摩羯座習慣獨立、巨蟹座太過敏感 12星座「唔想拍拖」分析大全
2018年06月28日18:05

人愈大對拍拖開始提唔起勁又冇乜興趣?又或者顧住工作上搏殺無心理會情情愛愛?抑或係愛情路上跌倒過、受傷過,變得敏感唔敢再愛?每個星座都有獨特嘅個性,或者可以由12星座特質,搵到你自己、仲有你心上人唔想拍拖嘅原因。

撰文:Charmaine Wong|圖片來源:IG、劇照|編輯:白仔

延伸閱讀:

Angelababy 、彭于晏、謝霆鋒居然全部都冇份!2018明星消費影響力排行榜 ! 第一名真係估唔到!

【2018世界盃】懶人包!賽程表、免費直播時間表、十場重點分組賽時間

12星座「唔想拍拖」分析大全

1. 白羊座

白羊愛得激情又熱烈,可惜嘅係,經常都覺得自己遇到嘅人係浪費緊你嘅時間。你會keep住單身,係因為仲未遇到嗰個已經ready好嘅真命天子/女。一旦你遇到嗰一個同樣愛得直接嘅人,就會自己主動出擊,邁出第一步。

拍拖
拍拖

2.金牛座

你喺工作同生活上嘅野心遠比擁有一段浪漫嘅愛情重要,係投入戀愛嘅關係之前,你希望獲得更多、更大嘅成就。雖然你有時都想拍下拖,好似人地咁被另一半呵護疼愛,只係現階段嘅你,冇多餘嘅心思同時間分享比另一個人。

3.雙子座

雙子座想要一個可以係關係裡面起到激發作用嘅另一半,因為你無辦法長時間關注一個人,容易覺得無聊無新意。而你都知道自己嘅口味經常變化,但如果有個人可以令你保持新鮮感,你就唔會有悶嘅一天。依家單身,只係未遇到嗰個人啫!

4.巨蟹座

你本來就有一顆敏感容易受傷嘅心,或者係過去嘅經歷令你太痛,導致你對愛情唔再期待。你慢慢變得堅強,學會自己一個成長,亦唔奢求有人關心你嘅感受。不過咁!即使灰心都要抱有希望,話唔定有日可以開花結果嘅一生相伴會自己搵上門!

5.獅子座

你鍾意成為所有人嘅關注焦點,並且習慣同享受呢種感覺,所以你需要嘅另一半要係唔拖後腿、或者限制你自由嘅人,你想要一個跟上你腳步一齊前進。依家嘅你討厭安定,亦都只係想同心中完美嘅人結伴向前。

6.處女座

處女座嘅你比較情緒化,但你好少向其他人展現呢啲情感。一直以嚟你都想搵一個可以同你交流深層情感嘅人,令你可以好好咁表達自己嘅情緒,但一般人容易比情緒化嘅你嚇親,所以想拍拖之前,要試下比其他人了解你溫柔嘅一面,又或者搵一個願意安撫你所有不安嘅另一半啦!

7.天秤座

天秤座對愛情擁有太過完美嘅幻想,但現實係殘酷嘅,你想享受人地可以為你帶嚟源源不絕嘅快樂同無條件付出,並相信完美嘅愛情就係好似童話一樣,聽起嚟充滿粉紅色泡泡,但一旦你意識到對方同你想像嘅唔同,本來過於美好嘅粉色泡泡就會逐一破裂。

8.天蠍座

天蠍係個棘手嘅星座,既內向又外向,你需要一個同你一樣嘅人。有時候你想留係屋企hea下、做下廢青,有時候又會想出去認識新朋友,你需要一個能夠理解同尊重你嘅伴侶,如果唔係對方可能會誤會你,又或者覺得虛偽。

#上班的態度#熊貓#耍廢

A post shared by @ roc.rafael.tpe on Jun 26, 2018 at 4:36am PDT

9.射手座

除非搵到一個可以由得射手自由做自己又或者心甘情願定下來嘅人,否則唔受拘束嘅射手座難以處於一段穩定嘅關係之中。或者玩完過後,你已經知道外面嘅世界係幾咁無憂無慮,但回到現實,你都希望有人會管下你,比你呢艘漂泊嘅船搵到靠岸。

10.摩羯座

自力更生嘅摩羯座習慣獨立,你或者認為自己一生都唔需要伴侶,其中一個原因在於你係個工作狂,你可以為咗工作全日坐係電腦前面,亦唔願意撥出少少時間花係休閒娛樂上面,呢個就係你單身咁耐嘅原因。

11.水瓶座

水瓶座已經習慣成為自己嘅救星,係受到打擊嘅時候可以忍住唔喊,勇敢爬翻起身,所以你並唔在乎有冇另一半。不過,如果愛你嘅人出現,咁佢就係鍾意呢一個堅強嘅你,都想你係佢面前表現真正嘅自我。

12.雙魚座

雙魚座係一個喜歡天馬行空,幻想一場浪漫夢幻嘅戀愛,不過當你認清事實、發現一切都係想像嘅時候,受到打擊嘅你會嚇到收起自己。你需要一段時間,接受朋友不斷嘅鼓勵,先至會再一次踏出第一步。

延伸閱讀:

最帥女英雄!《神奇女俠2》最新LOGO 曝光 終於公開故事背景鎖定1984 年!

關注我們Facebook專頁
    相關新聞
      更多瀏覽