【深宮計】有餡閃嫁富豪 宮女李美慧晒億元遊艇
2018年06月09日12:00

成日都話女人最大幸福,就係能夠嫁個好老公,06年落選港姐,現年31歲的李美慧(ViVi),同56歲富商曾文豪拍拖半年閃嫁,上周日(6月3日)在淺水灣舉行盛大婚禮,正式做曾太成為幸福少奶奶,簽紙一刻ViVi開心到眼濕濕,對老公讚不絕口。

的而且確曾文豪對李美慧呵護備至,結婚前夕,專登為老婆開遊艇派對製造浪漫驚喜,當日李美慧和老公同大班親友上船舉行婚前派對,李美慧大晒老公億元超級遊艇,陀住五個月肚的她,全程表現興奮,粗身大細出海,李美慧著住平底鞋,更由多人護住上船,盡顯富泰闊太派頭。

撰文:東方新地|圖片:新傳媒圖片庫、李美慧IG

延伸閱讀:

永遠的學生情人|46歲劉小慧係咪食咗防腐劑?

宣萱相隔7年再拍古裝 新劇造型霸氣驚艷

李美慧 宮女變闊太

近日在劇集《宮心計2深宮計》飾演「太平公主」陳煒親信宮女一角的李美慧,隨著劇集熱播,亦閃嫁富豪飛上枝頭變鳳凰,令唔少女人趨之若鶩。

李美慧
李美慧

上周日(6月3日)李美慧同富豪曾文豪於淺水灣舉行華麗婚禮,正式成為曾太的她,因為06年選港姐入行,拍過唔少劇集,當日就有唔少TVB藝人同事到賀,男家親友亦個個非富則貴,富商李民橋夫婦以及許晉亨等都有到場祝賀一對新人,場面熱鬧。

李美慧
李美慧
李美慧同老公曾文豪年齡相距 25 年,外形卻非常合襯,穿上婚紗的李美慧,亦未有狂晒行頭,只佩戴一條珍珠頸鏈,一對耳環及手戴結婚鑽戒,相當簡約。

李美慧
李美慧

李美慧
李美慧

李美慧
李美慧

李美慧
李美慧

李美慧
李美慧
周日的淺水灣婚禮,請咗唔少TVB藝人同事出席,當中陳展鵬、楊明、楊卓娜、李綺雯同樂易玲等親自嚟賀新娘子,眾人更開心同一對新人影大合照。
李嘉欣老公許晉亨亦有到賀!
姊妹團的楊珵及郭千瑜向傳媒大晒收到新郎哥畀的成吋厚金牛開門利是,雖然唔係傳聞的兩億,不過出手都好闊綽。
李美慧
李美慧
婚禮前一日,李美慧到1881試婚紗,新娘子全程神采飛揚,陀B的她更加胸前升cup,著上婚紗好有睇頭。
李美慧
李美慧
陀住曾家金叵羅,李美慧當然要小心護胎,化妝換衫一直著住平底鞋,直到影相時才由專人服侍換上高踭鞋。

早融入曾家

雖然拍拖半年就閃婚,但李美慧早已融入曾家,與曾文豪前妻所生的三個女兒曾昭怡、曾昭亮及曾昭令,和老公的孫仔孫女都相處融洽,當日曾家上下到齊分享喜悅,就連曾文豪前妻亦有到場。據知情者透露:「其實ViVi係拍完《深宮計》先喺朋友介紹下認識Peter(曾文豪),咪睇佢哋年齡相差咁遠,佢兩個一啲代溝都冇,性格好夾,Peter好錫ViVi,拍拖冇耐已經同佢求婚,ViVi性格溫柔又善解人意,完全冇『港女』性格,就算依家做咗闊太,婚禮又收到咁多珠寶首飾,佢都仲係崇尚清雅,唔會戴到成身鑽飾金器咁出嚟!Peter就係鍾意佢夠賢淑,覺得呢啲老婆好難得。」

李美慧
李美慧
曾文豪再婚娶李美慧,唔單止三個女兒曾昭怡、曾昭亮及曾昭令到齊,就連前妻亦有出席婚禮。
李美慧
李美慧
李美慧4月同曾文豪到不丹、喜瑪拉雅山影婚紗相,曾文豪受少妻李美慧感染,動作都似是韓國Oppa,同老婆一齊擺心形手勢影合照。

出海游水

陀住五個月B出嫁,雙喜臨門的李美慧在婚禮上就坦言婚禮前一晚瞓唔著。「我希望令到自己攰啲,婚禮前一日出海游水,返到屋企攤上床成晚完全冇瞓過,直到依家都未瞓過,唔知係緊張定興奮,嚟到現場以為好多嘢想講,拎住咪又講唔出,好在有老公。」新婚的她三句唔埋就將老公掛在嘴邊,老公曾文豪非常受落:「我好多嘢想講,但怕overrun!」知道老婆仲有戲癮,婚後亦支持她繼續拍劇,曾搶住話:「佢鍾意做咪做!」令李美慧忍唔住撒嬌:「老公真係好好呀!」幸福喜悅之情掩也掩不住。

李美慧
李美慧
雙喜臨門出嫁,李美慧著起婚紗唔太見肚,但上周六同老公及親友午飯,身穿貼身紅色裙時,五個月肚就相當明顯,不過李美慧陀B陀得非常瀟灑,手腳仍然纖幼,連她自己亦表示陀B以來亦冇乜孕婦作嘔不適,陀得幾舒服!
李美慧
李美慧
在利園同大班親友吃完午飯,李美慧同老公在門前與媽咪及親友傾個不停,似在商量一下行程。

事實上,被老公錫到燶的她,婚禮前夕,就得老公曾文豪安排驚喜遊艇派對慶祝,與大班親友一齊出海狂歡玩足一日,Party更在億元豪華遊艇舉行。上周六(2日)早上李美慧先到尖沙咀試婚紗,試了大半小時,之後由老公專車接載到銅鑼灣利園,會合老公曾文豪後,同大班親友一齊吃過午飯,就浩浩蕩蕩乘車出發到西貢早禾坑碼頭,上船出海開始派對狂歡。

李美慧
李美慧
李美慧同媽咪及兩名親友由司機接到西貢早禾坑碼頭,準備上船前,眾人喺碼頭已好雀躍,不停影相。

七月法國婚宴

當日所見,已經陀B五個月的李美慧,雖然手腳仍然纖幼又冇水腫,但一襲貼身紅色裙已經明顯現肚,腹中BB已經有番咁上下份量。

李美慧
李美慧
上周六( 6月2日 ),李美慧大婚前夕,邀請一班親友坐豪華遊艇出海舉行婚前派對狂歡。話晒粗身大細,李美慧上船時明顯小心翼翼,更有多人前後扶住佢。
李美慧
李美慧
老公係百億富豪曾紀華後人,當日李美慧舉行婚前遊艇派對,載親友出海的遊艇就極其豪華,船身長達103英尺,遊艇底層更有四間主客房,可謂排場十足。

成功娶得美人歸,曾文豪為畀老婆一次難忘婚禮,除了在香港淺水灣豪宅舉行婚禮,請來律師在場進行註冊儀式,讓雙方親友一同證婚,4月曾文豪更同李美慧到了不丹影婚紗相,兩名女兒亦有同行,享受新婚甜蜜浪漫之餘,一 家人更趁機共聚享受溫馨,李美慧早已同曾家上下打成一 片,接著七月一對新人還會到法國尼斯舉行大型婚宴,到時將會宴請過百親友飛當地出席聯歡。而幸福人妻李美慧八月便會停工養胎,準備迎接曾家金叵羅。

李美慧
李美慧
李美慧同媽咪先上遊艇等候老公,未幾,曾文豪就自己駕車到達,帶另一班朋友陸續上遊艇。

四間主客房

城中富豪鍾意晒遊艇,可以話係個人身份象徵,李美慧同老公曾文豪日前出海開P的豪華遊艇Mangusta 105,是意大利遊艇製造商Overmarine旗下Megayacht系列的一款超級遊艇,船身長達103英尺,船闊22.63英尺,遊艇搭載有兩台2400馬力發動機,駕駛船艙寬敞舒適,下層更設有主客4個房間,中層亦有闊落的休閒活動區和用餐區,船尾甲板除了能夠享受到日光浴外,還提供豐富的水上娛樂玩具,令你猶如置身水上世界。遊艇市值約一億港元。

李美慧
李美慧

李美慧 感動爆喊

在較早前的《深宮計》活動中,馬浚偉代表劇組向李美慧送上鮮花恭賀佢即將結婚,仲送上全部演員簽名賀卡,令李美慧即場感動爆喊,馬浚偉更表示:「美慧係個好女仔,喺橫店拍嘢撞見流浪狗,佢會捉佢哋去睇醫生、沖涼,之後又返去睇小狗!」但當一班演員開始玩遊戲時,馬浚偉忽然爆響口:「你粗身大細呀!小心啲!」洩露李美慧雙喜臨門!

李美慧
李美慧

李美慧
李美慧

問到李美慧係咪有喜,佢就話:「唔講得住!」至於婚後係咪要等生完B休息一年先再做嘢?佢話會睇自己到時嘅身體狀況先決定。

李美慧
李美慧
李美慧穿著鬆身衫、平底鞋出席活動,孕味勁濃。

繼女曾昭儀環保轉贈BB衫

而李美慧嘅未來繼女曾昭儀早前出席活動,就直認早知李美慧有喜,亦有心理準備再做家姐,育有一女嘅佢直言會同繼母分享湊女經,以及建議對方食維他命增強營養,更表示:「到時我都會畀啲小朋友衫BB著,床方面都會借畀佢哋,環保啲,唔好浪費!」

李美慧
李美慧
李美慧早前和曾文豪到不丹、喜瑪拉雅山影婚照,曾文豪大女曾昭怡 (右) 和二女曾昭亮都有同行幫忙打點一切,可見跟繼母關係良好。

李美慧 細未婚夫25歲

31歲嘅李美慧正式嫁畀大佢25年、已故百億富豪曾紀華二房長子曾文豪做闊太,喺淺水灣酒店搞結婚派對後,7月會到法國尼斯再擺酒。

李美慧
李美慧

李美慧同老公4月仲去咗不丹、喜馬拉雅山影婚照㖭。李美慧透露同老公係朋友介紹認識,拍咗半年拖左右就決定訂終身。

李美慧
李美慧

李美慧同曾文豪嘅細女曾昭亮同年,曾文豪大女曾昭怡比佢更大一年,睇佢啲相就知一早融入家中,而兩個繼女亦有陪同一齊去不丹影婚照,相信都好接受呢個繼母!

李美慧
李美慧

李美慧
李美慧
李美慧和曾文豪到不丹、喜瑪拉雅山影婚照,曾文豪錫住佢全程坐直升機,而不惜豪花近百萬。

李美慧
李美慧

李美慧
李美慧

李美慧 曾演多套電視劇

現年31歲的李美慧,真名李斯庭,於2006年曾參選港姐,可惜三甲不入。其後加入無綫藝員訓練班,曾做過遊戲節目《一擲千金》的千金小姐,又擔任TVB8主持《娛樂最前綫》,曾參演過多套電視劇,但最為人認識的是於《少年四大名捕》中飾演馬國明的妹妹、《宮心計》等。

李美慧
李美慧
李美慧在《深宮計》飾演太平公主 (陳煒飾) 的近身侍婢秦槐。
李美慧
李美慧
《深宮計》中陳煒中毒吐血,飾演宮女的李美慧全程陪伴在旁。

大讚男方夠成熟

李美慧被問到男方有何吸引之處時,她就指對方是個成熟型暖男,對她及其屋企人亦很好。當時被問到會否生小朋友,她則說:「都會努力造人,男女冇所謂,因為佢都已經有仔女。」

婚後繼續工作

而婚後會否繼續拍劇?她說:「都會客串吓拍劇,同埋做有關動物嘅義工,又會想搞生意但未計劃,到時老公一定會幫手,不過我都會諗清楚先,唔想蝕佢本。」

李美慧會繼續客串拍劇。

渣男周永恒入紙再婚 未婚妻冧爆晒婚照

渣男
渣男

渣男周永恒再婚… 盤點10個世紀賤男

賤男
賤男

懷孕38周再晒孕肚 JC疑似走光

懷孕
懷孕

歎世界Infinity Pool精選!泰國Best 5蘇梅Resort推介+網民評分

【父親節+端午節】為爸爸送上快樂假期!8大抵玩本地酒店推介

【深宮計】何止死6個?起碼死多5個|《深宮計》死亡名單仲有佢哋⋯

【深宮計】變身太平公主過程曝光|陳煒 自己動手畫花鈿

陳煒
陳煒

【深宮計】胡定欣頻現高低眉 |網友:得罪化妝師?

胡定欣
胡定欣

【深宮計】宮女李美慧 被爆大肚趕嫁富商|繼女環保送BB衫

李美慧
李美慧

《宮心計2》女星激多 邊個古裝look最索?

【深宮計】籌百萬醫藥費|張慧儀獨力撫養患病養子

【深宮計】童年遭街童欺凌4年 堅強張文慈 靠信仰走出陰霾

張文慈
張文慈

馬浚偉劇透《深宮計》角色:絕對唔係正義L!

馬浚偉
馬浚偉

【深宮計】羅霖演凍齡大宮女 狂呻拍通頂捱到殘

羅霖
羅霖

馬浚偉入行25年:直覺唔會攞視帝

馬浚偉
馬浚偉

延伸閱讀:

【多圖】TVB 90後新生代女神有樣有身材!盤點10個大台力捧女星

關注我們Facebook專頁
    相關新聞
      更多瀏覽