陳煒被網友力撐做視后 大讚霸氣演出引領全劇!
2018年07月09日17:00

昨晚,《宮心計2深宮計》終於播出大結局,結局係點相信大家都知,但相當值得一提的,是劇中飾演太平公主的陳煒由最初登場到大結局,都被一眾網友大讚其演出一流,其演技更是拿捏恰當,非常能捉緊每刻的情感表達,故被網友力撐有望爭視后!

撰文:東方新地|圖片:TVB截圖、陳煒facebook

延伸閱讀:

C朗上內地節目 唔揀女神迪麗熱巴 鍾情呢位模特兒?

蔡思貝為好姐妹慶生 大爆雙方素顏及床照!

《深宮計》中,陳煒飾演的太平公主與馬浚偉飾演的李隆基及胡定欣飾演的王蓁互相角力,可謂是全劇的中心。而陳煒每次的出場都氣勢逼人,無論係眼神定說話語氣,她都拿捏恰當,可見陳煒多年的演技浸淫及磨練,可謂已達爐火純青的地步!

平王李隆基聯同太平公主,成功擁護父親李旦重登帝位,開展了隆基與太平之間的連場角力。

陳煒、胡定欣與馬俊偉皆於劇中擔正,大家拍劇多年,各人演出的表現都有一定水準。

胡定欣自01年加入無綫後,扮演過多種不同性格的女角色,之後默默耕耘14年,直到2015和2016年才先後憑《鬼同你OT》及《城寨英雄》奪得兩屆視后,但今年可否再次憑此劇再登視后寶座確是未知之數,皆因有陳煒呢位好戲之人!

劇中胡定欣飾演王蓁一角,為未登位時的李隆基之正室,但每次於戲中都被陳煒所演的太平公主的氣勢壓下,一個眼神足以力壓眾人,認真眼神交戲!

有聖旨在手的太平咄咄逼人,更當眾揶揄王蓁。

就算陳煒只係單單坐低,都不失氣勢,可謂霸氣盡現!

除咗霸氣一面,陳煒亦於劇中表現出重感情的一面,事源太平公主本來有個真心相愛的駙馬相伴,二人相處一幕,陳煒更完美表達出少女情竇初開時的青澀,含羞答答的樣子完全難唔到44歲的陳煒!

可惜,太平公主始終未能與駙馬相伴到老,痛失駙馬一幕,陳煒舉手投足相信都牽動唔少觀眾的情緒!

大家睇,又一個眼神交戲,於悲痛中帶點恨意。

到大結局一刻,陳煒即便大勢已去,仍想力挽狂瀾,死到臨頭仍然口硬,指李隆基並未算實權在握,所以無權將自己問斬,內心戲都交足功課!

太平公主每個表情都相當入戲!

太平公主面對謀反大計失敗,明知難逃一死,亦主動回宮見李隆基,仲要力數李隆基不是,死前都要盡顯公主凌人氣派!

劇中,太平公主最後選擇以白綾自盡。

大結局出街後,網上就有唔少網友留言大讚陳煒演技拿捏準確,表現於眾人之中最為突出,認為佢絕對有能力憑此劇力爭視后,唔知大家又有咩睇法呢?

同時,有網友留言大讚陳煒飾演的角色非常搶眼,又表示好唔捨得劇集完結,因為冇得再睇太平公主的演出,可見陳煒於戲中的角色贏盡觀眾心!

陳煒 為愛放棄一切

96年亞姐冠軍陳煒,08年同台灣富商顏志行結婚,煒哥嫁夫隨夫,放棄香港一切陪老公飛台灣生活,不過2012年,煒哥突然回流香港簽約無綫兩年,直至去年煒哥才驚爆同老公早於五年前已離婚。忍足五年都唔講,煒哥事後受訪坦然自己性格好直,講大話好痛苦,但剛重返香港拍劇,唔想外界覺得她婚姻失敗好慘,唔想博人同情。

陳煒
陳煒
煒哥同台灣富商前夫顏志行於08年結婚,婚姻只維持了五年。

據知情者透露:「當日煒哥決定結婚,跟老公去台灣生活,其實已經諗咗放棄晒娛樂圈嘅一切,但因為顏志行係生意人,工作好忙,成日要周圍飛,結婚初期煒哥都會陪老公周圍飛傾生意,但耐咗開始覺得悶,兩個人嘅距離愈嚟愈遠,老公唔想大家勉強一齊生活,就提出離婚,不過煒哥份人好長情,離婚初期佢係好唔捨得。」

陳煒
陳煒
陳煒早前搬離月租近八萬的港島豪宅,現以兩萬多元租住油塘海景單位。

離婚後互相支持

雖然因了解而分開,但離婚反而令兩人解除壓力,相處更加和諧。據煒哥身邊人透露,其實離婚之後,煒哥跟前夫反而更關心大家:「分開之後,唔知係咪冇咗之前嘅壓力,兩個人反而關係仲好咗,好多嘢都會同對方傾,兩個人會互相支持,前夫本來想喺香港買層樓畀佢,等煒哥留喺香港做嘢,可以住得舒服啲,但煒哥性格好硬淨,佢唔想離婚仲靠對方,所以拒絕咗。堅持自己搵錢自己使,為咗慳錢,佢都冇再租之前嘅西灣臺1號豪宅,搬咗去油塘度住,啲租平成截!」

陳煒
陳煒
拍《深宮計》煒哥每日連踩20粒鐘,搞到唔夠瞓雙眼勁爆紅筋,雖然拍得辛苦,但煒哥表示勁鍾意太平公主角色:「好多謝小青姐畀呢個機會我!始終演齡好有限,我呢個年紀仲有咁多機會好感恩!」

煒哥對感情長情執著,對工作同樣專一投入,當年重返無綫,她亦唔介意由配角做起,即使做閒角一樣唔錫身博到盡,復出拍首部劇集《法網狙擊》就著泳衣晒火辣身材同郭政鴻肉搏,之後多個劇集演技亦被大讚,火速成為無綫監製搶手貨。

陳煒
陳煒
《深宮計》演員陣容鼎盛,女主角個個有份量,陳煒仍能排眾而出,被網民激讚演技超班,捧她為今屆視后不二之選。

冇諗過靠男人

對於有傳前夫想買樓給她一事,本刊向煒哥求證,她否認有收贍養費:「冇呢回事!自己冇諗過要佢啲錢,一路以嚟都係靠自己,我唔使靠男人!」提到她曾表示離婚是老公提出,初期會否好唔捨得?

陳煒
陳煒
憑演技上位,煒哥已成無綫當紮阿姐,月前開拍的重頭劇《多功能老婆》,她就同楊千嬅做好友。

她就霸氣表示:「始終係一段感情,當然需要時間,但已經放低咗!」問她如何形容跟前夫現時關係?她直率表示:「係朋友,會聯絡!」(他來香港會約?)「有嘅!但唔多!」睇嚟事業再起飛,煒哥亦Ready接受新戀情,有樣有身材,機會多的是!

陳煒
陳煒
劇中煒哥還有泳衣戲。

為演出讀心理學

今年演出的兩個劇《果欄中的江湖大嫂》以及近期熱播的《深宮計》,煒哥演技大爆發兩劇都搶盡風頭,特別是《深宮計》演極有心計,充滿政治野心的太平公主,網民更大讚她演技超班成羣妃之首,推她成今屆TVB視后!但成功並非一朝一夕,煒哥背後其實花了唔少努力。

陳煒
陳煒
《深宮計》令陳煒事業闖上第二個高峰,近日爆紅的她,即使劇接劇依然神采飛揚,多年來樣貌身材都keep得勁fit的她,日前就去咗試戰衣,只係一件性感晚裝,煒哥穿上身已經洶湧澎湃,震撼程度擋也擋不住。

深不可測

煒哥近期亦接下唔少登台及私人活動,還接了一個減肥美容代言工作,連日來趕劇日夜顛倒,但仍爭取時間到代言公司做減肥美容,6月16日連踩30粒鐘拍完《多功能老婆》,只係休息幾個鐘又一個人出動,由司機接載到尖沙咀金巴利道Spring wedding婚紗公司試晚裝,見她入到舖頭,冇助手跟身服侍,自己揀啱就試,性格不拘小節,換完衫又走出來同老闆娘密密傾,件件戰衣都勁騷事業線,將驕人身材表露無遺!睇嚟爆Job的她,為工作瞓身博盡!

陳煒
陳煒
陳煒日前公主出巡,到了尖沙咀試戰衣,為嚟緊活動演出及登台做準備。

氣勢逼人

陳煒
陳煒
太平公主絕不「太平」,勁有料的煒哥稍稍一露已經好有睇頭。

親民公主

陳煒
陳煒
太平公主氣勢逼人,不過煒哥卻極之親民,試衫當日,全程冇帶助手,唔會下下要人服侍,期間又同老闆娘好好傾。
陳煒
陳煒
除咗前面澎湃,唔少戰衣仲大露背。

少女味濃

陳煒
陳煒
44歲陳煒身材樣貌都勁省鏡,而且勁有氣質,睇落真係好有少女味!

大飽眼福

陳煒
陳煒
憑《深宮計》爆紅的陳煒,活動商演內地登台接踵而來,就算拍完通宵戲,煒哥仍要趕去試衫揀戰衣,遠睇已經咁有睇頭,到時觀眾肯定大飽眼福!
陳煒
陳煒
期間煒哥還用手機拍下短片,見她用普通話自我介紹是太平公主,相信是放上社交網。

有司機

陳煒
陳煒
試完衫,陳煒由司機接載,乘坐七人車直去銅鑼灣。

食得清淡

陳煒
陳煒
煒哥匆匆忙忙先到超市上糧,主攻蔬菜沙律等食物,似乎近期忙於拍劇的她選擇食得清淡。

做美容代言

陳煒
陳煒
買齊嘢,煒哥直上皇室堡美容中心,原來有樣有身材的她,被美容公司睇中做新一任代言人。

《深宮計》陳煒視太平公主為代表作

飾演太平公主嘅陳煒獲中港兩地網民一致力讚,睇好做「視后」,陳煒接受傳媒訪問時謙虛表示,好多謝觀眾咁支持套劇同佢,又話演員遇到好角色又有得發揮嘅真係好難得,所以佢好畀心機把握呢個機會!而近日煒哥出席活動,透露《深宮計》點擊率已經接近11億,佢笑言等點擊到20億時,會學馬浚偉同胡定欣公開「十億祼照」咁:「拎啲嘢出嚟畀大家開心吓!」

本宮馬上又要出招啦,等着瞧吧!😏😏😏#宮心計2深宮計 #太平公主

Alicechanwai(@alicechanwai)分享的貼文 於PDT 2018 年 6月 月 7 日 上午 7:46張貼

深宮計
深宮計

熱播的大台劇《深宮計》,有人話啲妃嬪以至宮女都年紀大,其實年齡只係一個數字!你睇吓飾演太平公主嘅陳煒現年44歲,但仍然Keep好好,無論皮膚定係身材仍然弗爆!近排陳煒趕拍無綫新劇《多功能老婆》,同女主角楊千嬅有不少對手戲!日前佢等埋位嘅時候就勤力熟讀劇本,仲大騷長腿喺IG開心share!

努力的同學#多功能老婆

Alicechanwai(@alicechanwai)分享的貼文 於PDT 2018 年 5月 月 30 日 上午 3:19張貼

Alicechanwai(@alicechanwai)分享的貼文於PDT 2018 年 5月 月 31 日 下午 9:36張貼

兩度爭視后

其實今年44歲嘅煒哥,分別喺2015同2016年都有過機會憑《火線下的江湖大佬》嘅「傻冧」同《梟雄》嘅「桂生姐」兩個角色問鼎視后,可惜最後都係失落「最佳女主角」,不過煒哥嘅演技大受讚賞,唔少網民激讚煒哥好戲過多年死敵萬綺雯㖭!

甚少做喜劇嘅陳煒喺《火線下的江湖大佬》估唔到都咁掂,扮鄭則仕老婆、江湖大嫂「傻冧」夠自然又夠放!

而喺《梟雄》飾演「桂生姐」仲獲得《星和無綫電視大獎》嘅「我最愛TVB電視女角色」獎。

早前喺《果欄中的江湖大嫂》中,陳煒飾演一個過氣的功利小女星,但是在慶生時發現老公外遇,之後回到香港生活,更成為了一個果欄的欄主,亦贏盡觀眾掌聲!

陳煒
陳煒

96年亞姐冠軍

入行22年嘅煒哥,96年未畢業便決定參選亞洲小姐,更勇奪冠軍!之後成為亞視藝員,拍了超過廿部電視劇,當中《我和殭屍有個約會》同扮梅艷芳的《美麗傳說2星願》都非常經典。

曾做「晶女郎」

唔講唔知,煒哥原來都做過「晶女郎」,06年拍電影《提防老千》更與王晶有超火辣場面!

倒奶搏到盡

12年過檔TVB初期,煒哥繼續行性感,即使唔係做女一都搏到盡,倒奶絕對係家常便飯!

效果都相當震撼!

激罕童年照曝光 《深宮計》陳煒 細個勁似㗎妹!

煒哥入得廚房出得廳堂,44歲仲keep得咁fit,究竟女神的童年的樣子係點嘅呢?

係咪好kawaii呢?

女神當年真係又pure又true!

01年出噴血寫真

注定食呢行飯嘅煒哥,一早已深明上位之道,肯搏肯捱之餘,仲識賣肉冧觀眾!

01年出埋寫真添!

延伸閱讀:

拒讓位被笑厚粉 王賢誌獲網民力撐EQ高

關注我們Facebook專頁
    相關新聞
      更多瀏覽