秘撻半年 黃宗澤歎盡陳嘉桓
2018年06月28日20:30

今年37歲的黃宗澤,自12年與拍拖八年的胡杏兒分手後,一直享受做無腳雀仔,多年來獵女習性未改,繼名模楊崢及日模Jun後,原來半年前又秘撻25歲高妹陳嘉桓。

黃宗澤與陳嘉桓於去年底合作拍網劇《守護神》,在布拉格取景兩星期,二人愈玩愈埋火速撻著,據知拍拖逾半年,陳嘉桓已進駐男方位於火炭晉名峰的寓所半同居。周一晚(25日),陳嘉桓夜闖黃宗澤在九龍城開的蠔吧,前後腳離開分車返愛巢。近年進軍飲食業的黃宗澤,識食一定係食長腿高妹,果然係食家。

撰文:東方新地|圖片:新傳媒圖片庫、黃宗澤陳嘉桓IG

延伸閱讀:

楊思琦39歲首出寫真 童顏+噴血身材冇得輸!

Le Creuset低至25折!中環開倉~鑄鐵鍋 $1,200、陶瓷小鍋 $160

黃宗澤 媾女無難度

黃宗澤(Bosco)於13年在九龍城投資了四百多萬開蠔吧,開業後不時請圈中好友來擦蠔,當中不少是女藝人,藉以聯誼一下,去年與曾志偉未來新抱王敏奕合作拍網劇《飛虎極戰》,被影到招呼王敏奕、陳瀅及糖妹到蠔吧飲酒,當晚王敏奕疑似因感情問題借酒澆愁,離開時要好姊妹扶實,黃宗澤被指向王敏奕大獻殷勤,想乘虛而入。

∞RC∞(@chankawoon)分享的貼文 於 PST 2017 年 11月 月 26 日 下午 10:28 張貼

黃宗澤與陳嘉桓去年10月合作拍網劇《守護神》,一拍即合互生情愫,在女方的IG內可搵到二人的合照。

向來媾女無難度的黃宗澤,榮升蠔吧老闆更如虎添翼,雖然不愁冇女,但他仍是喜歡向圈中女星埋手。去年10月與陳嘉桓(Rose)合作拍網劇《守護神》,二人在布拉格拍外景時,原來已眉來眼去互有好感,據知情者透露:「喺布拉格拍外景嗰兩個星期,Bosco同Rose已經玩得好埋,雖然大部分時間都跟大隊活動,但有時佢哋都會一齊走開去其他地方影相。Bosco對Rose明顯係特別好,有時見佢哋一齊拎住手機傳短訊,一來一往咁又笑瞇瞇,明眼人一睇就知佢哋互媾緊,不過佢哋有時又會專登玩避忌,去食飯同返酒店又前後腳咁,咁刻意反而仲惹人懷疑。雖然Bosco鎖定目標,但Rose早年喺大陸拍劇畀馬德鐘同陳浩民輕薄嗰件事對佢影響太深,難得呢幾年成功洗底,佢覺得Bosco個底好花,驚佢玩玩吓,所以想睇定啲先,而Bosco就對佢鍥而不捨。」

黃宗澤
黃宗澤
黃宗澤與陳嘉桓為拍網劇《守護神》曾遠赴布拉格兩星期,二人不時相約外出影相,同劇的三哥苗僑偉及劉心悠應該親眼見證二人擦出愛火花。

返港後《守護神》繼續拍攝,黃宗澤亦終於將陳嘉桓追到手,二人為保形象早已有共識,把戀情低調處理,至今拍拖半年一 直密冚戀情,不過半個月前,有人目擊他們到沙田宜家傢俬拍拖買家品,當時二人並肩而行沒有拖手,但非常有默契,買完家品即前後腳閃。」

黃宗澤
黃宗澤

蠔吧會情郎

最近黃宗澤未有劇開,趁空檔籌備即將在中港城擴充營業的新蠔吧,而陳嘉桓亦在睇劇本階段,準備下月投入網劇《反黑第二季》的拍攝,二人都咁得閒,當然要爭取見面時間。周一晚(25日)9時許,陳嘉桓在銅鑼灣出現,身穿背心熱褲的她上了其繼父陸灼盛(武術宗師陸智夫之孫)開的拳館,個幾小時離開,她已換上長牛仔褲,獨自駕車過海到九龍城。現場所見,陳嘉桓熟晒地形,先把車停泊在黃宗澤的蠔吧外,下車後先傳短訊給對方,然後慢慢行入蠔吧。據知黃宗澤近日忙於為新店試新菜式,陳嘉桓這晚入內後亦直奔蠔吧廚房,二人在內逗留了個多小時才離開。

周 一晚 ( 25日 ) 11時許,陳嘉桓熟練地行入黃宗澤在九龍城投資的蠔吧「Oyster Mine」,她邊行邊撳電話,似是與在店內等她的黃宗澤傳短訊。

晚上12時許,陳嘉桓率先步出蠔吧,頭也不回上自己車離開,相隔唔夠十秒,黃宗澤亦步出,行去另一方向上其黑色七人車,由司機送返家。與此同時,陳嘉桓亦開車尾隨黃宗澤的七人車,兩架車一前一後返回火炭晉名峰。期間黃宗澤的司機曾多次慢駛,警覺性甚高。

陳嘉桓到蠔吧會合黃宗澤並逗留個多小時,凌晨12時許,陳嘉桓先行步出去攞車,黃宗澤相隔十秒才離開,一個向左走, 一個向右走。

黃宗澤
黃宗澤

前後腳離開蠔吧後,黃宗澤坐上由司機駕駛的黑色七人車 (前) ,陳嘉桓則自駕軍綠色Cube (後) 尾隨黃宗澤的車,兩架車一前一後往火炭方向行駛。
最後到達黃宗澤位於火炭晉名峰的寓所,黃雖與母同住,但仍讓陳嘉桓進駐。
當日晚上9時許,陳嘉桓去蠔吧搵黃宗澤前,在銅鑼灣閒逛買繃帶,穿背心熱褲的她有愛情滋潤發福不少,之後上了繼父陸灼盛的拳館。
做完運動的陳嘉桓換上長牛仔褲又穿上厚外套,駕車由銅鑼灣過海去九龍城。

黃宗澤
黃宗澤
與陳嘉桓一齊返歸過夜後翌日 (26日),黃宗澤與同住的母親一齊坐七人車到沙田街市搵嘢食,雖然有新女,但黃宗澤仍盡孝順仔責任,抽空陪阿媽去街。

長輩睇實要認真

陳嘉桓十幾歲已入行做模特兒,其母親Ronnie(陳瑰霖)16歲誕下她,後來移居加拿大,陳嘉桓與胞弟一直寄居於姨婆家,12歲才與母相認,Ronnie更成為經理人幫女兒入行。今次陳嘉桓暗撻黃宗澤,其實多得三哥苗僑偉與曾志偉推波助瀾,知情者透露:「Ronnie知道Bosco追Rose不知幾咁緊張,好驚個女畀人呃㗎!不過Ronnie識咁多圈中人,再加上Rose又係冼國林徒弟,斷估Bosco都唔敢玩嘢。當初三哥同志偉知道Bosco有意追Rose,都有幫口,佢哋都覺得Rose係一個思想成熟嘅好女仔,叫Bosco要好好對人,仲要戒媾女。咁呢半年嚟Bosco都算規矩,始終都仲喺熱戀階段,遲啲就唔知喇!」

曾志偉與三哥苗僑偉都當陳嘉桓係細姪女,當日知道Bosco力追陳嘉桓,志偉同三哥都有份拉紅線。

除了胡杏兒能箝實黃宗澤八年,近年已經再無女伴可以令Bosco停止獵食行動,今次與陳嘉桓秘密拍拖半年又入晒屋,希望Bosco真係玩夠想封盤啦!如果真係玩玩吓就要懸崖勒馬,因為陳嘉桓係葉準(葉問之子)徒孫,一旦受情傷大把人替佢出頭。

黃宗澤
黃宗澤
黃宗澤最近忙於籌備將在7月底開張的新蠔吧,早前親身去睇新店裝修進度。身為老闆的他亦不時在家下廚,識煮嘢食冧女,難怪媾女無難度,日前他又在IG放牛扒相,唔知係咪煮畀陳嘉桓食呢?

boscowong(@boscomine)分享的貼文 於 PDT 2018 年 6月 月 20 日 上午 3:43 張貼

boscowong(@boscomine)分享的貼文 於 PDT 2018 年 6月 月 20 日 下午 10:33 張貼

boscowong(@boscomine)分享的貼文 於 PDT 2018 年 6月 月 26 日 上午 7:18 張貼

11年零興趣

11年只有18歲的陳嘉桓未大執娘爆,出席相機活動時雖然企正黃宗澤身邊,不過男方唔識佢,眼尾都冇睄一眼。

黃宗澤
黃宗澤

14年未過電

其實14年二人曾合作拍電影《男人唔可以窮》,陳嘉桓飾演積極搵錢的倫敦金經紀,更有場色誘黃宗澤的戲份,拍完電影一齊出席商場活動,當時黃宗澤仲公開表示同陳嘉桓完全唔過電。

黃宗澤
黃宗澤

狼擒兩小時

11年11月,在橫店開工的陳嘉桓與馬德鐘及陳浩民飲酒消遣,期間被陳浩民強吻及對她上下其手,被本刊斷正後,陳嘉桓在母親Ronnie陪同下返港開記者會及報警,她指自己當時冇力反抗。

專食長腿高妹

37歲的Bosco為人風趣口甜舌滑,多年來緋聞不絕,曾被他公開「正名」的女友不多。04年與胡杏兒拍《我的野蠻奶奶》撻著,拍拖八年突然宣布分手,與杏兒拍拖期間Bosco被傳在外繼續媾女,而且對長腿高妹特別有癖好,曾與模特兒倪晨曦傳過緋聞。14年Bosco與年長九年的名模楊崢公開戀情, 不過21日後極速分手。前年3月被踢爆與合作拍日本瘦身食品廣告的日模Jun拍拖,之後又傳與菲律賓賭場揸fit人Twin姐過從甚密,還有不少親暱照流出。

黃宗澤
黃宗澤
胡杏兒
黃宗澤
黃宗澤
楊崢
黃宗澤
黃宗澤
倪晨曦
黃宗澤
黃宗澤
日模Jun

女神變打女

25歲陳嘉桓身形高䠷仲有對長腿,日前與三歲同母異父細佬去沙灘玩,騷三點式弗爆身材,青春無敵難怪令黃宗澤情傾。

∞RC∞(@chankawoon)分享的貼文 於 PDT 2018 年 5月 月 25 日 上午 8:46 張貼

陳嘉桓雖然做模特兒入行,但她早年拜葉問第三代弟子冼國林為師,苦練詠春曾參演《葉問前傳》,其後在多套電影中都做打女。早前她在網劇《反黑》中飾演粗獷女警,又與梁朝偉合作拍電影《風再起時》。

09年陳嘉桓參加《美女廚房第二輯》做美少女廚神,當年只有16歲的她的確非常嫩口。

∞RC∞(@chankawoon)分享的貼文 於 PDT 2018 年 6月 月 9 日 上午 9:55 張貼

∞RC∞(@chankawoon)分享的貼文 於 PDT 2018 年 6月 月 1 日 上午 4:44 張貼

∞RC∞(@chankawoon)分享的貼文 於 PDT 2018 年 5月 月 7 日 上午 2:14 張貼

∞RC∞(@chankawoon)分享的貼文 於 PDT 2018 年 4月 月 1 日 上午 5:27 張貼

【世界盃】講波女郎張洛蔚 長腿混血兒泳衣照放送

【世界盃】日本妹票選世界遺產級美男球星

可能正過冠軍? 歷屆8位索爆港姐亞軍一覽

延伸閱讀:

【深宮計】賢太妃呂珊慘遭毒害 被神秘人長期暗中餵毒藥……

關注我們Facebook專頁
    相關新聞
      更多瀏覽