甄子丹激罕晒與大仔合照:我係最幸運爸爸
2018年06月19日18:00

父親節剛過去,一向出名係好老公、好爸爸嘅「宇宙最強」甄子丹,今次就自封為「最幸運爸爸」,喺IG大晒同三個仔女嘅合照,其中大女Jasmine(甄濟如)和James(甄濟嘉)粉絲經常都可以見到,但佢同前妻所生嘅大仔Jeff(甄文焯)就好少見嘞!原來Jeff今年已經23歲,雖然合照上遮咗半張臉,網民都大讚佢哋兩父子好似樣,十足餅印一樣!

撰文:東方新地 │ 圖片:新傳媒圖片庫、甄子丹IG甄子丹微博汪詩詩IG甄濟如IG

延伸閱讀:

Amazing Summer女星齊晒泳衣照 吸睛度不及姐仔露背?

蔣怡公開野性大肚寫真 賀第二胎提早出世!

甄子丹 每月畀5萬贍養費

54歲甄子丹93年同前妻梁靜慈結婚,一年後離婚,離婚後梁靜慈始知自己懷孕,95年大子Jeff(甄文焯)出世,現已23歲。03年甄子丹與多倫多華裔小姐三料冠軍汪詩詩結婚,再添一女一仔。有指丹爺每月畀5萬贍養費供養前妻及大仔,更借九龍城千萬豪宅任住。甄子丹仲曾經公開多謝前妻:「養到大仔咁大,佢功勞唔少。」

甄子丹前妻梁靜慈貌似女星夏文汐。

Jeff曾就讀九龍塘名校,當時成績優異,爲校内圖書館學會秘書,亦是話劇組要員,遺傳咗爸爸藝術細胞,參加過香港校際話劇比賽,榮獲「最佳劇本」和「最佳導演」獎項。

中學時代Jeff每日步行返放學,換上校服書卷味甚濃,而且外貌樸實狀甚乖巧。

在剛過去嘅父親節,甄子丹就同三個仔女一齊大享天倫樂,佢哋四個嘅合照由太太汪詩詩上載,並美圖加工,為三個仔女戴上「黑超」半遮樣,之後甄子丹再加以轉載,並留言:「I’m the luckiest father in the world! (我係全世界最幸運嘅爸爸!)」

I am the luckiest father in the world!✌️ #Repost @sweetcil ・・・ Of course Happy Father’s Day to hubby @donnieyenofficial #donnieyen #甄子丹 #happyfathersday #devoted #loving #yenfamily

Donnie Yen(@donnieyenofficial)分享的貼文 於 PDT 2018 年 6月 月 18 日 上午 6:27 張貼

Of course Happy Father’s Day to hubby @donnieyenofficial #donnieyen #甄子丹 #happyfathersday #devoted #loving #yenfamily

汪詩詩 Cissy Wang(@sweetcil)分享的貼文 於 PDT 2018 年 6月 月 17 日 下午 10:46 張貼

囡囡Jasmine都有上載同爸爸嘅合照,唔畀大佬搶晒鏡!

Father’s Day to the No. 1 baba ❤️❤️

Jasmine(@jasmineyenofficial)分享的貼文 於 PDT 2018 年 6月 月 17 日 上午 3:00 張貼

甄子丹
甄子丹

學做更強爸爸!教子女金錢觀、禁浪費

「世上只有媽媽好,有媽的孩子像個寶⋯⋯」且慢,世上還有爸爸好!父親節易被忽略,因為爸爸都是低調、默默為家庭打拼的一群。在影壇名利雙收的子丹,並不追求奢華的家庭生活,教導大女Jasmine(甄濟如)和James(甄濟嘉)要知慳識儉,出外食飯一定打包,利是錢都只派100元,因錢從來不是重點,最重要是當中的愛與祝福。

父親節對他來說,亦是一個充滿愛的節日,不必鋪張慶祝,能一家人聚首已是最好的禮物。

甄子丹
甄子丹

甄子丹:世上冇宇宙最強

憑電影《葉問》聲名大噪的子丹,自此被外界封為「宇宙最強」,對此稱號他淡然道:「一句說話啫,呢個世界邊有宇宙最強?都係人咋嘛,可能我拍功夫片多,大家又鍾意我拍功夫片,覺得我功夫勁。」返回家中,他卸下「宇宙最強」的形象,做個與仔女共同學習的好爸爸,「我覺得做家長同小朋友一樣,要不斷去進步,不斷去學習,尤其是小朋友愈來愈大,你同小朋友要一路互相了解同認識,世上唔會有一個完美嘅父親,只會有更好嘅父親。」

甄子丹
甄子丹

「宇宙最忙」與仔女見面時間少,有時一別幾個月,但他們依然保持親密關係,沒有生疏的感覺,他感謝太太教導有方,令他得到仔女的體諒。「好多時都要靠太太幫忙,因為我成日工作,有時都疏忽咗家庭,甚至返到屋企滿腦子仲係工作上嘅嘢,太太會提點番我,搞啲親子活動令我快啲投入番做爸爸、做丈夫嘅位置。」

甄子丹
甄子丹
詩詩與仔女一齊玩paddle boat,子丹要負責影相無得玩。

每當子丹戲與戲之間有較長空檔,汪詩詩就會搞一家人大旅行,拍《葉問3》前一家四口便聯同詩詩妹妹汪圓圓、妹夫蔡加讚等廿多人到馬爾代夫玩五日,每次旅行子丹都負責做攝影師,今次都不例外,親自操刀為老婆仔女影靚相,今次也獨家分享了很多旅行靚相予本刊讀者,陽光與海灘美不勝收!馬爾代夫水清沙幼,仔女第一次見到如此蔚藍及清澈的海,接觸到不同海洋生物,子丹笑謂旅行辛苦過返工,不過仔女開心就無所謂啦。

甄子丹
甄子丹

子丹經常工作不能陪伴家人,但囡囡Jasmine 明白事理,令子丹好放心。

細仔跆拳好打得

Jasmine與James的性格不同,家姐較靜,弟弟活躍,但子丹覺得兩人的性格隨着年齡改變,「佢哋成長得太快,性格喜好成日都變,好多時靠太太睇住佢哋變化,太太比較細心,我都會盡量同佢哋溝通多啲,了解佢哋個心諗咩。」講到一對仔女被外界稱讚有家教、讀書叻,子丹歸功太太教導有方,嚴格教導他們的金錢觀,即使生活比人幸福,都不應追求物質及浪費,有需要才購買,食剩要打包。

甄子丹
甄子丹

旅行時他們不會帶仔女四圍掃貨,只會買大眾化衣服,因為小朋友大得快,不必買貴衫。

子丹講得出做得到,縱然貴為影壇巨星,空餘時他會做湊仔公接放學,有時提早到場順道觀課,了解他們的學習情況,懶理家長眼望望。

今年初他才去過James學跆拳道的場館接落堂,遺傳了爸爸功夫基因的James好打得,去年七歲已取得紅腰帶,能180度踢腿,非常有潛質,將來或有機接班做宇宙最強!子丹謂囝囝對跆拳的興趣是他自己培養,從沒有迫囝囝學功夫,「佢都係自己慢慢培養興趣,佢有興趣自然學得好,唔使迫佢,依家佢對跆拳係相當有興趣,等佢大啲我先再教。」

甄子丹
甄子丹

子丹和詩詩帶仔女去旅行時,最喜歡帶他們去主題公園及動物園,讓他們抱抱動物練膽量,連蛇及蜥蜴都抱過。

說子丹一家是武打家庭,其實形容為音樂世家較貼切,不說不知,子丹功夫之外彈琴都有一手,受甄父薰陶學習古典鋼琴,喜歡蕭邦樂曲。兒子James其實似足他文武雙全,同樣喜歡彈琴,兩年前子丹擔任周杰倫演唱會嘉賓,James有前往捧場,回家即懂得彈奏〈龍捲風〉!他讚揚兒子的確具音樂天分,「我個仔彈琴好叻,音樂上、節奏上都好好,唔多唔少係遺傳咗我同太太,我太太都有彈琴。」

甄子丹
甄子丹
子丹平時被人影得多,返回家中變成仔女的御用攝影師,紀錄仔女每個開心時刻。

大女一副好歌喉

大女Jasmine同樣喜歡音樂,最叻彈琴、跳舞和唱歌,她天生一副好歌喉,前年在阿姨汪圓圓與蔡加讚的婚宴上初試啼聲(小圖),獻唱兩首英文歌毫不怯場,聲底厚,現在亦有學唱歌,喜歡看表演,尤其是歌劇,每齣歌舞劇電影都識唱,在家則喜歡與爸爸jam歌跳舞。子丹將來都有興趣拍一套合家歡歌舞片,過一過音樂癮,未知會否找仔女客串。將來仔女如果有興趣入行,子丹都不會反對,「唔會刻意想佢哋入行,如果佢哋有天分、有興趣都OK嘅,但一定要先讀好書。」Jasmine和James讀書生活忙碌但學得開心,成績亦不錯。

彈得一手好琴的確有着數,子丹出名「愛妻號」,不時出招冧老婆,最浪漫的一招當然是自彈自唱,成功搞喊過老婆幾次。子丹雖不能常留港相伴,但小別勝新婚,每次見面都好sweet,談到兩夫妻的相處之道,最重要是講得出做得到。「包容、互相尊敬、愛護同關懷,呢啲大家都懂,好多人喺婚姻上明白個道理但做唔到,雖然唔係一件易事,但呢個係我人生追求嘅目標。」

甄子丹
甄子丹

圓圓是女兒半個媽咪

子丹的姨仔汪圓圓與老公蔡加讚去年誕下可愛B女Celine,子丹愛屋及烏,對圓圓一向疼愛有加,視她如親妹,當然也十分喜歡Celine,大讚她可愛,不過湊B好有經驗的子丹就話沒俾意見,「其實圓圓係我個女嘅半個媽咪,因為自細就幫我湊女,所以佢已經好有經驗,同埋佢個人都好細心,唔需要我提點佢。」不過子丹與詩詩見到Celine時,勾起了仔女的小時候,心郁郁想生多個,但因彼此工作忙碌,一切順其自然吧。

甄子丹
甄子丹
沒有外遊時,一家人會搞搞派對,尤其是仔女和朋友仔的生日派對,子丹都會盡量抽空參與。

甄子丹大女 間尺腳

現在大女Jasmine已經14歲了,她遺傳了媽咪優良DNA,同樣長得高䠷,還有一對筆直長腿。

甄子丹
甄子丹

Jasmine(@jasmineyenofficial)分享的貼文 於 PDT 2018 年 5月 月 18 日 上午 1:03 張貼

Jasmine(@jasmineyenofficial)分享的貼文 於 PST 2018 年 2月 月 19 日 上午 12:42 張貼

余香凝偷食致分手? 陳家樂含淚認情已逝…

陳家樂
陳家樂

激罕童年照曝光 《深宮計》陳煒 細個勁似㗎妹!

被指毀約欠租、弄壞地板電器?陳展鵬:我有做過,我雙手跛!

前夫拋棄 獨力養大三子女 薛家燕娶新抱:等咗呢一日好耐

延伸閱讀:

老公負傷參加龍舟競賽!王君馨:He’s a true champion in my eyes

關注我們Facebook專頁
    相關新聞
      更多瀏覽