馬明高Ling首合作有牀戲
2018年06月20日03:00
(左起)馬國明、高海寧與黎諾懿,首日為新劇《C9特工》開工,心情雀躍。

【星島日報報道】無線新劇《C9特工》日前首天開拍,並於九龍城街市取景。主角馬國明、黎諾懿與高海寧於人頭湧湧的街市進行拍攝,吸引了大批街坊圍觀及拍照,街坊們更不禁大讚他們靚仔又靚女。黎諾懿透露劇中有大量街市戲,笑指他們的Fans可以多逛街市,尋找他的蹤影。

黎諾懿透露是日係新劇《 C9特工》第一天開工,希望隨後都拍攝得順順利利。

談到劇情,他透露劇中飾演一名特工,雖然是替政府工作,但事實上政府跟市民都不知他的存在,工作性質係保護一些較敏感的證人。

至於高Ling的角色就因5年前發生一次意外而辭去特工職務,更下嫁給飾演菜販的馬國明。黎諾懿笑道:「我本同高Ling係一對,今次嚟搵番佢,除咗希望佢做番特工外,仲想挽回呢段感情。今次高Ling就好艷福喇,有兩個男仔爭佢。」問到跟高Ling可有親密戲?黎諾懿笑道:「今次就留番畀馬明,因為《BB來了》我同高Ling都有好多親密戲,呢個福氣留畀馬明啦!」

問到跟高Ling可有牀上戲?馬明笑說:「係呀!有牀戲,不過係喺牀上傾偈囉。」他透露高Ling今次的角色會比較輕鬆,只有稍稍性感戲分。至於他首次飾演菜販,馬明笑謂:「幾舒服吖!開工可以着短褲。」

另外,拍攝空檔見他們言談甚歡,馬明透露是次係首次跟高Ling合作,而跟黎諾懿合作已是多年前的事,所以有這次機會合作感到非常開心。他說:「間唔中有新拍檔係幾好,可以有多啲唔同野玩吓。」

此外,由於父親節當日要開工,所以馬國明坦言已跟父親提早慶祝,送了簡單禮物,因平常父親有需要的東西都會替他買。問到女友黃心穎可有一同慶祝?他說:「無呀!佢當日要開工。」談到黃心穎早前被問到若二選一,會選擇馬國明抑或崔始源,心穎最終選擇了他,馬明獲悉後笑道:「係咩?唔知道喎!(係唔係冧晒?)咁都開心嘅!」

關注我們Facebook專頁
    相關新聞
      更多瀏覽