K房睇世界盃!梁漢文額頭撞枱縫37針:傷口深見骨
2018年07月03日11:43

四年一度的世界盃進行得如火如荼,踢開波的梁漢文(Edmond)當然加入睇波行列!不過沒想到竟惹來血光之災,話說日前Edmond與朋友到卡拉OK觀看世界盃,怎料因現場燈光太暗,失足令額頭撞枱角流血不止,要到醫院接受手術,縫37針!見Edmond上載躺在病牀的自拍照,他右額位置貼上長長的紗布。

手術過後,梁漢文拍短片向大家報平安,見他戴上口罩,精神奕奕,額上傷口貼上長長的膠布。他表示:「縫了37針,長度7厘米,深到見骨。」他解釋當時唱《一世一次戀愛》時,因調校房內燈光,看不到前面的一級樓梯,一時失足跌倒,才導致今次意外。完成手術後,他已回家休息。

 

不過受傷沒有擊退Edmond睇世界盃的心,發言人稱:「Edmond精神很好,繼續頂頭槌都無問題。本月13日將會如期啟程飛往俄羅斯主辦國睇世界盃。」

梁漢文edmond:今屆世界盃都未試過出去睇場波,突然心血來潮打俾我兄弟問佢係邊,佢咁岩喺卡拉OK,當時我的感覺直情係緣份到了,可以一齊睇波、點知意外就係意外,冇得解釋,竟然可以一邊唱住人哋想我唱嘅「一世一次戀愛」、個頭直接撞落枱角,流血不止,經過一大輪嘅討論,我決定聽朝做一個大手術,所以我之後會好靚仔good nite,大家不用擔心🙏 -- 梁漢文edmond

From:微博/梁漢文edmond

From:微博/梁漢文edmond

梁漢文edmond:今日黃昏六點開波,同譚校長一共攻入七球,爽呀😎返到屋企浸左半個鐘頭浴缸(超熱氷),然後立刻用花灑淋凍水,呢嘢火冰真係冇得頂👍冧曬🆒 ​ -- 梁漢文edmond

From:微博/梁漢文edmond

梁漢文edmond:咩叫對運動對足球最有熱誠,我地就喺表表者,得六個人,球場變水塘,3點踼到4點半⚽️死未😂😂😂 ​ -- 梁漢文edmond

From:微博/梁漢文edmond

From:微博/梁漢文edmond

梁漢文edmond:10號星期日踢完表演賽,星期一操完網球,昨天踢完6人水塘戰,今天晚上再和晨曦B隊比賽,雖然有點累,但都連中三元,好Happy 😊世界盃還未開始,先頒個世界盃比自己😂 ​ -- 梁漢文edmond

From:微博/梁漢文edmond

From:微博/梁漢文edmond

關注我們Facebook專頁
    相關新聞
      更多瀏覽