事業起飛 多仔吼實 曾國祥倒箍王敏奕
2018年06月16日15:00

26歲乖乖女王敏奕四年前馴服出名爛玩的曾志偉大仔曾國祥,因為夠純又乖巧,更甚得「老爺」曾志偉歡心,對準新抱開晒綠燈,可惜花弗曾國祥拍拖四年仍唔定性,對結婚一直採拖字訣。

不過,風水輪流轉,昔日工作量不多,日日留家等男友收工的王敏奕,近日就憑新劇《飛虎之潛行極戰》上位,事業起飛大量工作撲埋身,更有唔少仔對純情女神吼到實,加上去年與黃宗澤傳緋聞,令曾國祥開始緊張,為箍女友早前更豪租貝沙灣一個千多呎海景單位築愛巢,又經常管接送mark實女友,隔絕異性埋女友身。

撰文:東方新地|圖片:新傳媒圖片庫、王敏奕IG曾國祥IG

延伸閱讀:

長期在內地拍戲 女兒由劉丹照顧|劉愷威給「小糯米」深情的說話⋯

貴氣又青春!張寶兒 有個三億潮媽媽

王敏奕 人氣急升

憑住清純煞食外表,近日在《飛虎之潛行極戰》中演黃宗澤督察女友的王敏奕,因為做飛虎隊員演出夠自然被網民狂讚,成為劇中極受歡迎女角,劇集在內地點擊衝破32億,王敏奕亦人氣急升。以往工作量不多,經常要掛住曾志偉「新抱」之名活躍圈中的她,隨著劇集熱播成功上位,連內地人都開始認識佢,工作接踵而來。

V E N U S ♡(@wongmanyik)分享的貼文 於 PDT 2018 年 6月 月 13 日 上午 6:56 張貼

據知情人士透露:「自從《飛虎》播出之後,好多人都讚Venus (王敏奕) 做女飛虎演技自然又逼真,好多私人活動同埋內地工作都自己搵上門,呢排又要為劇集宣傳,Venus真係忙到無時停,唔似得以前成日要喺度等男友收工, Derek (曾國祥) 以前對佢唔緊張㗎!依家女友紅咗,工作好多,連Derek想約佢都要就時間先得,真係風水輪流轉嘞!」

Some people are just magical ❤️

V E N U S ♡(@wongmanyik)分享的貼文 於 PST 2018 年 3月 月 4 日 上午 5:16 張貼

狂蜂浪蝶獻殷勤

事業起飛,王敏奕身邊亦出現唔少狂蜂浪蝶, 令曾國祥大為緊張。據Venus身邊友人透露,因為之前傳出同曾國祥分手,就有唔少男士趁機攝位想追求Venus:「近期Venus工作多咗,連社交圈子都擴闊埋,工作上成日會接觸到好多事業型嘅男士,身邊多咗唔少狂蜂浪蝶主動向佢獻殷勤,Venus又純又省鏡,呢啲好女仔圈中已經買少見少,啲仔梗係吼實佢啦!」

王敏奕
王敏奕
王敏奕同黃宗澤拍《飛虎》日對夜對又傳過緋聞,近日劇集熱播,兩人日前更一齊應邀到電台做訪問,女友遇上黃宗澤靚仔有型又係情場老手,曾國祥近日亦唔敢再懶懶閒,當日變身柴可夫,親自駕車到電台接女友,睇嚟真係擔心黃宗澤會載埋女友走。
黃宗澤

豪宅氹女友

見女友多仔埋身,大女友12年的曾國祥亦怕貨比貨不敢怠慢,就算唔肯定落嚟落實娶女友,亦不時製造驚喜為求箍住搶手女友,今年初就同女友一齊搬入貝沙灣一個千幾呎的望海單位。

王敏奕
王敏奕
王敏奕同Bosco在電台做完訪問一齊離開,不過踏出電台門口Bosco已急急腳上自己車走人,另一邊的王敏奕,就企在一旁等男友架車到。睇嚟曾國祥人釘人監控真係奏效!有仔想埋女友身都冇咁易。

據知情者透露:「上年Derek大部分時間喺台灣做嘢,掉低女友喺香港,搞到Venus冇晒安全感,兩個仲一度冷戰,Venus搬返去媽咪度住咗一輪,之後同Bosco傳出緋聞,Derek收到風都開始緊張,前排特登陪女友周圍睇樓,揀貝沙灣呢個新竇,就係想畀女友住得舒服啲,嗰度望到海又有會所,活動空間好多,就算做運動都唔使專登去外邊,Derek想女友多啲留喺屋企,仲一得閒就會揸車接送Venus,監控女友嘅行蹤,唔要畀啲狂蜂浪蝶有機會埋到女友身。」

王敏奕
王敏奕
同曾國祥拍拖四年,女方經常甜蜜放閃,近日曾國祥倒箍憑《飛虎》走紅的女友王敏奕,更豪租貝沙灣築愛巢氹女友。

隔絕觀音兵

早前王敏奕接受訪問,就承認近日多咗唔少工作:「上年佢 (指男友曾國祥) 開始忙,自己就比較得閒,反而依家自己多咗好多工作,同佢各有各忙,大家可以一齊搏殺吓先!」事業起飛又青春無敵,王敏奕亦唔再心急想嫁。

當日女友要到電台做訪問,曾國祥就一個人揸車去九龍城孤獨食泰菜,冇見一排成個人吹脹咗走晒樣,之後校啱時間揸車去電台接女友收工。

上月底,王敏奕和黃宗澤一齊到電台做訪問宣傳新劇《飛虎之潛行極戰》,當日不用開工的曾國祥,就一個人揸車到九龍城開餐,食飽再去櫃員機撳錢,之後校啱時間揸車去電台接女友。其實當晚適逢《飛虎》亦搞慶功,王敏奕同黃宗澤都有同場,曾國祥如此緊張,應該係唔想兩個活動中間空檔期畀其他人攝到位,就算當日全程做柴可夫兼跟得男友亦在所不計。

老爺讚口不絕

性格純過蒸餾水的王敏奕,同曾國祥拍拖四年一早入晒屋,更獲未來老爺曾志偉開綠燈,可惜男友花弗性格多年未變,對結婚一直得個拖字。

Happy bday 老爺!Love u!!

D….(@lajah)分享的貼文 於 PDT 2017 年 4月 月 14 日 上午 10:51 張貼

好姊妹愛收兵

同陳瑩、糖妹拍劇變老友,出名係乖乖女的王敏奕,即使眼見好姊妹陳瑩鍾意收兵,仍對曾國祥一條心!未有樣學樣,王敏奕這個絕種好女友真係當之無愧!

王敏奕
王敏奕

V E N U S ♡(@wongmanyik)分享的貼文 於 PDT 2017 年 6月 月 26 日 上午 7:49 張貼

變小粉絲

王敏奕同黃宗澤在《飛虎》演情侶,劇中有唔少親暱場面,入世未深的王敏奕更被情場老手Bosco氹到變成小粉絲,經常在社交網留言大讚對方是個很好的學習對象。

V E N U S ♡(@wongmanyik)分享的貼文 於 PDT 2017 年 8月 月 14 日 上午 3:16 張貼

演戲並非一個人的事,演員靠的是另一位演員,大家不斷交換驚喜,謝謝你🙆‍♀️ @boscomine 超級無敵好的學習對象。

V E N U S ♡(@wongmanyik)分享的貼文 於 PDT 2018 年 6月 月 5 日 下午 11:16 張貼

V E N U S ♡(@wongmanyik)分享的貼文 於 PDT 2018 年 5月 月 29 日 上午 3:46 張貼

V E N U S ♡(@wongmanyik)分享的貼文 於 PST 2017 年 11月 月 13 日 上午 1:39 張貼

V E N U S ♡(@wongmanyik)分享的貼文 於 PDT 2017 年 3月 月 20 日 上午 12:26 張貼

網民大讚美臀又圓又挺!呢位索爆女星做Gym出股惑⋯⋯

做藝人靠樣搵食,所以時刻要保持最佳狀態!做運動、做gym修身都係基本,好似呢位女藝人咁,日前喺其ig上載做gym短片,見佢踎低起身咁做咗三幾下動作,不過一眾網民錯重點,大讚佢「八月十五」又大又圓又挺⋯⋯

股惑
股惑

之唔係26歲嘅最索女飛虎王敏奕 (Venus)囉!日前佢喺其IG上載做gym短片,見佢踎低起身咁做咗三幾下動作,不過一眾網民錯重點,大讚Venus「八月十五」又大又圓又挺⋯⋯

做運動keep fit

佢喺無綫新劇《飛虎之潛行極戰》中飾演唯一一個女飛虎隊員,要上演大量動作戲,巾幗不讓鬚眉,獲讚為「最索女飛虎」,平日Venus都會成日做運動keep fit,偶爾會上載吓啲運動照,真係流汗都咁靚啊!

A post shared by V E N U S ♡ (@wongmanyik)onApr 13, 2017 at 6:45am PDT

舒服晒💦🏋🏻‍♀️

A post shared byV E N U S ♡(@wongmanyik) onApr 19, 2017 at 2:27am PDT

A post shared by V E N U S ♡ (@wongmanyik)onNov 27, 2017 at 6:27am PST

王敏奕事業得意,感情生活都好甜蜜,屋邨出身的她最近升呢與男友進駐三千萬貝沙灣豪宅,早前更被傳媒影到同男友曾國祥煙韌買餸玩煮飯仔。其實佢的確煮餸有一手,平日佢不時上載「作品」,三餸一湯絕對難唔到佢,如果《美女廚房》搵佢做嘉賓表演就啱喇!

A post shared by V E N U S ♡ (@wongmanyik)onJul 20, 2017 at 6:06pm PDT

溫泉蛋日式冷麵、櫻花蝦炒飯都做到!

王敏奕脫貧 演最索女飛虎

TVB播出與邵氏及優酷合拍的《飛虎之潛行極戰》,演員陣容鼎盛,包括有苗僑偉、黃宗澤、吳卓羲、張兆輝及王敏德多位猛男主演,而王敏奕就係飛虎隊唯一一個女隊員。今次王敏奕放下一貫斯文靚女的形象,親身上陣拍攝大量動作場面,叻女!

王敏奕
王敏奕
王敏奕
王敏奕

王敏奕
王敏奕
劇中王敏奕同黃宗澤係一對戀人。
王敏奕
王敏奕
仲有個飛虎爸爸王敏德!

王敏奕 中學做model入行

原來王敏奕中學時已開始入行:「如果part time影相開始計係15、16歲時 (其實係06年14歲時),中間返學都有停吓。之後發展都順利,同埋每年都好似有啲新嘅嘗試、挑戰,由初初part time影相到後來有機會拍電影,拍完之後覺得好開心、好鍾意,我就諗不如試吓用呢個做自己職業,一路用咁嘅心態行,我一路用一個積極準備自己、然後順其自然嘅心態,同埋演員始終比較被動,好多嘢冇得強迫或者強求,只可以不斷備戰,希望機會嚟可以把握到。」

王敏奕
王敏奕
期唔期望同男友曾國祥再合作拍電影?王敏奕表示順其自然:「我識佢之前,睇《飛虎出征》、《機動部隊-絕路》,真係覺得佢係好好嘅演員。

問到入行以嚟,有冇唔開心或者遇到挫折嘅時候?王敏奕答:「當然有,因為演員係好被動,成日喺度等畀人揀嚟用,我同其他演員朋友傾偈分享,大家都有共同問題,就係今次casting冇揀我,係咪因為我唔好呢?但慢慢會學識發現每個角色都有適合嘅人,今次冇揀你唔代表你唔好,只不過你未係最適合嗰個角色嘅人,心理要不斷去調節,好彩我身邊有一班好姊妹,大家都係做演員,大家都明,會互相去扶持。」

王敏奕
王敏奕
王敏奕曾跟男友曾國祥合拍廣告,不抗拒情侶檔工作:「都冇乜所謂,都開心嘅,唔好話男朋友,甚至乎同好朋友做嘢都會特別開心,工作嘅時候,有個熟嘅人喺隔籬,都會覺得特別enjoy、開心。」

試過戶口冇錢

搵唔搵到食?夠唔夠自給自足?王敏奕表示:「自給自足係冇問題嘅,當然有辛苦嘅時候,演戲唔係成日都有得演,同埋演員一開頭都未必搵好多錢,都試過朋友約出街食飯,連搭車出去嗰個地方嘅錢都冇,銀行戶口要有一百蚊先攞到出嚟,但連一百蚊都冇,都有呢個時候,咪留喺屋企囉!」

王敏奕
王敏奕

2010年拍過講援交嘅電影《囡囡》之後,係咪都可以接受一啲大膽嘅題材?王敏奕說:「我覺得演員就係會不斷遇到一啲特別嘅戲,電影就好似dream work、fantasy,亦都可以好貼近社會現實,如果喺一套戲發生,而嗰套戲係需要你,我覺得作為一個演員,唔應該計較太多,暫時都未遇到一個要諗除唔除嘅難題。」

王敏奕
王敏奕
王敏奕認為若需要拍性感戲,身為導演及演員的男朋友曾國祥會能夠理解:「佢拍《七月與安生》都要求個女仔除剩個bra啦!我諗佢作為一個導演都好明白一套戲,有呢啲場口真係需要、值得去露。」

冇收服曾國祥

問佢同男友曾國祥點開始?王敏奕笑言:「我同佢一齊拍過《囡囡》,但拍《囡囡》時,我係唔識佢,因為戲入面唔係同一條線,後來發現原來首映嗰陣一齊影過相,之後喺電影節同拍戲時識佢,再互相了解,覺得佢幾好吖,好自然就開始。」而對於被指收服以往形象花弗嘅曾國祥,王敏奕則說:「我覺得我冇收服佢,佢本身都係一個好乖嘅人!可能係隨住年紀增長settle down。」

王敏奕
王敏奕
王敏奕跟曾國祥感情穩定,經常恩愛出席公開場合。

而講到男友嘅優點,王敏奕就讚不停口:「我覺得佢係一個好有氣質嘅人,哈哈!我欣賞佢有才華、對朋友好好、好有義氣,甚至乎佢有時會話我冇義氣,有時我同佢講:『我約咗人,但我又想陪你喎,咁點?』佢會話:『你唔好咁冇義氣啦!出去啦!』哈哈!佢唔會刻意製造驚喜,但佢覺得我會開心嘅嘢佢就會做。」

Always 💘

V E N U S ♡(@wongmanyik)分享的貼文 於PDT 2018 年 5月 月 20 日 上午 3:57張貼

志偉一視同仁

問到對「未來老爺」曾志偉嘅印象,王敏奕就表示:「係好好嘅一個前輩,對所有後輩都好提攜,係一個好好嘅人、非常值得尊重嘅前輩、老人家。」問佢上過《獎門人》,志偉有冇特別優待佢?王敏奕笑言:「如果你睇番,你都知冇吖,哈哈!佢好識面對所有娛樂圈嘅嘢,基本上佢對所有嘢都一視同仁,唔淨止我,對Derek都係!」

王敏奕
王敏奕
王敏奕同曾志偉合作過電影、電視劇,又是未來新抱,但上《獎門人》節目,未獲「未來老爺」志偉厚待。

對曾寶儀又有咩印象?王敏奕大讚:「佢好犀利,我都有細佬,我都覺得我細佬好buy我啦,但我見到Derek望住佢家姐嗰種仰慕嘅神情,我覺得『嘩!呢個家姐真係犀利!』,佢好叻、好叻,係一個好有才華嘅女仔,我諗佢對Derek嘅影響都好大,好少見佢咁在意一個人嘅comment,Derek成日都講:『我家姐真係好叻!』佢真係好欣賞佢家姐。」

王敏奕
王敏奕
對男友嘅家姐曾寶儀 (右一),王敏奕大讚好叻、好有才華。

清純外表夠煞食

王敏奕今年只係26歲,擁有標緻五官,清純外表夠煞食,14歲時已經做模特兒出道,做模特兒期間拍過唔少廣告。

之後慢慢進軍幕前,近年都拍過唔少電影,不過比較為人認知的應該都係2014年《女人俱樂部》!

經典廣告記唔記得

雖然一向唔係行性感路線,不過王敏奕身材其實相當有睇頭,偶爾一露更吸引!尤其當年嗰張火紅泳衣廣告照,真係睇到小編… 好想買多幾枝!

ARE U READY FOR SUMMER 🌞💕 #sunplay

A post shared by V E N U S ♡ (@wongmanyik) on Jul 6, 2016 at 11:08pm PDT

女神心早有所屬

可惜女神心早有所屬,同曾志偉大仔曾國祥拍拖四年幾,人前人後sweet到爆。雖然近年曾國祥專注在台灣發展,兩口子聚少離多,不過感情穩定,志偉都當佢係新抱仔㗎啦!

演學生妹無得輸

唔少女藝人都演過學生妹,不過唔係人人扮得好,但王敏奕就無得輸啦!去年青春電影《初戀日記:賤男蜜擾》中上映時,王敏奕頻頻喺IG晒學生妹劇照,有啲穿起校服展示pure一面,又着體育衫Show性感長腿,張張都影到好似寫真咁,認真令人流鼻血!

2 more weeks #初戀日記

A post shared by V E N U S ♡ (@wongmanyik) on Feb 5, 2017 at 8:02pm PST

記載我與你 📝#初戀日記 #arloklam

A post shared by V E N U S ♡ (@wongmanyik) on Feb 12, 2017 at 2:49am PST

Believe, good things are on the way ❣️ #初戀日記 📷 by @arloklam

A post shared by V E N U S ♡ (@wongmanyik) on Jan 10, 2017 at 1:50am PST

少女版李麗珍

其實王敏奕早年喺《女人俱樂部》亦有好大發揮,飾演年輕版朱莉(李麗珍飾),劇中都有頻頻穿上校服,仲要係旗袍裙!無論係西裙定旗袍裙,佢都輕易駕馭到!網民都覺得佢有幾份似李麗珍,甚至比李麗珍更加適合朱莉呢個角色。

王敏奕喺08年電影《烈日當空》中演學生妹,當時只係得16歲卜卜脆,著校服超青春!
《DIVA華麗之後》入面都扮過學生妹!

余香凝背陳家樂偷食 連日陪保險才俊過夜

余香凝
余香凝

余香凝偷食致分手? 陳家樂含淚認情已逝…

陳家樂
陳家樂

激罕童年照曝光 《深宮計》陳煒 細個勁似㗎妹!

被指毀約欠租、弄壞地板電器?陳展鵬:我有做過,我雙手跛!

包皮、浩南哥撐細細粒! 黎姿開旗艦店 古惑佬鄭伊健驚喜到賀

前夫拋棄 獨力養大三子女 薛家燕娶新抱:等咗呢一日好耐

【深宮計】童年遭街童欺凌4年 堅強張文慈 靠信仰走出陰霾

張文慈
張文慈

【深宮計】變身太平公主過程曝光|陳煒 自己動手畫花鈿

陳煒
陳煒

《宮心計2》女星激多 邊個古裝look最索?

延伸閱讀:

傳有喜朱麗倩陪出席歌迷聚會 劉德華開腔:我每晚都好努力

關注我們Facebook專頁
    相關新聞
      更多瀏覽