軒仔公審胡定欣嘲高低眉
2018年06月17日03:00
■軒仔化身「降兩度」,晒腿任嘉賓胡定欣摸。

【星島日報報道】(星島日報報道)前晚第二場《張敬軒 X 降兩度 HINSIDEOUT 演唱會 2018》圓滿結束。當晚軒仔邀請胡定欣做嘉賓,原來他與定欣相識已10多年,對方曾經為歌曲《餘震》MV擔任女主角。鬼馬的軒仔更乘機拿定欣於《宮心計2深宮計》 的造型開玩笑,直呼她做「高低眉」。

前晚張敬軒舉行第二場「降兩度」演唱會,一眾圈中人包括周慧敏、葉德嫻、黎小田、湯寶如、胡蓓蔚、李施嬅、泳兒、鍾舒漫及衛詩雅等齊捧場。軒仔化身成「降兩度」,介紹嘉賓出場,笑說:「昨晚張敬軒以為請個嘉賓好巴閉!今晚呢位嘉賓來頭不少,我投身音樂界之前,係投身電視界。本身接到個好劇集,點知開波前兩日,先知畀人搶咗個角色。我今晚就要公審佢,有請我哋視后胡定欣!」

原來軒仔跟定欣已經相識10多年,私下相當老友。定欣出場時,軒仔笑說:「我覺得你今日好靚!平日電視睇你着咁多布,今晚做咩着咁少?今晚見你着古裝,差啲認你唔到呀,高低眉!」定欣亦不甘示弱,她笑說:「我平日夠係見你着西裝,今晚見你着番女裝,我都差啲想嘔啊!」

胡定欣透露軒仔每次開騷都有捧場,更想不到幻想成真,可擔任他演唱會嘉賓。定欣自爆收到軒仔邀請時,開心到失眠:「成晚都唔瞓,等天光可以即刻打電話俾監製,為做嘉賓請假!」隨後,定欣就「太子妃」上身,笑對軒仔說:「睇路呀,妹妹!深宮條路唔係你想像中咁易行架,最緊要係無悔無愧!」繼而獻唱歌曲《無悔無愧》。

關注我們Facebook專頁
    相關新聞
      更多瀏覽