結婚20周年 劉青雲:太太係我人生最好嘅禮物
2018年06月19日12:36

劉青雲同郭藹明(Amy)這對圈中模範夫妻,自94年拍拖,98年6月17日拉埋天窗,二人今年踏入結婚20周年,恭喜晒!這對令圈內、圈外人人羨慕的夫婦,結婚20年依然恩愛甜蜜,兩人婚姻的保鮮秘技,原來要多得雙碩士港姐老婆郭藹明,持家有道之餘仲溫柔識撒嬌,成功將老公治得貼貼服服!

原文:東方新地|圖片:新傳媒圖片、TVB截圖

延伸閱讀:

媽媽要知 小朋友特色生日會籌備無私分享

消委會30款嬰兒手推車大比拼 10款操控或行駛表現良好

劉青雲 郭藹明 恩愛24年

結婚20年,劉青雲和郭藹明這對今年步入「瓷婚」的圈中模範夫妻,至今行街仍會甜蜜拖手,恩愛羨煞旁人,能夠令婚姻保鮮,劉青雲坦言全靠老婆郭藹明功勞,他大讚老婆說:「太太係我人生最好嘅禮物,佢好聰明,我鍾意咩、唔鍾意咩,唔使講佢都一清二楚!」

結婚20周年 劉青雲:太太係我人生最好嘅禮物
結婚20周年 劉青雲:太太係我人生最好嘅禮物

人生最大膽一次

事實上,當年鼓起勇氣追求現任劉太,劉青雲曾表示這是他人生最大膽一次。據知情者透露:「青雲同Amy 拍《大 時代》嗰時仲未拍拖,佢兩個喺埋一齊都係多得周慧敏撮合,94年Vivian開演唱會,因為知道青雲對Amy有意思,就邀請佢兩個一齊去睇演唱會,幫青雲製造機會,不過之後青雲再約會Amy,都要鼓起好大勇氣,始終當時Amy有學識又靚,而青雲事業先啱啱起步,冇車冇樓,第一次約 Amy去街,青雲仲硬住頭皮叫Amy揸車去接佢,然後一齊食飯,所以到依家佢都成日提起,好感激老婆當時冇嫌棄佢!」

結婚20周年 劉青雲:太太係我人生最好嘅禮物
結婚20周年 劉青雲:太太係我人生最好嘅禮物

復出要問准老公

眾所周知,郭藹明是美國南加州大學機械工程學雙碩士,當年Amy為青雲放棄工程師工作。想不到人妻婚後至今,仍然為陪老公放棄復出;三年前《大時代》翻播,一眾演員被炒熱,當時就有唔少人邀請Amy復出。Amy友人透露:「嗰時同無綫都出嚟傾咗幾次,不過除咗睇角色, Amy最著重係時間,講明一定要就咗老公檔期先,最後都因為怕困身陪唔到老公,所以傾唔成!」事事老公行先又識得撒嬌,相信就是郭藹明維繫甜蜜婚姻最佳秘技!

結婚20周年 劉青雲:太太係我人生最好嘅禮物
結婚20周年 劉青雲:太太係我人生最好嘅禮物

劉青雲 五大冧妻語錄

平時不苟言笑的青雲,15年憑《竊聽風雲3》奪金像影帝,公開發表 「太空船論」多謝老婆,少有公開講「愛的宣言」的他,唔止台下老婆被感動到眼濕濕,仲冧盡全港雌性動物。

最經典:冧上太空

2015年劉青雲憑《竊聽風雲3》贏得第34屆香港電影金像獎頒獎禮「最佳男主角」,這是他第二次擠身金像獎影帝寶座。劉青雲在台上強忍淚水,感謝太太郭藹明,他說:「我要多謝我太太,每次當我揸住隻太空船,飛到去宇宙唔知邊一度嘅時候,你總係有辦法,令我好安全咁返嚟地球,多謝!」郭藹明聽到劉青雲的話,感動得用手指抹眼淚。

結婚20周年 劉青雲:太太係我人生最好嘅禮物
結婚20周年 劉青雲:太太係我人生最好嘅禮物
青雲15年再奪金像影帝:「我要多謝我太太,每次當我揸住隻太空船,飛到去宇宙唔知邊一度嘅時候,你總係有辦法,令我好安全咁返嚟地球,多謝!」

結婚20周年 劉青雲:太太係我人生最好嘅禮物
結婚20周年 劉青雲:太太係我人生最好嘅禮物

最冇符:逢嘈必輸

論到夫妻相處之道,青雲自認次次鬧交都認輸:「一來我英文唔夠佢好,二來佢根本唔怕我!冇辦法,遇上佢,我只能夠投降。」

夫婦二人曾合拍的EPS廣告,演恩愛夫妻完全真情流露,唔少觀眾畀二人感動,大讚兩人互動夠甜蜜,劉太郭藹明更凍齡一樣,身材樣貌仍然省鏡!

最有共識 唔諗生仔

結婚20年,好多人都問過青雲夫婦點解唔生B?他說:「我哋根本唔打算要小朋友,好珍惜二人世界,陪老婆行街市,享有一般人嘅生活。有老婆陪喺身邊,係我最開心、最好嘅減壓方法。」

結婚20周年 劉青雲:太太係我人生最好嘅禮物
結婚20周年 劉青雲:太太係我人生最好嘅禮物

最謙虛:老婆叻晒

郭藹明係美國南加州大學機械工程學碩士:「佢學歷高,對我嚟講係件好事,我可以向佢學英文、學騎馬、學普通話,佢仲會修理電視機㖭!」

結婚20周年 劉青雲:太太係我人生最好嘅禮物
結婚20周年 劉青雲:太太係我人生最好嘅禮物

最安心:坦白至上

能令青雲感到安心的是家和太太,佢話郭藹明既是妻子,也是他最好朋友:「我哋早就講好,彼此有咩事都講出嚟,唔希望對方喺外人口中知道,呢個係我哋彼此信任嘅態度。」

結婚20周年 劉青雲:太太係我人生最好嘅禮物
結婚20周年 劉青雲:太太係我人生最好嘅禮物

延伸閱讀:

【親子好去處】107蚊就坐到?Hello Kitty新幹線 大阪玩到福岡 6月30日正式啟動

關注我們Facebook專頁
    相關新聞
      更多瀏覽