專歎大隻仔 陳婉衡 孖彭于晏替身睇樓
2018年06月16日21:00

擁有36E、24、34葫蘆身形、加拿大土生土長鬼妹仔性格,無綫咪神陳婉衡收兵易過借火是常識吧!不過一個月之內與舊愛斬纜、向新歡邁進又真係快刀斬亂麻進展神速!

4月才發表信錯舊愛言論、疑似與同居男友黃毅進各行各路,5月陳婉衡已經極速搬入新屋,整個睇樓、上樓過程已經由新歡羅浩銘陪伴左右。前度現任一樣手瓜起𦟌同屬大隻系猛男,原來轉畫快,唔代表口味變!

撰文:東方新地|圖片:新傳媒圖片庫、陳婉衡FB

延伸閱讀:

蔡少芬三母女 真人騷晒溫情

【飛虎之潛行極戰】吳卓羲 大個仔愛黐家

陳婉衡 極速斬纜搬新居

身材惹火、性格又外向,28歲無綫新咪神陳婉衡入行以來去到邊都有兵追隨,去年中被傳媒拍到與無綫奀星黃毅進翹住手拍拖睇戲再齊齊返香港仔愛巢,疑似被私有化共賦同居。可惜呢段戀情撻得快散得更快,4月陳婉衡以火熱紅色比基尼照配上一段有火文字,表示「你不值得,我不會為你哭,謝謝你讓我上了一課,信錯你係我錯」疑似揭穿真面目一腳踢開舊愛,雖然接受訪問時表示冇拖拍dry到裂,卻被本刊發現陳婉衡已經著手睇樓搬新竇,身邊還有新兵彭于晏替身頂上。

陳婉衡
陳婉衡
極速撇甩前男友黃毅進,陳婉衡現身銅鑼灣搵新竇搬,而陪伴身邊的無獨有偶又係大隻仔,更是古天樂旗下藝人、做過《激戰》彭于晏替身的羅浩銘。
左為彭于晏。

齊返香閨

踢走奀星舊愛日前陳婉衡現身銅鑼灣,駐足地產店外研究區內租盤,全程有大隻新仔陪伴左右提供意見兼護駕。睇真啲,新仔原來係拍《心理追兇》上位、古天樂旗下的動作演員羅浩銘,自細習武、又同陳婉衡一樣愛健身,所以胸肌臂圍相當發達,護花睇樓絕對稱職。

陳婉衡
陳婉衡
二人在多間地產舖外駐足研究,鎖定約四百多呎、月租三萬以下的單位再耳語商量。

二人在世貿附近地產店外指指點點有傾有講,鎖定約二至三萬面積四百多呎租盤,睇啱就雙雙踏入店內約埋經紀齊齊睇盤。雖然不似上次與黃毅進去街手拖手,不過睇完樓,羅浩銘陪埋陳婉衡睇內衣、買外賣、再一齊坐小巴返陳婉衡香港仔寓所,二人親密關係不言而喻。

陳婉衡
陳婉衡
指指點點終於見到心頭好,陳婉衡與羅浩銘一齊行入舖內搵地產經紀,兩人認真好彩,單位有匙仲可以即刻睇。見兩人跟住地產經紀行,已經笑到見牙唔見眼。
陳婉衡
陳婉衡
在地產經紀帶領下,二人往附近舊式大廈進發睇樓,期間雖然舉動不算親密,但一直有商有量疑似單位大家都有份住。
陳婉衡
陳婉衡
是日收穫不算豐富,睇完一個單位已經暫告一段落,經過內衣店陳婉衡入內揀心頭好,羅浩銘亦不避嫌陪睇內衣。
陳婉衡
陳婉衡
天色漸暗,二人選擇買外賣燒味飯盒返屋企齊齊歎,而唔係在銅鑼灣就地解決。
陳婉衡
陳婉衡
同舊愛斬纜,不過就繼續住緊香港仔舊愛巢,陳婉衡買完外賣帶埋羅浩銘一齊搭小巴、一齊返香港仔住所。

4月鬧爆前度

去年中被拍到與黃毅進翹手行街疑似同居,不到一年,陳婉衡在社交網絡發文又po相,用英文鬧爆前度:「我不會為你喊,你唔值得⋯⋯謝謝你讓我上了一課,信你係我錯,你冇錯!」

5月即搬新竇

鬼妹仔果然不會拖泥帶水,鬧完舊愛未夠一個月,陳婉衡已經在面書表示搬完新屋、可以回歸健身房。

陳婉衡
陳婉衡

唔止Body勁

今年34歲的羅浩銘,15歲開始練拳擊、20歲已經係加拿大省級跆拳道三連冠、24歲入行已經拍攝多套動作片擔任動作演員。在電影《激戰》做彭于晏替身,唔好睇佢由細到大四肢發達,其實羅浩銘仲係名校西門菲莎大學犯罪學畢業生,頭腦一樣咁發達!

陳婉衡有鋪做GYM癮,最鍾意健身室自拍晒深坑事業線,其實新歡羅浩銘亦一樣,絕對大把共同愛好與話題。
24歲回流香港做吳彥祖替身,再被林超賢導演提拔參演《激戰》,去年羅浩銘再獲古天樂睇好,簽為旗下經理人公司藝人。
集齊四大影帝的Juno新戲《風林火山》一樣有羅浩銘份。

陳婉衡未忘鋼管舞 擘髀兼倒奶零難度

有咪神之稱的陳婉衡擁有驕人36E野火身材就不在話下,而她不時會於個人社交網上載索爆靚相任人睇。近日,她就上載一段短片大跳鋼管舞 ,片中見佢著住件吊帶露腰衫不停在鋼管上下轉,不時擘髀兼「倒奶」。

陳婉衡仲留言表示:「已經超過年幾冇掂過條鋼管,好彩都未忘記晒~」

喜愛做運動

事實上,平時陳婉衡好鐘意做運動,一有時間就會走去健身室操弗自己個body,所以佢為了擁有美好身形背後都下了不少功夫。

陳婉衡 簡淑兒 著四層和服

陳婉衡同簡淑兒兩個好姊妹今次同遊日本,原來係一次慶生之旅,陳婉衡生日係上月尾,而簡淑兒就係下月中,陳婉衡話時間啱啱好:「去之前已經好期待,好想同佢一齊著和服影相,今次終於做到!」

簡淑兒
簡淑兒

陳婉衡又指兩人約定每年都要一齊去一次旅行:「我哋想之後去唔同國家著住當地嘅民族服裝影相,好似一個紀念咁,或者下次可以去韓國著韓服!」

簡淑兒
簡淑兒

簡淑兒同陳婉衡去到京都著名景點千本鳥居留影,兩個日本娃娃亦成遊客眼中嘅景點,畀人爭住求合照!

簡淑兒
簡淑兒

雖然獲網民大讚靚女同Kawaii,但陳婉衡就狂呻著和服好熱:「我最怕熱,件和服總共有四層,其實好熱,而且修腰又束到好實,個胃有啲頂住,所以都食唔到太多嘢!」

簡淑兒
簡淑兒

束腰晒身材

陳婉衡仲爆兩人前兩日去埋大阪旅遊,好彩當時落住雨冇咁熱。

真係好有仙氣!個束腰仲令到陳婉衡身材好玲瓏浮凸㖭!

余香凝偷食致分手? 陳家樂含淚認情已逝…

陳家樂
陳家樂

激罕童年照曝光 《深宮計》陳煒 細個勁似㗎妹!

被指毀約欠租、弄壞地板電器?陳展鵬:我有做過,我雙手跛!

前夫拋棄 獨力養大三子女 薛家燕娶新抱:等咗呢一日好耐

【深宮計】童年遭街童欺凌4年 堅強張文慈 靠信仰走出陰霾

張文慈
張文慈

延伸閱讀:

王敏奕 絕種好女兒 14歲開始幫補家計

關注我們Facebook專頁
    相關新聞
      更多瀏覽