【深宮計】摷胡定欣、馬仔開工袋!娜姐必備提神孖寶
2018年06月27日12:25

做演員成日要出外工作,有時仲要去荒山野嶺拍外景,咪話唔辛苦,好似無綫重頭劇《宮心計2深宮計》幾位主角咁,都有自己必備嘅隨身物,早前大台嘅SeeSeeTVB嘅專頁《我要摷明星》就搵咗男女主角胡定欣、馬浚偉、周秀娜,摷佢哋嘅開工袋睇睇佢哋帶咗啲乜⋯⋯

撰文:東方新地|圖片:See See TVB截圖

延伸閱讀:

Rosemary峇里旅行玩半裸 比拼辣媽泳衣中門大開

【深宮計】晒激罕童年照!蕭正楠 目擊囚犯逃獄

胡定欣 夠整齊

「皇后」胡定欣呢日等埋位又被摷袋,定欣份人好井井有條,啲零食餅乾用個膠盒放好,排得齊齊整整!

其中一包陳皮,原來係「淑太妃」送畀定欣,定欣話橫店天氣乾燥,食涼果可以潤喉!

除咗Mary姐送涼果,「太平公主」陳煒都送咗個暖水壺畀佢,得閒焗下花旗蔘水帶去外景飲!

胡定欣仲會自備袋仔放好筷子、匙羮、刀叉出外,佢話咁樣夠環保!

唔講唔知,原來定欣嘅助手要「做功課」,定欣話佢每拍場戲應該著咩衫,助手都會同一本薄仔記下,每一套戲助手都會咁做,定欣拍外景時都會跟身,咁樣就一定唔會出錯,真係好細心!

最緊要仲係帶傘,大太陽時擋陽光,而當日橫店全日下雨,梗加要傍身,萬無一失!

有片睇:

馬浚偉「皇上」變藥王

最估唔到嘅係「皇上」馬浚偉,高大斯文嘅佢原來超級細心同會照顧身邊人,呢日佢帶咗個大膠箱,入面除咗放即沖咖啡粉,仲放咗林林總總嘅成藥,佢話最驚嘅係身邊人唔舒服,話唔定可以救人一命!

有片睇:

娜姐 開工必備孖寶refresh⋯

娜姐話出外景唔知拍到幾時,開工袋放定餅乾,可以隨時醫肚!

拍攝時間長又攰,娜姐常備補濕噴霧,噴一噴,就可以幫肌膚補濕!

娜姐話拍到攰時,要啲嘢去提提神,有食香口膠可以refresh…

除咗香口膠,娜姐仲隨身袋住個檸檬,原來又係攰時切幾片檸檬沖水飲…refresh……

有片睇:

億萬富豪關照 張曦雯忽然富貴入手過百萬名車?

【深宮計】「淑太妃」都難逃一死?韓馬利刺殺不成反被殺⋯

YouTuber拍片侮辱港人被狂轟|問哪裏有妓女及貓狗…

延伸閱讀:

Double May迫爆巴士 網民偷拍點知影埋自己…

關注我們Facebook專頁
    相關新聞
      更多瀏覽