【深宮計】韓馬利露惡毒真面目 毒害太上皇 死人都唔放過…
2018年06月29日15:49

《宮心計2 深宮計》接近尾聲,早前劇情講到賢太妃(呂珊飾)在睡夢中離世,更疑似是被人長期下水銀毒致死!但原來疑似中毒的唔只賢太妃一人,接下來劇情講到太上皇李旦(李龍基飾) 同樣出現中毒徵狀,下毒之人極有可能係一直和藹可親、待人至善,但原來係佛口蛇心的淑太妃(韓馬利飾)!

撰文:東方新地|圖片:微博、劇照、網上截圖|資料來源 :TVB

延伸閱讀:

黃宗澤暗撻長腿妹陳嘉桓 男女主角咁回應…

黃秋生被爆有私生子 父子不時相約團聚

|韓馬利升呢做太妃

韓馬利在《深宮計》中飾演周雨嫣,多年前被武則天發配守陵,後被李旦(李龍基飾)接回宮中,並冊封其為淑妃,及後升為淑太妃,60幾歲人都要喺宮中同呂珊姐(飾賢太妃)爭寵!

韓馬利
韓馬利

|《深宮計》賢太妃呂珊慘遭毒害

《深宮計》中呂珊飾演的賢太妃,曾被一名侍女刺殺受傷,之後就變得瘋瘋癲癲,精神錯亂,之前一集仲掌摑淑太妃(韓馬利飾),不過整體而言都係個好人,應該唔會有人想害佢?

深宮計
深宮計
呂珊在《深宮計》中飾演的賢太妃

睡夢中逝去

《深宮計》進入尾聲,深宮明爭暗鬥愈來愈狠毒,但估唔到呢個時候,竟然出現賢太妃在睡夢中逝去的情節!

深宮計
深宮計
賢太妃在睡夢中逝去。
深宮計
深宮計
太上皇(李龍基飾)當然是痛心欲絕。

死因是中毒?

賢太妃死後,太醫檢查屍體時發現其身體浮腫、口腔潰爛,似是中毒死亡,故李隆基(馬浚偉飾)建議解剖賢太妃的屍體查出死因。但王皇后和太平公主今次出奇地齊心,以解剖屍體有損國體為由,齊齊阻止!

深宮計
深宮計
王皇后和太平公主少有地同聲同氣!

不過太上皇再三思索後,唔希望賢太妃死得不明不白,故同意解剖屍體查明真相!

被神秘人長期暗中餵毒藥……

查案就當然又係任三恕(馬國明飾) 同何離(蕭正楠飾)啦,經過一番調查後,發現賢太妃的確是中毒身亡,而且係長期被服水銀毒,證明宮中有人處心積慮置賢太妃於死地!而且之後劇情會提到,太上皇都有可能同樣中水銀毒……

賢太妃死因未查清之時,竟然出現另一位疑似中毒者?事緣太上皇跟太平公主和淑太妃在庭園賞字時,突然無名火起破口大罵兩人,似乎同賢太妃死前的徵狀相似?

深宮計
深宮計
太上皇突然破口大罵,仲掃晒啲嘢落地!

李隆基懷疑太上皇同樣被下毒,於是命任三恕及何離調查太上皇的膳食及湯藥等,雖然並無發現問題,但就查出硃砂加熱後可以提煉出水銀,而賢太妃發病至今,取用硃砂最多的人竟然係淑太妃!

深宮計
深宮計
李隆基冇想過平時淑太妃和藹可親,竟然都有可能係身懷鬼胎的殺人兇手!

此時鏡頭一轉,見到淑太妃如常拜祭兩位已故皇后,但呢刻終於露出佛口蛇心的一面!原來兩位已故皇后生前討厭沉香,但淑太妃如今喺兩人靈位前日日點沉香,話係要佢哋「日日被濃香所薰,作嘔不止」,竟然惡毒到連死人都唔放過?

深宮計
深宮計
真係估唔到韓馬利原來咁惡毒!

之前喺預告片中都見到淑太妃兇狠的一面!到底佢攞住支髮簪想殺邊個?

韓馬利
韓馬利

未語淚先流⋯⋯

睇番See See TVB的片段,雖然冇配對白,但都見到韓馬利忽然好激動咁喺頭上抽出髮簪!

韓馬利
韓馬利

咩事咁大仇口?!

韓馬利
韓馬利

原來想行刺太上皇李龍基!

行刺李龍基

李龍基神情都好激動,眼都紅晒!

咁到底刺殺成唔成功呢?

韓馬利瞌埋咗眼!

韓馬利
韓馬利

李龍基推開韓馬利,Mary姐的戲服亦被染紅⋯⋯

睇嚟韓馬利行刺失敗,兇多吉少⋯⋯

韓馬利
韓馬利

《宮心計2深宮計》劇情第29-30集

延伸閱讀:

結婚25年老婆晒陳年拍拖照 前G4馬德鐘 學堂畢業照曝光⋯

關注我們Facebook專頁
    相關新聞
      更多瀏覽