第三名又如何? 歷屆8位靚爆港姐季軍一覽
2018年07月01日17:34

一年容易又港姐,《2018香港小姐競選》已經截止報名,好快又會有一班美麗與智慧並重的小姐同大家見面!雖然話每年港姐冠軍大多可以名留青史,但就算拎季軍都唔一定係比較遜色,有樣有身材就肯定㗎啦,喺娛樂圈成就一樣不同凡響!

撰文:東方新地|圖片:新傳媒、Instagram、Facebook

延伸閱讀:

余文樂 帶妻歐遊補度蜜月

絕世好家姐 幫胞弟上車|張文慈出騷 細佬全家撐

|朱千雪

首先係網民至愛的朱千雪!朱千雪為2012年香港小姐季軍,參選時深得網民支持,當年無綫電視首次推行一人一票選出港姐冠軍,但最後網上投票系統伺服器發生問題,三甲依舊按評判評分選出,千雪最終只獲得季軍!而冠、亞軍分別為張名雅、黃心穎。

近年有唔少人睇番轉頭,都話其實2012年呢屆港姐真係超高質,除了現時大受歡迎的小花黃心穎及朱千雪外,仲有「靚湯」湯洛雯、身材出眾的林泳淘、陳潔玲,以及袁偉豪前女友岑杏賢等。

2012年港姐冠軍張名雅、亞軍黃心穎及季軍朱千雪。

《EU超時任務》

千雪選港姐後加入無綫,參演過不少劇集,但說到其代表作一定係2016年《EU超時任務》!千雪飾演的Madam Ling凌晨風令人留下深刻印象,與渠頭(王浩信飾) 的一段情更是讓觀眾心酸落淚!

喺當年台慶頒獎禮中,朱千雪同王浩信都憑《EU》成為視后、視帝大熱,不過最終只獲「最受歡迎劇集搭檔獎」,唔少觀眾都好失望!

《踩過界》 再遇王浩信

之後朱千雪同王浩信喺劇集《踩過界》再演熒幕情侶,可惜最後又係令人傷心的結局…

美貌與智慧並重

美貌與智慧並重的千雪BB人紅唔囂又夠貼地,發展演藝事業之餘亦是好學不倦!千雪早年畢業於西門菲莎大學商業和傳理系,後來於香港中文大學攻讀企業傳播社會科學系碩士都仲未夠,佢選擇停工一年,再修讀香港城市大學法律博士學位!

朱千雪為人貼地,素顏返學待人絕無架子,據知仲引來唔少狂峰浪蝶,成為Law界女神 !不過佢為讀書犧牲不少私人時間,有時一日要花10至12小時溫習。

「美貌與智慧並重」、「高學歷女神」等,朱千雪當之無愧!

You never forget your first trip to Paris. ❤️

A post shared by Tracy Chu (@tracytschu) on Jun 25, 2018 at 3:57am PDT

My get up at 5:30 in the morning for work face 😜

A post shared by Tracy Chu (@tracytschu) on Apr 26, 2018 at 5:29pm PDT

The cold has made me forget what summer feels like ❄️

A post shared by Tracy Chu (@tracytschu) on Feb 4, 2018 at 1:17am PST

|劉佩玥

2013年港姐季軍劉佩玥(Moon),174cm模特兒身高令佢在當屆鶴立雞群,加上標緻面孔及甜美笑容,輕易令人留下深刻印象!

唔止樣貌,阿Moon身材都相當有睇頭!

2013年港姐冠軍陳凱琳、亞軍蔡思貝及季軍劉佩玥。

拍劇成功入屋

劉佩玥當選港姐季軍後加入大台,起初以節目主持為主,至2014年首參演劇集《四個女仔三個Bar》,漸漸入屋,又同何雁詩、陳瀅等人成為好姊妹!

《四個女仔三個Bar》中飾演個性樂觀、心地善良的見習事務律師曾可欣(Holly)。
《實習天使》中飾演熱血有抱負的實習護士鄧勵幀。

直至2015年的《殭》,阿Moon一改戲路,以幹練短髮造型飾演成熟冷酷的女助手羅穎兒,佢在結局篇中為愛人龐應天(關禮傑飾) 報復後在對方的墓中服毒自殺,好震撼!

受力捧程度明顯不及同屆的陳凱琳、蔡思貝, 不過劉佩玥持續喺劇集有不俗表現,憑演技獲觀眾認同。在《城寨英雄》中,阿Moon飾演千金小姐柯德莉,最後與愛人龍成虎陰陽相隔,令觀眾深感婉惜…

劉佩玥同伍允龍的緋聞仲傳得似層層!

去年劉佩玥在大熱劇《 降魔的》飾演靈異節目主持「啤啤」,演出大受好評,成功入圍台慶「最受歡迎電視女角色」!

劉佩玥喺《降魔的》飾演啤啤。

新劇輪住上

嚟緊阿Moon有《十二傳說》、《跳躍生命線》等劇keep住上, 令人期待!

|陳雅思

陳雅思為2016年港季軍,不過風頭似乎都被冠軍馮盈盈及亞軍劉穎璇蓋過,所以觀眾都其認識較少,但其實佢樣貌身材都相當唔錯呢!

冠軍馮盈盈、亞軍劉穎鏇、季軍陳雅思及友誼小姐張寶兒。

歎得好健康

上年陳雅思有份主持節目《歎得好健康》,拍住黎諾懿同丁子朗等人去日本同台灣等地,探討一下健康資訊!點少得浸溫泉呢啲畫面呢?果然一浸成名。

陳雅思
陳雅思

陳雅思
陳雅思

陳雅思
陳雅思

誘人小背心

陳雅思早排去旅行,除咗必備的三點式泳衣,仲準備咗一件白色緊身小背心,除了晒事業線,玩完水件白色背心仲要濕濕透透,真係格外誘人!

陳雅思
陳雅思

陳雅思
陳雅思
白色背心仔真係冇得輸!

陳雅思
陳雅思

泳裝歎世界

去馬爾代夫度假,陳雅思又點會冇準備幾套三點式泳衣享受陽光與海灘!

陳雅思
陳雅思

陳雅思
陳雅思

陳雅思
陳雅思
陳雅思
陳雅思

希望嚟緊有更多機會見到陳雅思啦!

|許亦妮

今年將踏入30歲的許亦妮,為2011年港姐季軍,同時係最上鏡小姐及亮麗奪目佳麗獎得主,仲代表香港參與2011年國際小姐競選!許亦妮樣貌身材皆算出眾,而且仲有種姣姣哋、比較野性的味道,男士們好難抗拒嗰種!

2011年港姐冠軍朱晨麗、亞軍朱希敏及季軍許亦妮。

配角客串多

許亦妮當選港姐季軍後加入大台,曾在劇集中以配角或客串身份演出,包括《潮流教主》、《名門暗戰》等等,不過一直未有甚麼突出表現。

許亦妮於《潮流教主》的演出。

拍戲犯眾憎?

至2014年,許亦妮演出《喜愛夜蒲3》,當中有大量性感演出,亦同陳柏宇有唔少對手戲。演成點就唔討論啦,不過當年拍攝時許亦妮被指扮大牌、犯眾憎,罪名包括嫌棄服裝、胡亂發脾氣及遲到要全個劇組呆等乜乜乜,《夜蒲》亦成為佢唯一電影作品。

同大台分手

許亦妮去年與TVB正式合約結束,雖然唔知佢有咩搞作,不過就依然喺社交網站十分活躍,不時大騷35D噴血身材!如果唔計本身性格同觀眾緣,其實佢絕對係個貨真價實的索女~

改名許芷熒

據知許亦妮現時專注打理爸爸的生意,近日更宣布改名為「許芷熒」~

What’s Up ? #7up #whatsup #goodvibes

A post shared by 許芷熒🍬❤️ (@whitney.hui) on Mar 20, 2018 at 8:47pm PDT

|呂慧儀

依家開始將時間跳得前少少,人稱「長腳蟹」的2006年港姐季軍呂慧儀,177cm身高絕對係高人一等,現時大家晚晚都喺處境劇《開心速遞》見到佢,但又記唔記得佢都係港姐季軍出身呢?

2006年港姐冠軍陳茵媺、亞軍周家蔚及季軍呂慧儀。

「長腳蟹」深入民心

呂慧儀選港姐後成為無綫旗下藝人,至2008年迎來佢演藝生涯的一個重要角色, 在劇集《原來愛上賊》中飾演汪明翔(長腳蟹),每次出場都大晒高佻身材, 而「長腳蟹」呢個花名亦成為佢深入民心的標記!

《原來愛上賊》劇照
《原來愛上賊》劇照

「謎女郎 」記唔記得?

呂慧儀又曾經喺綜藝節目《謎》中扮演「謎女郎」,每集皆以性感打扮示人、catwalk出場,同兩位主持秋官及王貽興搞搞氣氛,都算一個經典!

長腳蟹與蟹籽

到2011年,呂慧儀宣布與香港先生黃文迪結婚,2014年誕下兒子黃柏翹(Anton),拍劇以外的生活就係做個好媽媽~

|胡杏兒

靚太胡杏兒大家都識,但記唔記得佢係1999年港姐季軍呢?當年杏兒以19歲之齡獲得港姐季軍及活力風采獎, 其後亦代表過香港參選1999年度國際小姐競選。佢卸任後隨即受力捧,短時間內拍過多套劇集!

1999年港姐冠軍郭羨妮、亞軍原子鏸及季軍胡杏兒。

拍劇無數

胡杏兒在大台十多年間演出劇集無數,以《衝上雲霄》、《流金歲月》及《我的野蠻奶奶》較為人認知。2011年時,杏兒憑《萬凰之王》勇奪視后,係佢繼「飛躍進步女藝員」後另一個獎項!

榮升闊太

胡杏兒與黃宗澤拍拖多年,2012年時正式宣布分手,至2015年宣布與真命天子李乘德(Phil) 拉埋天窗,靈二人舉行盛大的婚禮,場面星光熠熠,杏兒榮升闊太的生活開始!

胡杏兒 2017年5月宣布懷孕四個月~

萌爆星二代

胡杏兒的寶貝仔李奕霆(Brendan) 於2017年10月出世,Brendan人仔細細肥嘟嘟超可愛,唔只一眾「胡說八道會」靚契媽錫晒佢,一眾網民都被佢電暈!

|佘詩曼

今年43歲的阿佘,喺香港以至華人地區都係名氣響噹噹的女星,較年輕的朋友可能唔知佢其實係1997年港姐季軍!

1997年港姐冠軍翁嘉穗,亞軍李明慧及季軍佘詩曼。

阿佘雖然已經4字頭,但魅力絲毫不減,可能係全香港最索身家最豐厚的單身女郎!

Have a blessed and beautiful Sunday🌻 #enjoy #520 #whitedress

A post shared by Charmaine Sheh 佘詩曼 (@charmaine_sheh) on May 20, 2018 at 4:13am PDT

|蔡少芬

呢位就更耐之前啦,曾為TVB「四大花旦」之一的蔡少芬,1991年港姐季軍,當時佢只有17歲!

蔡少芬1991年時以17歲之齡奪港姐季軍。

蔡少芬2008年時下嫁內地演員張晉,二人現時育有兩位可愛囡囡楚兒及信兒。一家四口幸福美滿!

可能正過冠軍? 歷屆8位索爆港姐亞軍一覽

【世界盃】日本妹票選世界遺產級美男球星

>

延伸閱讀:

開刀誕9磅小小王子!葉翠翠:聽到哭聲真的好感動

關注我們Facebook專頁
    相關新聞
      更多瀏覽