請關智斌做個唱嘉賓 張敬軒:有啲私人恩怨想解決下
2018年06月18日20:52

張敬軒在紅館舉行一連六場《HINSIDEOUT 張敬軒演唱會》,個唱以五行「金、木、水、火、土」作為五個不同環節,首場邀得容祖兒、胡楓和羅蘭擔任表演嘉賓,在第四場軒仔請到組合Boy’z成員關智斌Kenny、張致恆Steven做嘉賓,呢個晚Kenny現身,現場觀眾超興奮…

撰文:東方新地 │圖片:新傳媒圖片

延伸閱讀:

被迷姦 遭雪藏 拍《強姦3》 張文慈自覺人生委曲:我真的行錯好多路!

冇同TVB續約 岑麗香 親認離巢回加拿大養身

張敬軒:有啲私人恩怨想解決下

Boy’z出場與軒仔合唱《死性不改》全場歡呼狂,觀眾叫聲大到連Kenny唱歌聲都聽不到。唱完歌,Steven或張敬軒講什麼,觀眾都一直狂叫,軒仔忍唔住反問觀眾:「我都唔知你哋叫乜 !」觀眾至肯靜落嚟!

張敬軒
張敬軒
歌曲中段的讀白,三人又改了台詞, Steven問: 「點解?」跟住望向Kenny:「點解你會來做嘉賓嘅?」Kenny笑話:「我鍾意呀,你吹呀?」全場觀眾又再狂叫!

軒仔對Steven笑說:「嘩,你講嘢佢哋都叫到咁,咁佢講嘢………」手指一指Kenny,觀眾又再狂叫,Steven笑話:「我完成任務啦,我落台先!」軒仔話:「知唔知咩叫無敵嘅嘉賓呀…」 Steven即時指住Kenny說 :「知唔知咩叫無敵嘅嘉賓呀?」Kenny這時大方企過軒仔側邊仲用手攬住軒仔話:「驚你呀?我企到咁都仲得呀!」令觀眾拍爛手掌,歡樂氣氛去到最高點。

軒仔續說 : 「 咁耐冇見,有啲私人恩怨想喺到解決吓,我聽講網上有人寫咗個故仔,話你哋兩個為咗我喺salon打架,究竟係咪?」Kenny話:「你諗多咗啦張生!我哋兩個成日打交,每次打完交,Mani就會打嚟話,打還打唔好打臉,話晒靠個樣搵食。」Steven企埋一邊唔出聲,軒仔問佢做咩,佢話:「我見你哋咁耐冇見,比你講埋先囉!」軒仔反擊:「你又知我哋好耐冇見?」此時觀眾們又狂呼!

軒仔正經說要答謝Steven,因為他為了來做嘉賓 ,於橫店拍緊戲都趕回來。Steven就客氣回話,自己可以喺這個圈繼續生存,多得軒仔一路以來的幫忙。Steven未放過Kenny,問:「你都仲未講,你點解會嚟做嘉賓?」 Kenny說 :「我來報仇呀。」Steven:「報咩仇?隔夜嗰啲呀?尋晚嗰啲仇呀?」軒仔笑謂 : 「喂!我哋下午綵排嗰陣啲稿唔係咁喎。」最後三人再合唱《La La世界》,氣氛超好!

第四場捧場的圈中人有黃秋生﹑甄詠蓓、謝霆鋒﹑謝賢﹑鄭希怡﹑何超蓮和阮兆祥等,真係星光熠熠。

個唱著熱褲晒美腿 張敬軒:剃腳毛都剃咗個半鐘!

張敬軒以銀色頭髮配鮮艷浮誇衫和熱褲登場,一開始大唱四國語言的串燒歌,邊唱邊跳,包括英文歌《Crazy in Love》、泰國版《失戀》、印度歌《Jai Ho》及韓文歌《No Body》。軒仔甫化身「降兩度」(Gonlando),且自爆為了剃腳毛剃了個半小時,彎身鞠躬時又按著Pat Pat防走光,更嬌嗔指被現場眾多男士眼甘甘望到有「高潮」,笑爆全場。

軒仔還稱讚「降兩度」是一個身材好、貪靚和敢作敢為的人,期間更扮港女舉V手勢、以燒烤叉當權杖進行港姐加冕儀式,更封「降兩度」為天后。

張敬軒首場請到容祖兒做嘉賓,軒仔帶領全場大合唱生日歌,為16日的38歲生日的Joey預祝,還送上果籃,抵死指Joey食唔晒唔好嘥,只在當中拿了兩粒荔枝給Joey,稱Joey跟荔枝一樣火辣辣。激到Joey即場下戰書道:「我現在真係好好火,你叫『降兩度』出來battle,來個深水埗麥當娜對旺角Beyonce!」

軒仔謂祖兒是「好閨蜜」,祖兒即大叫他是「好姊妹」,並肉緊攬攬,軒仔笑言:「好兄弟唔得嘅依家?」

之後軒仔分享與祖兒的相識經過,表示第一次非工作認識對方,當時自己仍是新人:「霍汶希見我好黑、好似冇乜飽飯食、泰國嚟咁,但祖兒已係天后,佢主動行過嚟問我咩名,又問我電話,然後我哋第一次食飯就係喺天后屋企,自此我哋成為好好嘅朋友,所以今晚第一場演唱會要請佢呢個好閨密嚟。」

軒仔笑言:「開一場容祖兒同降兩度嘅演唱會好唔好?」大家梗係歡呼啦!

Encore環節,軒仔唱出《餘震》,鳴謝環節時他多謝樂隊,多謝其中一個樂手時他笑言:「成個關智斌咁樣。」大家即歡呼。

唱到最後一首歌《櫻花樹下》時,坐在Panel位的鍾欣潼與老公更企埋身聽歌,十分投入。

軒仔跟患癌男 歌迷隔空合唱

唱《靈魂相認》時,軒仔稱:「過去這一年,我經歷好幾次生離死別。年中認識一位年輕人,他很熱愛音樂,見到他感覺見到以前的自己,可惜他患上末期癌症,當時我收工就常去他家或醫院探望他,我們一起錄製幾首歌,而錄製前他都要打嗎啡止痛,但願我有這種毅力和勇氣,堅持去追夢。」軒仔應承會將此合唱歌帶上紅館,於是即場唱出患病歌迷的合唱版《預言書》,軒仔顯得好傷心!

軒仔又邀來兩位前輩胡楓、羅蘭任嘉賓,兩位前輩大讚軒仔敬老有禮,是年青人典範,之後胡楓和羅蘭合唱《漫步人生路》。胡楓指獲監製邀請做表演嘉賓,但要齋講唔準唱,他自嘲不是黃子華,及上到台就鍾意點都得,自行唱了幾句歌「騎劫」舞台。羅蘭姐也鬼馬的跟胡楓說:「我一直嚮下面(升降台底)等緊你!」胡楓即反駁:「啋!我同你有排都未去下面呀!」

當晚老闆楊受成、霍汶希、新婚夫婦鍾欣潼與賴弘國、容祖兒母親、蔡一傑、鄭欣宜、JW(王灝兒)和男友葉韋彤等捧場。

延伸閱讀:

大坑舞火龍!鄭秀文 鍾鎮濤 提早過中秋

關注我們Facebook專頁
    相關新聞
      更多瀏覽