[KOREA] SOLO成績竟然超過本團? 8個SOLO人氣唔輸畀本團嘅女IDOL!
2018年06月18日18:00
0
0

雖然有唔少SOLO出道嘅歌手例如IU可以一支獨秀咁企穩陣腳,但K-POP偶像主流都係以團體出道再走紅,成功喺團體之中突出SOLO出歌嘅IDOL唔多,成功推高人氣嘅就更少,一齊數下仲有邊個女IDOL成功彈出?!

CHUNG HA

(前I.O.I)

請夏可以算係I.O.I解散後發展得最亮眼嘅一個~暫時只有請夏一個以SOLO歌手身份出道,而且有比一般新人黎講相對唔錯嘅成績,Youtube上面請夏兩首主打歌嘅MV播放都超過咗20萬次啊!有一定嘅人氣加上請夏紮實嘅舞蹈實力同唱功,成為下一個李孝利嘅日子指日可待啊!

CL

(前2NE1)

CL可以話係2NE1入面發展得最好嘅一個!2NE1時期CL推出咗《MTBD》、《The Baddest Female》同《HELLO BITCHES》三首單曲,三首都受到大眾喜愛,氣勢完全冇因為少咗成員喺身邊而減弱,要擔大旗SOLO絕對係冇壓力!未等到2NE1宣布解散,2015年CL就已經簽咗Justin Bieber嘅經紀公司,準備轉戰美國樂壇,2016年推出咗英文單曲《LIFTED》,誓要一闖天下,畀全世界知道K-POP藝人嘅實力!!連VOGUE都有同佢玩快問快答,就睇得出CL喺美國有一定嘅知名度同影響力!

EUNJI

(APINK)

恩地做咗練習生兩個月就以APINK出道,仲係成員中唯一SOLO出道,可以睇得出公司對恩地實力嘅肯定!雖然SOLO冇去到大紅嘅程度,但都會得到K-POP Fans嘅關注啊!講起恩地會諗起APINK,講起APINK就會諗起恩地,SOLO真係可以做到同組合相輔相承嘅例子並唔多,但恩地同APINK就做到啦!

HYUNA

(前4MINUTE)

泫雅SOLO嘅成績應該冇人會質疑啦掛,大家都有目共暏每次泫雅喺台上表演,台下啲觀眾有幾熱情同瘋狂(特別係啲男觀眾)!因為本身嘅舞台掌控能力同舞技令泫雅成為4MINUTE第一個SOLO出道而又發展得最好嘅成員,由出道到4MINUTE、到依加獨立發展,人氣都keep住高企,泫雅嘅路應該仲有好長,編輯希望可以喺將來睇到更多面嘅泫雅啊!

睇埋 >>[HER] 泫雅從14歲到26歲:「性感小野馬」是如何鍊成的?

SEJEONG

(前I.O.I、現GUGUDAN)

GUGUDAN主唱世正因為喺《PRODUCE101》入面得到第二名並以I.O.I成員出道累積咗比其他成員明顯更高嘅人氣,公司可能想借世正嘅人氣帶起GUGUDAN,就畀世正喺出道5個月嘅短時間內就以個人身份出歌,單曲《FLOWER WAY》喺各音樂節目入面都有唔錯嘅成績,喺《SHOW CHAMPION》更係攞咗GUGUDAN都未攞到嘅一位啊!!!

SUNMI

(前WONDER GIRLS)

善美亦係現時嘅SOLO女皇之一啊~無論係重新加入WONDER GIRLS前嘅SOLO時期定解散後嘅SOLO時期,作品都大受歡迎,喺各大音樂節目打歌排名基本上都係五名以內!《24 HOURS》、《FULL MOON》、《GASHINA》、《HEROINE》真係首首大熱,首首者燴炙人口啊~

SUZY

(前MISS A)

喺TWICE出現之前秀智一定係JYP嘅唯一皇牌,第一套演出嘅劇《DREAM HIGH》已經做女主角,喺後來《建築學槪論》入面飾演大學時期楊瑞英而得到「國民初戀」嘅稱號,獲得極高嘅人氣!秀智嘅事業就一帆風順,大韓民國應該有睇電視嘅就會識得秀智,知名度遠遠拋離MISS A啊...~

TAEYEON

(少女時代)

最成功女團SOLO成員一定非太妍莫屬~SOLO歌曲成績超好,第一隻個人迷你專輯《I》賣咗超過15萬張,而主打歌《I》仲喺多個音樂節目入面連續三個星期拎一位!其後再出嘅個人專輯連非主打歌都有拎到一位,就知太妍嘅SOLO絕對唔輸畀少女時代!!而且太妍Instagram嘅follower人數仲係K-POP偶像之冠,睇得出大家都畀太妍嘅魅力同實力吸引啊~

這篇文章 [KOREA] SOLO成績竟然超過本團? 8個SOLO人氣唔輸畀本團嘅女IDOL! 最早出現於 GIRLTALK 有班女仔

關注我們Facebook專頁
    相關新聞
      更多瀏覽