張繼聰哄老婆有橋又有戲 森美認口衰 自嘆不如
2018年06月19日05:16

早前喺電台節目訪問人妻王謝安琪,阿Kay提到老公張繼聰平時係點哄自己時,令森美都自愧不如,究竟張繼聰出咩招咁厲害呢?

撰文:Sunday Kiss 圖片:新傳媒資料室、謝安琪IG、張繼聰IG

延伸閱讀:

媽媽要知 小朋友特色生日會籌備無私分享

消委會30款嬰兒手推車大比拼 10款操控或行駛表現良好

森美自認把口衰

成日喺電台節目同專欄教人追女仔嘅森美,舊年拍《森美旅行團》時,喺日落之下發表嘅愛妻宣言,令好多女性同胞都感動不已。

張繼聰
張繼聰

不過早兩日喺電台節目《公子會》,森美在訪問阿Kay謝安琪時,就自爆自己平時「口衰」,成日激嬲太太!

森美話:「女人成日都會問,『我有冇肥咗呀?』咁我以前就會話『你運動又運得少,跑兩步又嗌停,你點會瘦啫!』」Mean到連阿Kay都問「咩事呀你?」

點知落井下石都仲未夠,自稱對運動好認真嘅森美,仲要攞個計數機出嚟,同森美嫂計卡路里,森美嫂唔嬲到黑面行開至奇啦!連

森美嫂Keep得好好呀!點睇都唔似生咗兩個!

阿Kay都睇唔過眼話:「你估佢而家需要個PT(私人教練)咩?」

講到呢方面,阿Kay都忍唔住要放一放閃,事關老公哄佢嘅方式,真係一種藝術!「我而家問張繼聰『我呢排有冇瘦咗呀?』佢就『咦!你企喺邊度呀?瘦到見唔到你呀!』森美聽完,都不禁叫絕!度哂對白,仲要交埋戲,邊度有得輸!

阿Kay講得興起,仲愈講愈多,話老公平時好多呢啲小心思!「好像平時行過我身邊,佢就會『哎呀~』咁扮跣一跣,跣咗出去!然後話:『嘩~好滑呀!』」

雖然阿Kay聽完係回咗句:「嘩~唔好咁啦!大家咁熟!」但係講完自己又忍唔住甜笑!

森美聽完阿Kay放嘅閃光彈,本來都話想請張繼聰嚟做節目嘉賓,但係講講吓就後悔喇!「唔可以俾佢拉高個standard,咁搞法我哋啲男人要做多好多嘢!」

延伸閱讀:

【親子好去處】107蚊就坐到?Hello Kitty新幹線 大阪玩到福岡 6月30日正式啟動

關注我們Facebook專頁
    相關新聞
      更多瀏覽