【深宮計】御用皇帝唔憂做 李龍基手揸6層樓收租
2018年06月24日12:15

李龍基唱而優則演多年,早已是無綫御用皇帝,不過始終未演過與自己名字同音的唐玄宗李隆基,最近磅算是正熱播的《宮心計2深宮計》中飾演李隆基父親唐睿宗李旦。劇情已發展到李龍基讓位給馬浚偉,腳印印做太上皇,而現實生活中,67歲的李龍基亦唔憂做可退休歎世界。

二十年前李龍基已洞悉先機,在深圳買優質樓投資,並與第二任太太定居當地,現持有6層樓收租,做包租公的收入本已夠生活有凸,不過近月《深宮計》效應令李龍基人氣急升,登台爆騷有錢繼續搵。

李龍基坦言01年被無綫炒魷魚後也曾跌落谷底,但天無絕人之路,他勸勉年輕人要積穀防飢,遇上人生低潮都要積極向前,十七年後他再返無綫重拾皇位,不為名利,只求開心。

撰文:東方新地|圖片:新傳媒圖片庫

延伸閱讀:

【刑事偵緝檔案】監製潘嘉德吹雞搞飯局 陶大宇郭可盈郭藹明世紀重遇

謝安琪分享產後調理心得 以親身經驗鼓勵大家

李龍基:被炒魷意興闌珊

01年無綫因人事變動進行過一次大裁員,當年做過無數皇帝角色的李龍基也成犧牲品,要默然離開感到非常徬徨,此後他繼續四圍走埠登台,保持一定的曝光率,彷彿從未離開過電視圈,去年回歸無綫拍重頭劇《宮心計2深宮計》,再做唐睿宗李旦可謂駕輕就熟。

深宮計
深宮計

李龍基坦言當年是被迫離開電視圈,他說:「我當年係畀人炒魷㗎!呢段就係我嘅低潮期,當時我真係好down,不過公司話係商業決定我都冇辦法,離開後有好多圈內朋友都好關心我去向,王維基開台都搵咗我三次,不過我真係意興闌珊唔想再簽任何電視台,我有手有腳有技能,一定餓我唔死,咁我又繼續走埠登台,閒時又上吓啲綜藝節目。我份人唔記仇,做人應該學識放低,到小青姐再搵我返去拍《深宮計》,我就一口應承喇!咁多年嚟啲皇帝畀人做晒,我依家返嚟做番,拍攝過程真係好艱辛,不過套劇好成功有好大回響,依家行出街有好多人搵我影相又叫我皇上。」

李龍基
李龍基
李龍基對《深宮計》中飾演太平公主的陳煒有讚無彈,「我好欣賞皇妹陳煒,佢對鳳眼一瞪好有殺氣,必定有機拎視后,套劇一出好多人關注佢,佢好勤力又有演技。」有皇兄恩寵,睇嚟煒哥真係好得人心。

兜兜轉轉,李龍基又回到無綫,他坦言拍完《深宮計》已元氣大傷,需要休息一段長時間,暫時不會再拍劇,「時不我與,依家已經唔後生,再拍劇都要睇辛唔辛苦,拍《宮心計2》第一日已經開19個鐘,之後平均工時都超過16個鐘,長時間唔夠瞓抵抗力弱,期間仲腰患發作痛到企唔到標冷汗,要去醫院打消炎止痛針。再加上我喺深圳住,每日來回時間要預5個鐘,遇上日接夜要通頂,都好辛苦。」

李龍基
李龍基
6月9日下午4時許,李龍基離開位於深圳市福田區的寓所,推住個細篋在街頭游走。

專攻優質樓

本刊記者日前直擊李龍基由深圳福田的寓所,搭地鐵去落馬洲過關來港工作,原來他已定居深圳近二十年,「廿幾年前同第二任太太結婚,之後就一直住喺深圳,嗰時仲開始投資買深圳樓,我咁多年keep住唱歌登台,試過十八個月內去咗六次美國、三次英國、三次澳洲同四次大馬,賺番嚟嘅錢就投資深圳樓,當年有好多朋友話我傻,覺得買深圳樓收租好冒險,但我好有冒險精神,只會買地段好嘅優質盤,亦證明咗我當年嘅決定好正確,嗰時我用100萬可以買到一個四百幾呎嘅優質屋苑單位,依家已經升咗好多倍,每個單位月租可以收七千幾蚊,回報率好高,託賴有能力買幾層樓畀老婆收租,等佢有啲細藝。」

李龍基
李龍基
可能做得皇帝多,李龍基行起路來腰板挺直甚有氣勢。

出騷歌王變成深圳樓王,李龍基本來可以印印腳退休享清福,與第一任太太育有兩女一子的他,孫都有兩個,但他並未退下火線,登台騷亦接到手軟,「我啲仔女已經大晒,亦唔使我擔心,佢哋都好叻可以自立,而我嘅人生目標就最緊要開心,無論工作定生活,都會揀自己鍾意嘅嘢去做,安安樂樂唔需要為兩餐擔 憂,兩公婆自由自在,太太會跟住我周圍去登台,我哋已經去過環遊世界,去 過好多地方。總之有工作會努力工作,冇工作就努力去玩。」

李龍基
李龍基

據知《深宮計》出街後,李龍基又接了多場美加登台,下半年將會帶埋太太再遊美加。多年來深信做人夠積極夠勤力,好運自然來的李龍基,全靠當年獨具慧眼,不過現在中港兩地樓價都癲升,要上車談何容易呢?

李龍基
李龍基
行過臭豆腐店,李龍基駐足睇咗一陣,不過最後未有幫襯。

深圳地膽周圍行

李龍基
李龍基
周圍行原來搵地方醫肚,李龍基在茶餐廳坐低慢慢睇餐牌,食飽飽仲去附近商場睇寢室用品,長居深圳超過二十年的他,看來已習慣國內生活。

李龍基
李龍基

李龍基
李龍基

李龍基
李龍基
李龍基在深圳有車,不過平時他會搭地鐵周圍去,這日見他搭地鐵到落馬洲過關去香港工作,問他中港兩邊走辛苦嗎?他說:「依家來往兩地好方便,我都習慣晒,唔覺得辛苦。」
李龍基
李龍基
過關後李龍基再轉的士去皇崗附近的停車場拎車,原來他在香港一樣有車有樓,如果工作時間長,他會在香港留宿。

李龍基 帶妻環遊世界

李龍基與第二任太太結婚逾二十年,人前人後表現恩愛,平時與圈中人聚會,他都會帶同太太一齊出席。李龍基連走埠亦與太太同行,夫婦二人足跡遍布世界各地,羨煞旁人。

李龍基
李龍基
李龍基與太太有影皆雙,早前孖住出席朋友聚會,無綫藝人吳香倫、李霖恩及鄭世豪都在場。
李龍基
李龍基
唔使憂柴憂米的李龍基,不時帶太太環遊世界,美加與澳洲都經常去,寓工作於娛樂。

李龍基
李龍基

以朕自居

李龍基80年代加入無綫後拍過逾40套劇集,演活過無數皇帝,笑言就連東海龍王及閻羅王都做過的他,在社交網更不時以朕自居。

李龍基
李龍基
85年在《鍾無艷》中與陳秀珠合作,飾演齊宣王。
李龍基
李龍基
01年在《尋秦記》中飾演秦始皇父親異人莊襄王。

爆騷歌王

李龍基歌藝出眾,歌迷無數,四十年來登台出騷不絕,首本名曲包括〈巨星〉、〈佛山贊先生〉、〈男子漢〉、〈花艇小英 雄〉、〈怒劍鳴〉,〈路直路彎〉及〈人生曲〉等,爆騷歌王當之無愧。

李龍基
李龍基

除了去世界各地登台,不少私人公司及企業的周年晚會都愛請李龍基表演,識搞氣氛又識玩樂器,多才多藝難怪深受客戶歡迎。

李龍基
李龍基

李龍基
李龍基

李龍基與時並進,登台除了唱舊歌,亦會搞搞新意思畀觀眾驚喜。

李龍基
李龍基

入行40年

李龍基酒廊歌手出身,70年代參加無綫舉辦的「聲寶之夜」而被經理人發掘才全職做歌手,出道初期蓄「二撇雞」鬍鬚,形象略為粗獷,故有「斬柴佬」的綽號,早年曾為不少電視劇演唱主題曲。

李龍基
李龍基

李龍基
李龍基

李龍基
李龍基

余香凝偷食致分手? 陳家樂含淚認情已逝…

陳家樂
陳家樂

周秀娜多年努力成功轉型 由𡃁模變成入屋女神!

被指毀約欠租、弄壞地板電器?陳展鵬:我有做過,我雙手跛!

包皮、浩南哥撐細細粒! 黎姿開旗艦店 古惑佬鄭伊健驚喜到賀

前夫拋棄 獨力養大三子女 薛家燕娶新抱:等咗呢一日好耐

延伸閱讀:

麥明詩贈「粗口」生日禮物 馮盈盈預告床照益網民

關注我們Facebook專頁
    相關新聞
      更多瀏覽