裝修佬話你知 : 如何消除白蟻?
2018年06月07日20:33

白蟻嘅繁殖能力強,佢地成群結黨,情況嚴重嘅話數量會有成千上萬隻。白蟻排出嘅酸性物質具有強腐蝕性,尤其對木傢俱、木地板、牆身造成極大嘅損壞,破壞性大,所以屋企要做好白蟻防治工作。而防治工作無論係你裝修前或裝修後都需要做好,咁究竟白蟻應該點防治、消滅呢?裝修佬話你知。

0
0

白蟻怕光,一般停留陰暗地方,活動隱蔽,等明顯發現嘅時候,可能已經侵蝕傢俱、地板等一段時間了,所以一定要及時檢查,特別係屋企多木製品嘅朋友。一般新樓無白蟻危害,白蟻入屋為害及築巢,主要通過白蟻係土中築路爬入室內同有翅繁殖蟻飛入室內築巢為害。

預防家白蟻入屋為害,主要係對其蔓延途徑採取針對性嘅措施。白蟻成熟巢群,每年4月份會進行分群擴散,特別係天氣悶熱嘅黃昏時段19:00~21:00,飛蟻會向有燈光處聚集,侵入室內,進行雌雄配對,尋找適宜嘅空隙建築蟻巢。所以係白蟻分群季節前就做好防止飛蟻進入室內工作。

(1)發現有飛蟻進入室內時應立即關好門窗,熄咗有引誘作用嘅大燈(日光燈、光度大嘅燈),減少飛蟻進入室內;

(2)如發現有少量飛蟻進入室內,可將一盤水放係燈下,待飛蟻跌入水中浸死,或者用噴霧藥劑如黑旋風、殺祂死、雷達等。

0
0

咁究竟要點樣知道自己屋企有無白蟻呢?

1.睇。睇下房屋木製品有無白蟻蛀蝕痕跡,睇木件或牆身有無塊狀、帶狀嘅泥土。觀察蟻路、分飛孔、透氣孔、排泄物等白蟻活動外露跡象,對容易滋生白蟻嘅地方重點檢查(如:廚房、廁所、不通風陰暗潮濕地方),被白蟻危害嘅木質材料表面常發黑或呈水漬狀,與周圍正常情況形成較明顯差異。

2.聽聲。用工具敲白蟻可能危害嘅木柱、木梁、樓板、門窗框等部位,如能聽到空洞聲,有可能係白蟻危害蛀蝕過嘅部位。

3.試探。試探地板是否有彈性、下降現象,若果有代表可能有白蟻危害。

4.撬開。撬開地板或其他木質部位,檢查有無白蟻。

0
0

白蟻防治方法應裝修前進行,如果裝修後,白蟻會「寄生」係磚木結構中,從而形成隱患。

1、裝修前,要將現場嘅所有食料全部清除乾淨,這樣能間接地消滅白蟻。

2、裝修施工之前,可以噴灑化學藥物來消滅寄生在牆身、地基嘅白蟻。

3、在裝修前將木結構中塗刷殺滅白蟻藥物,亦可以進行60度以上嘅高溫處理,以切斷白蟻線路。

4、室內室外保持清潔,切勿長期棄置紙張、木質材料、破舊衣服等物品,會俾白蟻有機可乘。  

(文:裝修華)

(以上圖片均來自網路,如有任何版權問題,請與本站聯絡)

原文連結:

裝修佬話你知 : 如何消除白蟻?

相關文章:

【裝修知識】裝修經驗知多啲

裝修佬

致力於令香港沒有麻煩/爛尾的裝修。為實現這個使命,全體裝修佬成員不斷努力,推動裝修、建材、家居市場的規範化,改變著數千萬家庭的裝修方式和置家理念,為用戶創造卓越的互聯網裝修體驗。

關注我們Facebook專頁
    相關新聞
      更多瀏覽