《天命》和坤教用英文霸氣鬧人 陳展鵬:I go to school by bus
2018年07月05日07:00

TVB《天命》緊隨《飛虎之潛行激戰》之後播出,《天命》以和珅死前28日作主題,一集代表一日倒數,唔少網友睇緊都讚套劇節奏明快緊湊。而喺第一集陳展鵬飾演嘅和珅,與英國商人談生意大計期間不歡而散,煎Pang仲用英文鬧爆洋人!

不過估唔到呢段劇情,事後仲出現咗條惡搞片,煎Pang教大家以英文霸氣地用英文鬧人,到底搞邊科……

撰文:環球膠報|圖片:See See TVB

延伸閱讀:

林淑敏戰勝乳癌脫胎換骨:患病係祝福

Vien BB馬爾代夫噴血泳衣照 巴打:點解會有條黑邊嘅?

新劇《天命》其實都播咗幾集,由陳展鵬扮演奸人和珅,同好似劉愷威嘅譚俊彥大玩宮廷鬥爭。

一開始唔慣陳展鵬做咁嘅角色,不過睇睇下都發現演員都幾合拍,尤其係陳展鵬、姚子羚,好多觀眾都讚爭鬥情節緊張刺激。

不過前幾日就有穿崩,竟然爆現代英文,重演「同朕check下」搞笑一幕?

其實呢個就唔係穿崩,係「See See TVB」剪輯組嘅傑作。原本劇情中和珅在第一集與英國商人談生意大計,兩人不歡而散,英國商人以為陳展鵬不懂英語,於是以英語大罵陳展鵬貪婪。

陳展鵬知道自己畀人用英文鬧,所以就用姚子羚教佢嘅英文鬧翻對方,陳展鵬發火:「Bullshxt!shut your mouth!」

最後更大叫「Get Out」,嚇到老外立即跪低賠罪…….

不過呢條「See See TVB」嘅《天命英語教室》嘅片瘋狂loop咗呢幾句:

「Stand behind the yellow line (請勿超越黃線)」

「Next station is lok ma chau (下一站是落馬洲)」

「I go to school by bus (我搭巴士上學)」

「pikachu (比卡超)」

「Pen Pineapple Apple Pen」

真係乜都有,笑爆嘴。

睇片,超好笑:

《天命》故事大綱:

和珅(陳展鵬飾)才智過人,深得乾隆帝寵信,權傾朝野,營私植黨,人稱「二皇帝」。皇十五子永琰(譚俊彥飾)看似平庸,與世無爭,遂得和珅相中,扶植為皇位繼承人。嘉慶四年,乾隆駕崩,嘉慶帝先後說服和珅兒子豐紳殷德(何廣沛飾)以及心腹福長安(陳山聰飾)倒戈相向,意圖以雷霆手段將和珅及其黨羽一舉殲滅。

天命
天命
和珅才智過人,深得乾隆帝寵信,權傾朝野,營私植黨,人稱「二皇帝」。

然而老謀深算的和珅早有對策,不但化解嘉慶連番攻擊;更反客為主,揭出皇貴妃(李施嬅飾)一段不可告人的秘密,令嘉慶腹背受敵!和珅二夫人長媚(姚子羚飾)和紅顏知己豆蔻(唐詩詠飾)亦在宮中與江湖上分頭行事,令一向支持嘉慶的親弟永璘(張頴康飾)與之反目成仇,而白蓮教也在江湖上興風作浪,令嘉慶陷入絕境。豈料天命難違……

天命
天命
乾隆駕崩,嘉慶先後說服和珅兒子豐紳殷德以及心腹福長安倒戈相向,意圖殲滅和珅。

和珅 精通四語

其實和珅精通滿、漢、蒙、藏四語,而且過往他也有與英國使者外交的經驗,和珅懂英語也不足為奇。

陳榮峻《天命》再演公公

而早前《天命》一眾演員出席宣傳活動,又又又再演公公的陳榮峻亦在場,佢都笑稱自己今次又飾演宦官角色,演出次數多到佢自己都唔記得!陳榮峻接受傳媒訪問時被問到公公的「第一次」,原來係當年有監製話佢唔夠show,所以隨意叫佢先做一個公公角色,做公公就多啲show。

演過不下30次公公

就係咁樣開咗個頭,自此陳榮峻不停接到公公角色,佢粗略估計喺演戲生涯中差唔多演過30次公公,甚至另一重頭劇《宮心計2深宮計》的監製,一開始都有傾向搵陳榮峻做回「老本行」。

陳榮峻
陳榮峻
陳榮峻今次演陪伴著乾隆帝(張國強飾)的曹公公

宦官角色原來好搶手…

咁到底陳榮峻鍾唔鍾意演公公呢?峻哥表示其實演公公都ok㗎,原因係好多男演員拍古裝都唔鍾意黐鬚,而做公公就攞正牌唔使黐鬚,舒服好多,所以公公角色其實好多人爭住做!峻哥仲笑說如果稍有演出不佳,下次就冇你份演公公啦!

公公角色對陳榮峻來說絕對係駕輕就熟!

陳榮峻 無綫綠葉王

62歲的陳榮峻原名陳榮基,入行初期加入佳藝電視,其後參加1984年無綫電視藝員訓練班,畢業後一直效力無綫,不經不覺已經33年。多年來陳榮峻參演劇集無數,飾演過的角色多不勝數,尤其以奸角及公公角色為觀眾熟悉;另外陳榮峻早年在《怒火街頭》中飾演的根叔亦令人印象深刻。

陳榮峻早年曾在節目《Sunday好戲王》中獲封「公公王」,可見佢演公公角色係幾咁深入民心!

《天命》劇情第1-5集 | 和珅被指背叛朝廷遭軟禁

延伸閱讀:

馬國明出席劇集煞科宴 驚爆恨做婦科醫生原因!

關注我們Facebook專頁
    相關新聞
      更多瀏覽