【深宮計】登台任攬任錫!蕭正楠 慘遭大媽揸股
2018年06月30日18:00

蕭正楠自08年回流返港,幾年間在無綫由男配角扶搖直上,直至近年擔正做男一,最近其主演的無綫重頭劇《宮心計2深宮計》就正在熱播,人氣急升,商演登台演出不斷狂吸金!

之不過,重溫當年嘅今日,本刊就直擊蕭公子打着香港巨星旗號,北上掘金賺人仔,某次在廣東清遠夜場登台演唱助興,更因舞台設計漏洞,半小時登台期間,被土豪大媽瘋狂任摸!所以話,做藝人搵食唔容易⋯

撰文:東方新地|圖片:新傳媒圖片庫、蕭正楠IG

延伸閱讀:

台藝人納豆教你追女三招 158cm身高一樣追到長腿女神!

甩王家衛做自己 梁朝偉享受半退休生活

蕭正楠 顧得前來唔顧得後

當日午夜12時20分,蕭公子在一片歡呼聲中登場,夜場舞台設計成T字型catwalk長天橋,好讓台下觀眾能跟台上表演者來個近距離親密接觸。蕭公子半個鐘又跳又唱四首國語及廣東歌,包括〈I’ll always be yours〉及〈夢醒時分〉等,有快歌有慢歌,相當周到。論唱功,曾做歌手的蕭公子唱K歌,穩打穩紮唱功紮實。

蕭正楠
蕭正楠

蕭公子邊唱,邊行經長直舞台,跟兩旁觀眾握手,現場氣氛熱烈高漲,尤其女觀眾不斷高呼「蕭蕭」、「老公」及「靚仔」等,蕭公子陶醉又滿意,受落地照單全收。蕭公子亦在這時又扭又跳獻唱快歌,激起台下觀眾的熱情,此時,單純握手已唔能夠滿足一眾瘋狂女粉絲,只見現場女觀眾紛紛出手,對準「小蕭」施以祿山之爪,又拉又掃,夜店安排八個保安維持秩序都攔唔住,受驚蕭公子急忙出手護陰,但顧得前來唔顧得後,「蕭股」被猴擒大媽一手抓住,慘成壯烈犧牲品!

蕭正楠
蕭正楠
蕭正楠跟台邊觀衆握手,另一邊,猴擒大媽吼準時機,緊抓蕭蕭的靚股,臉上流露興奮表情,好得人驚!

遭受連番集體蹂躪,只見一直笑面迎人的蕭公子亦禁不住變臉,急急退回橫台,站定台中央回氣。不過短暫變臉,又再回復職業性笑容,認真抵讚!

蕭正楠
蕭正楠

歡樂時光過得特別快,又係時候講bye bye!12時50分,蕭公子略顯尷尬地問:「清遠嘅朋友,好唔好聽呀?夠唔夠喉?夠我要返去嘞!」之後一臉不捨一百八十度向觀眾大幅度揮手,再跟夜店老闆閃拍合照,半小時登台正式宣告完結,十萬銀人仔袋袋平安。

蕭正楠
蕭正楠
蕭正楠被摸後急急退至橫台上,驚愕的同時,下意識護陰。

急護臀

被揸股後蕭正楠即以手護臀,表情仲好陰功,真係慘豬豬!

蕭正楠
蕭正楠

蕭正楠冧客五招

蕭正楠回流大台前長駐國內,跑慣碼頭,對被襲處變不驚一於少理,籮繼續扭、歌繼續唱,而且登台必備基本功夫做到足。

合照

合照有求必應,主動單膝跪地遷就鏡頭,更自動擺出chok樣,相當賣力。

蕭正楠
蕭正楠

握手

連番被怪手施襲抽水,依然敬業,唔介意笑住任握手,而且笑容十足交足貨。

蕭正楠
蕭正楠

騎呢舞姿

登台梗唔少得勁歌熱舞炒熱氣氛,唱張國榮的〈大熱〉時,蕭公子腳印印,舉起雙手,大晒如清晨健康操的騎呢舞姿。

蕭正楠
蕭正楠

一齊唱

唱唱吓遞咪大嗌一聲「大家一齊唱」,既可抖氣又夠互動,果真老江湖。

蕭正楠
蕭正楠

派相

唱至第四首歌,指定動作亦係畀觀衆知表演到尾聲的訊號,大派八十年代feel娘爆大頭玉照,咪睇小,觀衆爭住攞!

蕭正楠
蕭正楠

蕭公子有翠如BB愛情滋潤脹爆發福,雙下巴暴現,但依然無阻觀衆熱情,吸引力無遠弗屆,直頭瞬間變劉華,唱情歌時,女觀衆乘機對準「小蕭」落手,蕭公子要眼明手快遞出手任握兼護下體,同時唱歌唔甩嘴,少啲功力都唔掂!

蕭正楠
蕭正楠

汕頭酒吧騷賣身 蕭正楠七千蚊任錫

除清遠外,蕭正楠仲去過汕頭酒吧表演,唱唱吓歌,酒吧臨場加插公開競投,價高者可上台任摸任攬任錫蕭正楠,雖然明知被人局,佢都好配合,最後一名女酒客以七千蚊投得!好在係女啫!

蕭正楠
蕭正楠
該女子仆住上台攬實蕭正楠,蕭多次想甩身,都畀對方緊緊箍實!

靠登台供車供樓

蕭正楠近年升呢做男主角,而且劇接劇播出,令他全年保持人氣,因而頗受內地酒吧歡迎,知情人士透露:「佢最初接登台時,肯減價平唱,儲落一堆客,佢又唔揀擇,咩地方都肯唱,酒吧、夜總會disco都接,佢係歌手出身好識搞氣氛,近來人氣勁咗,相熟客戶出到聲,佢都肯平啲唱,所以好多酒吧鍾意搵佢,都幾搶手㗎。」

這次蕭正楠獻唱的「維多利亞港酒吧」位於汕頭的普寧市一個殘舊商場內。

為密密賺錢,蕭正楠曾在六日內到三地登台,分別是中山、肇慶、汕頭,在汕頭普寧站的「維多利亞港酒吧」,出場時,司儀以「全能藝人」介紹他出場,唱出本來由黎耀祥主唱的《大太監》片尾曲,現場反應不俗,當晚共唱了四首歌,期間,司儀走上台搞氣氛,突然提出:「大家是否很想跟蕭正楠有親密接觸?現在有機會了,以一千元作底價,叫價最高的,他就任由你魚肉。」

蕭正楠
蕭正楠
突然畀人擺上台被競投,蕭正楠一臉無奈,強裝笑容。

在旁的蕭正楠一臉愕然笑問:「開玩笑的嗎?」嚇到面青的蕭正楠,回過神之後局住幫手拍賣,每次都選女客人,最後由一年輕女客人以七千蚊投得,該女子撲上台,二話不說就攬實蕭正楠,死唔肯放手,最後要司儀解圍才可甩身。

蕭正楠
蕭正楠

蕭正楠試過一星期最高紀錄接了四場登台騷,他直言:「有劇上嗰輪係密啲,公司又好好,遷就到我返大陸接job,呢幾年,登台真係我主要收入,每月供車供樓都係靠登台咋,不過拍劇先係我正職,登台係bonus。」 咁識賣口乖,難怪無綫肯放人啦!

蕭正楠
蕭正楠
該女子撲去攬實蕭正楠,硬將頭塞向對方的胸膛,然後狂吻臉同頸,雙手又不停掃背,相當猴擒。

前後夾擊搞事

蕭正楠派簽名相時,突然有一男子(紅圈)醉醺醺衝上台撲前出拳,三名保安即時欄阻,另一名男子(白圈)則走上台從後搶相,被前後夾擊,蕭正楠故作鎮定,扮冇事發生。

扮鎮定

多名保安合力將該搞事男子(紅圈)拉落台,蕭正楠保持笑容之餘,並慢慢向另一邊移走,同滋事酒客保持距離。

上台搶

現場秩序大亂,不停有酒客擒上有半個人身高的台上,伸手去搶相,蕭正楠顧得左又顧唔得右。

蕭正楠
蕭正楠

借陳茵薇過橋

現場不停播放蕭正楠曾演出劇集的劇照,同樣有份演出《法證先峰III》的陳茵媺都出現大螢幕,據知所有劇照係由蕭正楠提供。

蕭正楠
蕭正楠

扮出碟

螢幕出現蕭正楠「最新專輯」,但其實〈回家〉已是十多年前的作品。

蕭正楠
蕭正楠

《深宮計》升呢做王子

蕭正楠(Edwin)近日在無綫重頭劇《宮心計2深宮計》飾演「何離」,原本隸屬龍武軍,同將軍馬國明、太子馬浚偉都係兄弟,後來得知自己的王子身份,被捲入皇位之爭!

蕭正楠
蕭正楠

謝雪心飾演的尚宮「瓊香」因發現蕭正楠胎記,懷疑其身份,四出調查後,終證實他是李旦(李龍基飾)與肅明皇后之嫡幼子,即李隆基(馬浚偉飾)同父異母的弟弟。

蕭正楠
蕭正楠

蕭正楠仲笑稱自己嘅角色「何離」花名係「河狸」,英文名係「Holy」!

Holy 好 happy !! 謝謝你支持 !! 讀一次..這是押韻的 !! #宮心計2深宮計 #河狸 #何離

Edwin Siu(@edwinsiu)分享的貼文 於PDT 2018 年 6月 月 23 日 上午 4:17張貼

此河狸貌似認真,其實也幾好笑,日飲一碗蜜可抗毒😂😂😂😂 #宮心計2深宮計 #河狸 #Holy

Edwin Siu(@edwinsiu)分享的貼文 於PDT 2018 年 6月 月 5 日 上午 6:26張貼

《美女廚房》替馬國明擔心

除咗《深宮計》外,蕭正楠近日仲擔任無綫節目《美女廚房》嘅主持,對於劇集拍檔黃心穎被網民封做「地獄廚神」,蕭正楠笑指替馬國明擔心:「建議心穎唔好煮嘢畀馬國明食!」

要為翠如平反

而早前出席活動,蕭正楠仲話想請女友黃翠如上節目晒廚藝:「希望佢會嚟,雖然我成日踩佢,其實佢真係唔係咁差嘅,我要幫佢平反!」

美女廚房
美女廚房

黯然煎蛋飯

事實上,翠如曾經喺活動上表演過佢嘅「拿手菜」煎蛋!

Back to Work😎✌🏻 With @bigbigchannel_official in Malaysia🐒 #BigBigChannel #表演煎蛋 #誰害的

Wongtsuiyu(@wongtsuiyu)分享的貼文 於PST 2018 年 1月 月 19 日 上午 9:09張貼

但最愛食太陽蛋嘅蕭正楠,早前po咗張爆咗黃嘅煎蛋飯相,仲話:「革命尚未成功同志仍需努力!」唔通呢個係翠如BB嘅傑作?

日頭猛做,到而家輕鬆下,食個晚飯,要… Excuse me what is this 😦? #一日一蛋 #最愛太陽蛋的是我 #你怎麼捨得佢爆黃 #革命尚未成功同志仍需努力 #鹹魚白菜也好好味

Edwin Siu(@edwinsiu)分享的貼文 於PDT 2018 年 3月 月 15 日 上午 8:09張貼

唔知翠如BB如果上到節目,蕭正楠會畀幾多分呢?

今晚都ok吖…多謝捧場😂😂😂 #美女廚房 #0分是一種鼓勵 #有笑有淚

Edwin Siu(@edwinsiu)分享的貼文 於PDT 2018 年 6月 月 23 日 上午 7:49張貼

>

【世界盃】講波女郎張洛蔚 長腿混血兒泳衣照放送

【世界盃】日本妹票選世界遺產級美男球星

可能正過冠軍? 歷屆8位索爆港姐亞軍一覽

延伸閱讀:

外表cool爆 雷莊兒 其實有夥善良的心⋯⋯

關注我們Facebook專頁
    相關新聞
      更多瀏覽