孫慧雪無懼出血陰影 哂相公開紮肚減肥法
2018年06月08日19:08

上年,「宅男女神」孫慧雪生咗囝囝Riley,之後身形一直保持微胖。早前佢出席活動時,自言表示覺得自己身型大隻咗好多。最近,孫慧雪於個人社交網上載幾張自拍照,公開自己嘗試以產後紮肚減肥法修身,同時透露自己之前發生過的小意外。

撰文:東方新地|圖片:孫慧雪instagram (原文刊於:東方新地

延伸閱讀:

【親子好去處】香港教育大學「編程嘉年華」現已接受報名

【親子好去處】赤柱 | 赤柱正灘泳灘 (加慢活赤柱遊)

孫慧雪公開紮肚減肥法

近日,孫慧雪決心修身,嘗試以產後紮肚減肥法,一改生完B後嘅微胖身型,並於個人社交網po出多張自拍照,見佢著上非常貼身嘅紮肚帶,紮到連腰位都出番嚟。

#雪子紥肚日誌 Day1 好多人問我有無紮肚? 我之前生咗3個月時紮過, 但可能個人體質問題, 或者子宮傷口太大 (因為我係剖腹產兼生大碼B) 所以產後三個月紮到第3日, 就子宮出血,於是無再紮! 原本以為紮肚要生之後立即紮先有用,原來同我同一日生bb嘅Icy黃婉曼都係生完八九個月先紮,佢話效果好好,就介紹咗Flora俾我,話可以幫到我! 所以今日就開始咗第一日嘅紮肚啦! 紥肚前仲做咗「臍燭」去肚風, 好舒服呀! Flora話我肚中間嘅肌肉分離咗3個手指位! 因為陀b時肚太大! 而家希望幫我紮返細個骨架! 原來生咗十年一樣可以做到! 我今日嘅感覺,真係好似Flora講嘅咁,有㧜牙嘅感覺,盤骨少少淵嘅感覺!今日先係第一日! 加油加油💪🏻💪🏻

A post shared by Snow Suen (@snow711) on Jun 5, 2018 at 10:53pm PDT

曾因產後紮肚發生意外

孫慧雪更留言指自己之前都試過產後紮肚,卻因為過程中發生意外而停止:「我之前生咗3個月時紮過,但可能個人體質問題,或者子宮傷口太大(因為我係剖腹產兼生大碼B),所以產後三個月紮到第3日,就子宮出血,於是無再紮!」,聽到都驚驚。

孫慧雪
孫慧雪

佢更表示,希望呢個紮肚減肥法可以有助佢紮返細個骨架,更笑指可能因為第一日紮,所以有㧜牙嘅感覺。

孫慧雪
孫慧雪

而今日係佢第二日紮肚,孫慧雪就喺網上發文透露:「今日幫我再紮緊啲,幫我紥埋胸骨,你哋睇下,著咗條褲上去,都唔擁腫,因為堅緊!!」,真係隔住個mon都感覺到有幾緊!

佢仲話:「今日落咁大雨都照去,即刻覺得自己有為減肥付出!大大減低咗平時貪吃嘅罪咎感。」,照咁睇,佢今次真係好有決心堅持要成功瘦身。

孫慧雪
孫慧雪

上年宣布懷孕

上年二月,阿雪正式宣布懷孕,而預產期則為八月中。陀B期間阿雪不時喺社交網站分享其懷孕歷程,見到佢個肚一日比一日大,誇張到有成43吋腰,一度令人懷疑係咪佗雙胞胎!

孫慧雪
孫慧雪

孫慧雪
孫慧雪

懷孕時的女人最美

所謂懷孕時的女人最美,所以阿雪都拍攝了一輯以花為主題的孕照留念,相片由好友兼名設計師Lilian Kan(簡幗儀) 操刀!阿雪本身就好鍾意花,所以對呢輯寫真十分滿意。即使孕照要性感露肚,老公都冇詐型!

誕8磅10囝囝

剛剛阿雪就喺FB上載與B仔Riley的合照,見到身在產房的阿雪媽媽精神不俗,雙手緊抱着張大開口喊的囝囝,而另外兩張相就係B仔的獨照,面圓圓非常可愛!

可愛B仔好大食

據知,由於B仔體形太大,所以阿雪最後聽從醫生建議改為開刀。另外,佢曾透露B仔同爸爸餅印一樣,身長頭大,而且仲好大食,要成日餵佢搞到冇覺好瞓!

話咁快,佢個囝囝都就嚟一歲大,唔知佢哋兩公婆會點同囝囝Riley慶祝一歲生日呢?

嘩!我終於搵到我嘅白馬王子啦😍

A post shared by Snow Suen (@snow711) on May 22, 2018 at 10:43pm PDT

阿B,你大個都要keep住咁搞笑呀!

A post shared by Snow Suen (@snow711) on Jun 3, 2018 at 3:11am PDT

延伸閱讀:

【親子好去處】香港10大靚景沙灘2018!一級水質+隨時撞到明星!

關注我們Facebook專頁
    相關新聞
      更多瀏覽