日本小學校規:著PE衫唔准打底,女生連Bra都唔畀戴!日本媽媽憤怒了!
2018年06月08日14:05

【著PE衫唔准打底】最近,日本媽咪界最具爭議性的話題,莫過於竟然有小學校規係「著PE衫唔准打底」!唔係講笑,亦唔係成人電影內容,而係真有其事,仲要有唔少學校都有呢條校規,究竟係咩原因?

撰文:主場・日本 @新假期 | 圖片來源:網上截圖

延伸閱讀:

【親子好去處】香港教育大學「編程嘉年華」現已接受報名

【親子好去處】香港10大靚景沙灘2018!一級水質+隨時撞到明星!

媽媽Twitter控訴

5月中,有一名媽媽在Twitter說,本來打算買底衫畀讀小五的女兒於學校運動會時穿著,但女兒竟回答說:「反正學校都唔畀著PE衫打底,身邊個個都透曬,著嚟都無意思!」她覺得應該要對學校提出抗議。

小學校規
小學校規
日本媽媽在twitter的控訴,但原post已經不見了!

日本媽咪版#METOO

Twitter一出,當然引起好多人留言,大家都表示唔明係咩原因,當然好多人都好嬲,更有唔少媽咪都留言回應,表示自己女兒間學校都有同樣的校規!有住在東京都內的媽媽說,讀小四的女兒,都有同樣的校規,她覺得有問題,向主任及校長提出,得到的答案係低衫吸汗後,「好易凍親」同埋「汗味好臭」!!!

不少人都無法理解這個校規!

民調:東京、神奈川兩成小學禁打底!

日本的校服及PE衫製造商「菅公学生服」,於去年3月向東京都及神奈川的1,000名小學生的媽媽做了訪問,結果竟然發現,有19.9%的回答是,小學禁止低年級(即小一、二)打底,禁止高年級(即小五、六)打底(連Bra都唔戴得!),都有8.9%!

下圖是有關學校「限制著底衫(包括Bra)」調查所得的數字:

藍色是「沒有特別限制」,粉紅色是「根據不同年級有不同限制」,橙色是「根據不同季節有不同限制」綠色是「不能穿著」。

延伸閱讀:

自助餐優惠 尖沙咀買一送一酒店自助餐!3小時任食生蠔+片皮鴨+燒牛肉

關注我們Facebook專頁
    相關新聞
      更多瀏覽