苟芸慧西班牙度假 趴床食糖大派福利
2018年06月25日23:15

近日,待嫁新娘苟芸慧(苟姑娘)去咗西班牙度假,又影相又拍片放上個人社交網,同大家分享一下寫意生活!由於暫時未見其準老公伴隨在側,苟姑娘無人看管下,竟然大騷本錢,露出深長事業線!

撰文:東方新地|圖片:Instagram-苟芸慧

延伸閱讀:

經歷10級痛楚 細數圈中11位順產媽媽

【多圖】唱完紅館騷 Gin Lee預告性感遊泰國

苟芸慧趴床食糖

近日,苟芸慧(苟姑娘)去咗西班牙度假,又影相又拍片放上個人社交網,同大家分享近況。 片中,苟姑娘對住鏡頭不斷放電,之後又拎包糖出嚟,趴喺床上食糖,但最吸睛的就係苟姑娘邊食邊露出深長事業線,睇到一眾網友眼定定!

苟姑娘拎粒糖出嚟,但由於佢深深嘅事業線太吸引,令一眾網友難以集中喺粒糖到!

食糖食到咁誘人,相信並唔多人做得到!

食糖食得咁津津有味,唔知準老公陸漢洋會唔會第日禁佢公開食糖呢?

苟芸慧西班牙度假

其後,苟姑娘繼續拍片放上網,見佢飲咖啡時又嘟嘴、又單眼、又咬唇咁,完全上哂電!苟姑娘仲留言話:「Coffee Break after visiting Casa Batlló #享受工作享受生活 #慢活 #感恩 #假期」

苟芸慧性感拍攝新廣告代言

苟芸慧早前遠赴海外拍攝GLYCEL全新瑞士紅水產品及療程廣告,一襲紅色吊帶裙盡顯均稱身材,配以「紅水」拍攝場景,完美演繹品牌名為瑞士美肌紅水新品,又突顯苟姑娘的獨有脫俗氣質!

苟芸慧
苟芸慧
苟芸慧
苟芸慧
苟芸慧
苟芸慧

苟芸慧
苟芸慧
苟芸慧
苟芸慧

久違泳衣亮相

苟芸慧自選華姐後都極少以泳裝示人,今次廣告中以大Deep V一件頭泳衣上陣,非常性感!幸好苟姑娘之前曾表示,婚後一樣可以性感,只要係健康性感、唔令人感覺唔舒服就OK。小編可以肯定冇人會感覺唔舒服!

苟姑娘真係無得輸

苟芸慧本為華姐冠軍級人馬,樣貌、氣質、身材都係女神級,近年重拾自信又有愛情滋潤,每次出席公開場合都豔壓群芳,網民同傳媒講咗好多次都要要講:「回復狀態的苟姑娘,真係無得輸!」

王君馨大婚照搶鏡

猶記得去年七月王君馨大婚,一眾「處女黨」成員鍾嘉欣、岑麗香、李亞男及苟芸慧得組成索爆姊妹團,雖然話嘉欣媽媽一樣省鏡、香香公主依舊咁可愛,不過苟芸慧簡直係狀態大勇,靚到啪啪聲!

待嫁新娘

苟芸慧與比佢大十年的富三代陸漢洋拍拖兩年多,二人最初都愛得低調,至近年已認定對方為終身伴侶,經常都高調晒愛!今年二月苟姑娘正式宣布婚訊,陸漢洋送上價值約170萬的鑽戒求婚成功,準備做人妻~

09年華姐冠軍

苟芸慧為2009年國際中華小姐冠軍。初出道時樣子甜美,身材索爆,盡得網民歡心!

肥定瘦一樣咁索

前苟芸慧早年經歷了許多風風雨雨,飽受甲狀腺問題折磿,無法控制體重,磅數一度達170磅,不過苟姑娘依然笑面迎人,而且以身體健康為大前題,沒有刻意為上鏡而減肥。其實無論佢身形肥或瘦,仍然係唔少男士心中的女神!

延伸閱讀:

湯洛雯高調回應翻撻傳聞 羅天宇保持神祕!

關注我們Facebook專頁
    相關新聞
      更多瀏覽