【深宮計】單身自強 勢擸視后 陳煒拒前夫翻兜
2018年06月23日12:00

近日在《宮心計2深宮計》演霸氣太平公主的陳煒,由於演技超晒班,力壓同劇一眾女演員,被網民激讚是今屆TVB視后不二之選。事實上,加入無綫6年,陳煒出名肯捱夠博唔錫身,為演《深宮計》政治野心大的太平公主,專登飛台灣修讀心理學,日拍20小時捱到頸椎移位雙眼勁爆紅筋,一樣堅持唔瞓都要演好角色,專業精神值得敬佩。

原來,煒哥還似足太平公主硬淨,離婚6年堅持唔靠前夫,唔要贍養費,煒哥霸氣表示:「自己冇諗過要佢啲錢,冇諗過要靠男人!」事業上位全力衝刺,煒哥諗通晒!唔再浪費時間糾纏一段失敗婚姻,堅決拒前夫翻兜,寧願自己賺錢自己使,為慳家更搬離之前租住的西灣臺1號豪宅,不過近期憑出色演技彈出的她,早已爆Job劇接劇,廣告商演內地登台接踵而來,唔靠男人一樣活得精彩。

撰文:東方新地|圖片:新傳媒圖片庫、陳煒IG微博

延伸閱讀:

雞排妹久違派福利 放假旅行不忘晒豪乳

Marvel大片又嚟啦!《蟻俠2》到底有咩新角色?

陳煒 為愛放棄一切

96年亞姐冠軍陳煒,08年同台灣富商顏志行結婚,煒哥嫁夫隨夫,放棄香港一切陪老公飛台灣生活,不過2012年,煒哥突然回流香港簽約無綫兩年,雖然當時經常傳出同老公婚姻亮紅燈,煒哥卻密冚二人離異關係,直至去年老公被拍到同台灣女歌手鄭雙雙約會,煒哥才驚爆同老公早於五年前已離婚。忍足五年都唔講,煒哥事後受訪坦然自己性格好直,講大話好痛苦,但剛重返香港拍劇,唔想外界覺得她婚姻失敗好慘,唔想博人同情。

陳煒
陳煒
煒哥同台灣富商前夫顏志行於08年結婚,婚姻只維持了五年。

據知情者透露:「當日煒哥決定結婚,跟老公去台灣生活,其實已經諗咗放棄晒娛樂圈嘅一切,但因為顏志行係生意人,工作好忙,成日要周圍飛,結婚初期煒哥都會陪老公周圍飛傾生意,但耐咗開始覺得悶,兩個人嘅距離愈嚟愈遠,老公唔想大家勉強一齊生活,就提出離婚,不過煒哥份人好長情,離婚初期佢係好唔捨得。」

陳煒
陳煒
陳煒早前搬離月租近八萬的港島豪宅,現以兩萬多元租住油塘海景單位。

離婚後互相支持

雖然因了解而分開,但離婚反而令兩人解除壓力,相處更加和諧。據煒哥身邊人透露,其實離婚之後,煒哥跟前夫反而更關心大家:「分開之後,唔知係咪冇咗之前嘅壓力,兩個人反而關係仲好咗,好多嘢都會同對方傾,兩個人會互相支持,前夫本來想喺香港買層樓畀佢,等煒哥留喺香港做嘢,可以住得舒服啲,但煒哥性格好硬淨,佢唔想離婚仲靠對方,所以拒絕咗。堅持自己搵錢自己使,為咗慳錢,佢都冇再租之前嘅西灣臺1號豪宅,搬咗去油塘度住,啲租平成截!」

陳煒
陳煒
拍《深宮計》煒哥每日連踩20粒鐘,搞到唔夠瞓雙眼勁爆紅筋,雖然拍得辛苦,但煒哥表示勁鍾意太平公主角色:「好多謝小青姐畀呢個機會我!始終演齡好有限,我呢個年紀仲有咁多機會好感恩!」

煒哥對感情長情執著,對工作同樣專一投入,當年重返無綫,她亦唔介意由配角做起,即使做閒角一樣唔錫身博到盡,復出拍首部劇集《法網狙擊》就著泳衣晒火辣身材同郭政鴻肉搏,之後多個劇集演技亦被大讚,火速成為無綫監製搶手貨。據知情者透露:「因為演技出色,好多監製都爭住用佢,佢喺無綫愈嚟愈忙,反而令煒哥諗通咗,覺得演戲係佢最大嘅興趣,人生好似有番目標咁,唔再執著之前段感情,佢覺得係時候要有個新開始,明白人要向前望,所以決定咗唔再同老公拖拖拉拉落去!近期同前夫都少咗聯絡,希望大家有番各自嘅生活!」

陳煒
陳煒
《深宮計》演員陣容鼎盛,女主角個個有份量,陳煒仍能排眾而出,被網民激讚演技超班,捧她為今屆視后不二之選。

冇諗過靠男人

對於有傳前夫想買樓給她一事,本刊向煒哥求證,她否認有收贍養費:「冇呢回事!自己冇諗過要佢啲錢,一路以嚟都係靠自己,我唔使靠男人!」提到她曾表示離婚是老公提出,初期會否好唔捨得?她就霸氣表示:「始終係一段感情,當然需要時間,但已經放低咗!」問她如何形容跟前夫現時關係?她直率表示:「係朋友,會聯絡!」(他來香港會約?)「有嘅!但唔多!」睇嚟事業再起飛,煒哥亦Ready接受新戀情,有樣有身材,機會多的是!

陳煒
陳煒
憑演技上位,煒哥已成無綫當紮阿姐,月前開拍的重頭劇《多功能老婆》,她就同楊千嬅做好友。
陳煒
陳煒
劇中煒哥還有泳衣戲。

為演出讀心理學

今年演出的兩個劇《果欄中的江湖大嫂》以及近期熱播的《深宮計》,煒哥演技大爆發兩劇都搶盡風頭,特別是《深宮計》演極有心計,充滿政治野心的太平公主,網民更大讚她演技超班成羣妃之首,推她成今屆TVB視后!但成功並非一朝一夕,煒哥背後其實花了唔少努力。據知情者透露:「其實煒哥對自己要求好高,為咗拍《深宮計》演好政治野心好大嘅太平公主,佢專登去台灣修讀心理學,因為小青姐要演員全部背熟對白,一隻字都唔可以修改,煒哥戲份好重,日日幾乎拍20個鐘,就算未埋位佢飯唔食都要背熟對白,同佢拍劇班對手,個個喺背後都讚佢好有heart同好勤力,見佢拍到雙眼爆晒紅筋,佢都唔肯停低抖吓,佢做公主個髮髻好高好重,拍咗個幾月,條頸已經唔舒服,佢都撐住等返香港先去做針灸治療,耐力真係驚人!」

陳煒
陳煒
《深宮計》令陳煒事業闖上第二個高峰,近日爆紅的她,即使劇接劇依然神采飛揚,多年來樣貌身材都keep得勁fit的她,日前就去咗試戰衣,只係一件性感晚裝,煒哥穿上身已經洶湧澎湃,震撼程度擋也擋不住。

深不可測

隨住《深宮計》熱播,煒哥近期亦接下唔少登台及私人活動,還接了一個減肥美容代言工作,連日來趕劇日夜顛倒,但仍爭取時間到代言公司做減肥美容,上周六(6月16日),連踩30粒鐘拍完《多功能老婆》,只係休息幾個鐘又一個人出動,由司機接載到尖沙咀金巴利道Spring wedding婚紗公司試晚裝,見她入到舖頭,冇助手跟身服侍,自己揀啱就試,性格不拘小節,換完衫又走出來同老闆娘密密傾,件件戰衣都勁騷事業線,將驕人身材表露無遺!睇嚟爆Job的她,為工作瞓身博盡!

陳煒
陳煒
陳煒日前公主出巡,到了尖沙咀試戰衣,為嚟緊活動演出及登台做準備。

氣勢逼人

陳煒
陳煒
太平公主絕不「太平」,勁有料的煒哥稍稍一露已經好有睇頭。

親民公主

陳煒
陳煒
太平公主氣勢逼人,不過煒哥卻極之親民,試衫當日,全程冇帶助手,唔會下下要人服侍,期間又同老闆娘好好傾。
陳煒
陳煒
除咗前面澎湃,唔少戰衣仲大露背。

少女味濃

陳煒
陳煒
44歲陳煒身材樣貌都勁省鏡,而且勁有氣質,睇落真係好有少女味!

大飽眼福

陳煒
陳煒
憑《深宮計》爆紅的陳煒,活動商演內地登台接踵而來,就算拍完通宵戲,煒哥仍要趕去試衫揀戰衣,遠睇已經咁有睇頭,到時觀眾肯定大飽眼福!
陳煒
陳煒
期間煒哥還用手機拍下短片,見她用普通話自我介紹是太平公主,相信是放上社交網。

有司機

陳煒
陳煒
試完衫,陳煒由司機接載,乘坐七人車直去銅鑼灣。

食得清淡

陳煒
陳煒
煒哥匆匆忙忙先到超市上糧,主攻蔬菜沙律等食物,似乎近期忙於拍劇的她選擇食得清淡。

做美容代言

陳煒
陳煒
買齊嘢,煒哥直上皇室堡美容中心,原來有樣有身材的她,被美容公司睇中做新一任代言人。

《深宮計》陳煒視太平公主為代表作

飾演太平公主嘅陳煒獲中港兩地網民一致力讚,睇好做「視后」,陳煒接受傳媒訪問時謙虛表示,好多謝觀眾咁支持套劇同佢,又話演員遇到好角色又有得發揮嘅真係好難得,所以佢好畀心機把握呢個機會!而近日煒哥出席活動,透露《深宮計》點擊率已經接近11億,佢笑言等點擊到20億時,會學馬浚偉同胡定欣公開「十億祼照」咁:「拎啲嘢出嚟畀大家開心吓!」

本宮馬上又要出招啦,等着瞧吧!😏😏😏#宮心計2深宮計 #太平公主

Alicechanwai(@alicechanwai)分享的貼文 於PDT 2018 年 6月 月 7 日 上午 7:46張貼

深宮計
深宮計

《深宮計》中馬浚偉飾演唐玄宗李隆基,聯同姑姑太平公主(陳煒飾)發動政變,以禁軍殺了韋后(米雪飾)、安樂公主,並徹底剿滅韋氏集團,之後就輪到兩姑侄爭權鬥位!

深宮計
深宮計

早前駙馬被斬,太平公主悲痛欲絕,誓要為駙馬報仇!

深宮計
深宮計

熱播中的大台劇《深宮計》,有人話啲妃嬪以至宮女都年紀大,其實年齡只係一個數字!你睇吓飾演太平公主嘅陳煒現年44歲,但仍然Keep好好,無論皮膚定係身材仍然弗爆!近排陳煒趕拍無綫新劇《多功能老婆》,同女主角楊千嬅有不少對手戲!日前佢等埋位嘅時候就勤力熟讀劇本,仲大騷長腿喺IG開心share!

努力的同學#多功能老婆

Alicechanwai(@alicechanwai)分享的貼文 於PDT 2018 年 5月 月 30 日 上午 3:19張貼

Alicechanwai(@alicechanwai)分享的貼文於PDT 2018 年 5月 月 31 日 下午 9:36張貼

兩度爭視后

其實今年44歲嘅煒哥,分別喺2015同2016年都有過機會憑《火線下的江湖大佬》嘅「傻冧」同《梟雄》嘅「桂生姐」兩個角色問鼎視后,可惜最後都係失落「最佳女主角」,不過煒哥嘅演技大受讚賞,唔少網民激讚煒哥好戲過多年死敵萬綺雯㖭!

甚少做喜劇嘅陳煒喺《火線下的江湖大佬》估唔到都咁掂,扮鄭則仕老婆、江湖大嫂「傻冧」夠自然又夠放!

而喺《梟雄》飾演「桂生姐」仲獲得《星和無綫電視大獎》嘅「我最愛TVB電視女角色」獎。

早前喺《果欄中的江湖大嫂》中,陳煒飾演一個過氣的功利小女星,但是在慶生時發現老公外遇,之後回到香港生活,更成為了一個果欄的欄主,亦贏盡觀眾掌聲!

陳煒
陳煒

96年亞姐冠軍

入行22年嘅煒哥,96年未畢業便決定參選亞洲小姐,更勇奪冠軍!之後成為亞視藝員,拍了超過廿部電視劇,當中《我和殭屍有個約會》同扮梅艷芳的《美麗傳說2星願》都非常經典。

曾做「晶女郎」

唔講唔知,煒哥原來都做過「晶女郎」,06年拍電影《提防老千》更與王晶有超火辣場面!

倒奶搏到盡

12年過檔TVB初期,煒哥繼續行性感,即使唔係做女一都搏到盡,倒奶絕對係家常便飯!

效果都相當震撼!

激罕童年照曝光 《深宮計》陳煒 細個勁似㗎妹!

煒哥入得廚房出得廳堂,44歲仲keep得咁fit,究竟女神的童年的樣子係點嘅呢?

係咪好kawaii呢?

女神當年真係又pure又true!

01年出噴血寫真

注定食呢行飯嘅煒哥,一早已深明上位之道,肯搏肯捱之餘,仲識賣肉冧觀眾!

01年出埋寫真添!

余香凝偷食致分手? 陳家樂含淚認情已逝…

陳家樂
陳家樂

周秀娜多年努力成功轉型 由𡃁模變成入屋女神!

被指毀約欠租、弄壞地板電器?陳展鵬:我有做過,我雙手跛!

包皮、浩南哥撐細細粒! 黎姿開旗艦店 古惑佬鄭伊健驚喜到賀

前夫拋棄 獨力養大三子女 薛家燕娶新抱:等咗呢一日好耐

延伸閱讀:

篤信風水 運滯急搬 揭陳展鵬租約糾紛內情

關注我們Facebook專頁
    相關新聞
      更多瀏覽