筠 爭取時間陪小公主

黎明出任香港年金大使

日前,黎明以香港年金大使出席「終身年金」活動,是至今年4月升呢做老竇後首次公開露面,當被問到會否影全家福,Leon就表示自己自幼父母離異,亦無拍過全家福,但很享受一家人相處的時光,會去尋找和珍惜。

之後Leon仲大爆「金句」:「退休就是花錢的遊戲」,令全場大笑。

黎明新搞作化身老友記

最近,黎明為推廣退休年金計劃而「復出」拍宣傳短片,仲同老友記一同玩遊戲兼傾下偈,從中了解多啲老人家的諗法。為此,Leon特地喬妝成老人,以便融入一班老人家。

當Leon化好哂妝行去同其他老人家一會合,一班醒目的老友記一見到化老妝後的Leon就覺得熟口熟面,仲不停望住Leon。

而任低咗的Leon起初表現尷尬,擔心會被老友記睇穿,但為成功蒙混過關,唯有用語言藝術,率先打破僵局!

點知有位老友記話:「你個樣好似四大天王入面嗰個!」聽到呢句,Leon心都跳出嚟!

Leon為咗令一眾老友記唔懷疑佢真正身份,結果逼住keep住用老聲說話兼要作不同故事,當中包括後生做賣海鮮,仲話有好多師奶搵佢買海鮮!

黎明喬妝成功

當玩完遊戲後,Leon終於落妝以真面目面對各位在場老友記,一班老友記見到黎天王真人感到十分驚喜,仲同Leon講:「頭先有個好似㗎喎!」

身為四大天王之一的黎天王毫無架子,除咗親民同一班老友記握手,仲同佢哋合照留念,個個都開心笑到見牙唔見眼。

拍攝完畢後,Leon似乎都有好深刻的體會,除上載分享整個廣告及分享與老友記相處的片段,更留言分享自己的感受,寫道:「每個人都有機會經歷人生不同階段,當你未經歷過時你可能會輕視取笑,人生如場球賽,當你經歷了上半場後……下半場可能會更能明白了解。趁未完場前希望大家可多給關心及尊敬予身邊的人。」

有唔少網民睇完段片後,都不禁留言大讚Leon好有正能量同善心,仲話「香港勝在有黎明」睇嚟黎天王好受一眾廣大市民歡迎!

宣傳短片:

黎明 – 香港年金計劃 「退優人生」真人Show

每個人都有機會經歷人生不同階段,當你未經歷過時你可能會輕視取笑,人生如場球賽,當你經歷了上半場後……下半場可能會更能明白了解。趁未完場前希望大家可多給關心及尊敬予身邊的人。

Posted by 黎明 Leon Lai on Thursday, 5 July 2018

51歲黎明做爸爸!

黎明正式榮升爸爸!據悉阿Wing早產一個月誕下B女,母女平安,真係可喜可賀!不過由於係早產的關係,所以B女比較輕,只有五磅左右。現時四大天王,可以改名做「四大外父」了!

黎明
黎明
恭喜黎明做爸爸!

黎天王上月認戀

黎明在其FB專頁寫著﹕「兩個經歷過離婚的人,有機會走在一起已是一種缘份,有了的小生命更將令我成為父親,并帶我進入人生中另一階段。我作為父親必須保護好我自己的家人,更不願意讓家人隨便曝光,相信作為家長也會有同感。對於我們的將來,就交给時間去證明一切。2018年3月19日! Leon” 」

黎明
黎明
黎明便在Facebook正式承認喜訊,他說:「兩個經歷過離婚的人,有機會走在一起已是一種緣份,有了的小生命更將令我成為父親,並帶我進入人生中另一階段。我作為父親必須保護好我自己的家人,更不願意讓家人隨便曝光,相信作為家長也會有同感。對於我們的將來,就交给時間去證明一切。」

出席活動 預告不接受訪問

黎明早前出席活動,事前張揚話不會受訪,活動後會即刻閃人。活動上黎明身穿白裇衫襯蝴蝶冷衫現身,他獲大會安排坐於嘉賓席,見Leon面露微笑和同場嘉賓有傾有講,心情明顯靚爆。

黎明
黎明
活動上,大會事前表明黎明不接受訪問。
黎明
黎明
穿黑色印花針織上衣的黎明心情大好,司儀問到黎明如何呼籲年青人參與,他謂很多人有志願加入娛樂圈,又言不介意外型學識,最重要有創意和信念。

黎明
黎明
黎明今日以影視娛樂大使身份出席「香港影視娛樂博覽啟動儀式」。
黎明
黎明
快將做爸爸的黎明,今日著住蝴蝶冷衫出席活動!

活動後急返家

活動結束後,黎明未有回應記者提問,急坐七人車返回位於上水雙魚河St.Andrews Place的6千呎獨立屋。

黎明
黎明
黎明活動後快閃趕回家,相信是趕住陪伴懷孕的阿Wing!

黎明女助手新寵曝光

之前,外界都一直以為黎明未走出情傷,但其實他去年已有著落,與其唱片公司AMusic的女助手阿Wing過從甚密!

黎明
黎明
黎明新寵Wing Chan

獲黎明寵幸的阿Wing進駐上水雙魚河St.Andrews Place的6千呎獨立屋,又在AMusic任營業部經理,可以話係打晒骰。

黎明
黎明
黎明新寵Wing Chan

成為天王新寵不特止,阿Wing更狗年報喜將榮升人母!

黎明
黎明
黎明新寵Wing Chan

黎明新寵阿Wing 陀B出巡

這段養胎日子,阿Wing繼續自由出入黎宅,早前本刊拍得黎明由司機接載離開寓所工作,之後阿Wing獨自駕車外出,直駛沙田「Homesquare」,該處集中售賣家具及家品。現場所見,阿Wing當日身穿白色薄羽絨內襯黑色連身短裙,下車後清楚可見佢腹部已明顯隆起,目測已懷孕六個月以上,不過佢未有水腫,而且健步如飛。

黎明
黎明
早前阿Wing由黎明寓所出發去shopping,見到佢腹大便便、剪了頭短髮,掃家品、睇BB床,連車都睇埋!

睇中七人車

據知阿Wing已為生B作好準備,早前把頭髮剪短,以免搶去BB營養,看她精神不錯,腳骨力特好,行足幾個鐘頭街都未見要休息。入到商場,阿Wing第一時間行到車行,望住門口陳列價值約35萬的七人車「Noah」,佢睇得入神更用手機影低,車行經紀見佢一身名牌似足闊太,即落足嘴頭力Sell,除殷勤招呼上車試坐,又埋枱傾價錢同細節。

黎明
黎明
阿Wing試坐後同經紀密密斟。
黎明
黎明
阿Wing對呢部價值約35萬的七人車甚有興趣,仲拎手機出來影低部車。

之後阿Wing拎住新車資料離開,還邊行邊研究。據知呢款車與黎明得力助手子泉駕駛的七人車同款,阿Wing為方便產後與B外出,亦想把現時駕駛的福士小房車換成七人車,與子泉睇齊。

黎明
黎明
阿Wing逛完家品店又狂掃籐器,自己一手一腳搬上床。

再睇BB床

其後阿Wing再折返商場逛嬰兒家具店,主攻日本品牌的BB床及被具,見佢細心研究每張床的資料,最後睇中一張可延伸長度及與大人床拼接的BB 床,不過佢未有落訂購買,並向售貨員表示要與家人商量後先決定。

黎明
黎明
當日阿Wing喺呢間日本嬰兒家具品牌店行咗好耐。
黎明
黎明
阿Wing對呢張可延伸的BB床特別有興趣,BB床連同日本製被具及其他床具等,共值約7千元。

延伸閱讀:

無綫最新筍盤 余德丞 夜媽媽車女去邊呢?

關注我們Facebook專頁
    相關新聞
      更多瀏覽