第三度任婚照代言 江若琳 孖真老公做拍檔
2018年06月06日12:37

江若琳將於今年12月23日與「生煎包王」蕭潤邦(Oscar)結婚,日前她以婚紗店代言人身份拍攝婚紗相,而拍檔正是未婚夫,原來Elanne曾同王浩信、蕭正楠影過廣告婚紗相,連埋拍戲,大大話話着過十幾次婚紗,以前冇乜感覺,但依家拍檔係未來老公,令佢覺得感動又開心!

撰文:東方新地 |圖片:新傳媒圖片,江若琳IG

延伸閱讀:

Heidi被嘲胸似背脊… 神回應自抽獲讚EQ高!

楊證樺沈可欣公開超聲波相 二人感恩喜獲第二胎

第三度任婚照代言 江若琳 孖真老公做拍檔

江若琳第3度為婚紗店代言,以往的拍檔是王浩信和蕭正楠,今次終於由真命天子蕭潤邦(Oscar)成為拍檔,難怪Elanne份外興奮。Elanne說:「入行多年,拍戲、廣告,其實我都穿過10多次婚紗,以前沒有什麼感覺,只覺得是戲服一件,今次拍檔是未來老公,終於覺得原來著住件婚紗都幾感動,以及會好期待睇相。」

我只不過是江若琳❣️(@elannek930)分享的貼文 於 PDT 2018 年 6月 月 4 日 下午 11:12 張貼

江若琳
江若琳

今次拍攝地點在香港,問到Elanne和Oscar之後仲會否去外國再影婚紗相?二人話一定會:「我們喜歡去旅行,所以今年每去一個地方,都會影相,有些好生活化、有些好正式,想有多些不同照片留念。」

江若琳 由細到大似白紙

30歲江若琳入行近11年,問佢覺得自己發展點?佢話:「我覺得OK,幾滿意,可能大家眼中覺得好坎坷,成日都起起跌跌,但我又覺得都算幾好,同埋我覺得個天要我經歷咁多嘢,可能係因為我由細到大太似一張白紙,唔知呢個世途係點,如果唔係我呢十年間遇到咁多嘢,我唔會咁快去成 長、咁知足。我依家係好知足、好隨遇而安,如果我嘅路一路順暢,我可能有更好嘅發展,但我唔會開心,因為唔係我覺得好快樂嘅生活模式。」

江若琳
江若琳
江若琳直言星座是天秤座,追求公平,對不平事特別看不過眼。

講到同前經理人公司嘅合約官司,江若琳表示:「仲未了結,都keep住處理緊。因為我係處於被告嘅狀態,我係好被動嘅一方,互交緊啲文件,你都知司法程序好漫長。都使咗幾多錢嘅,無辦法啦,佢要嚟嘅,仲可以頂咪繼續頂落去,依家我仲可以有呢個魄力去頂得住,可能佢成為我嘅動力㖭,要處理呢件事,咪努力啲做嘢。」蕭潤邦補充:「但冇影響佢繼續行嘅路或者我哋要結婚、生仔。」江若琳續說:「工作一路都好正常,好多謝客戶朋友一路畀好多工作機會我,可以繼續做我鍾意做嘅嘢。」

江若琳
江若琳
跟前經理人公司的官司糾紛仍處於提交文件狀態,江若琳稱:「就好似我生活裡面嘅一部分。」

開到佢本身係咪睇得開嘅人?江若琳苦笑謂:「唔係呀,係訓練出嚟,我絕對唔係睇得開嘅人,所以我曾經有段時間病得好緊要,突然間啲衝擊湧埋嚟,我擋都擋唔切。我未遇到佢(蕭潤邦)或者未經歷咁多嘢之前,我係唔開心,原來我係好強迫去話畀自己聽我 係好堅強、好硬淨,可以頂得住所有嘅風浪,但我其實係好脆弱、好冇安全感嘅人。」

江若琳
江若琳
對於多年前傳媒對她的不實報道,江若琳直言:「都覺得幾冤枉!」

拒絕妥協

江若琳直言:「有律師團隊問過我,點解我遇到咁多嘢都唔放棄,我話就係因為我遇到咁多唔公平嘅嘢,我更加唔想放棄,因為我要證明畀所有睇錯我嘅人,話畀佢哋聽,你哋曾經睇錯我,如果我默默咁離開,咪即係對咁唔公平嘅世界妥協囉。我係比較硬頸嘅,都幾戇居。」

江若琳
江若琳

江若琳又剖白過去面對負面新聞時嘅感受:「每一次嘅新聞都係封面、大大鑊,完全瞓唔到,每日等天光等啲報紙、雜誌出,最慘畀人屈,出到嚟又唔喊得,因為公司會叫唔好喊、唔好講錯嘢,每日都好似驚弓之鳥,依家點解咁開心,因為我鍾意講乜就講乜。」

江若琳
江若琳
江若琳出道以來曾多次被影到走光相。

講到有次記者喺塊鏡影到佢走光,上晒即時新聞,原來對江若琳嚟講只係好小事:「我畀人影咗走光係唔開心,但對於我嚟講已經係好小事,因為佢未至於破壞我嘅人格或者聲譽,我係好有原則同底線嘅人,我試過有啲封面一張相都冇、生安白造,畀人監生砌生豬肉,我試過問個記者點解咁寫,佢話因為個故事好睇, 純粹為賣書。」

江若琳
江若琳

蕭潤邦 望生意發展快過加租

蕭潤邦離開咗娛樂圈後,同期出道嘅周柏豪、陳柏宇都發展理想,問佢有咩感覺?佢話:「最緊要搵到自己開心嘅路,我覺得飲食好適合我,同埋千祈唔好比較,因為你永遠唔會見到人哋嘅努力,好似我依家有員工問『點解佢成日唔做嘢,你升佢?』我覺得唔需要去監管人做得好定唔好,最緊要做好自己,人生一定有好多機會。」

江若琳
江若琳
蕭潤邦直言喺娛樂圈嘅日子,主要都係捱窮:「我出身慈雲山,唔富裕但好開心,我喺娛樂圈嘅窮,係買唔到物質上嘅嘢,食飯係應付到,所以嗰段時間我開心,最開心係識到一班friend。」

講到點解做飲食?蕭潤邦答:「我阿爸以前做廠,所以我一路都想做生意,做完歌手嗰段時間,我去咗上海,做模特兒工作,我以為自己好高,但去到上海casting,發現我係最瘦最矮嗰個,我就諗咁落去都係死路一條,開始留意有冇乜嘢可以帶返香港做,我住嘅地方樓下賣緊生煎包,我每日落去食,我問自己點解咁鍾意食,原來香港冇咁嘅形式賣生煎包,嗰時冇乜錢,喺旺角搵咗個一百呎嘅地方做立食,所以我成日都講,上海畀咗兩樣嘢我,一個係生煎包,一個就係佢。」

江若琳
江若琳
對謝安琪入股生煎包生意,蕭潤邦表示:「我一入行就識佢哋兩公婆,可以話一齊長大,成日都互相勉勵,所以叫佢哋一齊玩吓。」

問佢事業有咩展望?蕭潤邦表示:「其實每個做飲食或者零售嘅人,得同一個方向,就係掙扎,除非買咗個舖,否則發展、生意永遠主宰喺個租金度,如果墨守成規做三、五年,佢一加租,間舖就執得嘞,所以我希望我嘅發展快過加租,就可以避過租金嘅災難。」

江若琳
江若琳
蕭潤邦指:「娛樂圈令我識到一班好朋友,亦都令我學識表達自己,幫到我做生意。依家建立咗工場,希望可以繼續行遠啲。

睇翻江若琳初出道07年曾推出寫真集《Paradise Of Colour》。

江若琳
江若琳

江若琳
江若琳

當時的江若琳20歲未滿,真係又pure又true!

江若琳
江若琳
江若琳
江若琳

江若琳 親力親為宣傳

去年四月至公開戀情,發po表示「找到對的人」,江若琳同生煎皇發展迅速,今年1月選擇在Oscar生日當日公布埋婚訊,又鐵定今年12月23日在紅磡筵開40席舉行盛大婚禮。雖然仲係未婚夫妻身份,不過江若琳呢個「生煎皇后」身份已經走都走唔甩,兩口子今年初開始籌備的中式麵店4月26日(上周四)正式開張,店名仲打正旗號叫「堅信號正宗上海生煎皇后麵館」,換言之有生煎皇子之稱的Oscar打埋本又出動埋金漆招牌力撐江若琳做皇后!

江若琳
江若琳
今年12月23日將會註冊擺酒的江若琳未結婚先做「皇后」,麵店上周四在深水埗開幕,據悉麵店由Oscar出主意兼打本,話想江若琳除咗幕前工作留多條後路。
江若琳
江若琳
新店開張當日除了同期出道兼伴娘人選Hotcha、JW外,還有識食之人信心保證李家鼎鼎爺及盧覓雪。
江若琳
江若琳
本來已經多圈中人撐的Oscar如今又多了未婚妻號召力,新店開張好多老友到賀,包括產後復出fit到漏的謝安琪。
江若琳
江若琳
新店試業一星期,已經日日有圈中朋友幫襯試食,上周四(4月26日)正式開張,男神王宗堯亦親身出席造勢。

江若琳
江若琳
江若琳
江若琳

Oscar:打本如買戲飛!

據悉Oscar生意愈做愈大,又一向性格大男人,無論開新舖定結婚,Oscar都堅持包辦全部使費。Oscar接受本刊電話訪問時就謙虛表示同江若琳無分彼此:「就好似情侶去買飛睇戲一樣,唔通要計邊個負責買飛咩?我哋都就嚟結婚係一家人,唔係咁計囉!最重要係佢做呢間舖唔係講玩,真係全心全意參與飲食生意。至於結婚,我覺得中國人傳統社會都係咁,男人負責搵場地,女人會包辦細節,最緊要真係畀到佢一個夢想婚禮。大家都係唔好太集中講錢!」

江若琳
江若琳
雖然出錢出橋都係Oscar,不過店舖招牌就打正旗號係「皇后」、連麵店掛牆大海報同廣告宣傳都用「皇后」江若琳做生招牌。
江若琳
江若琳
至於店舖宣傳相同菜單設計,江若琳就算同時兼顧拍劇同登台,一樣親自跟場監工。
江若琳
江若琳
開過八間舖,經驗豐富的Oscar全程監工出主意,不過店內裝修細至揀地磚同餐具,都交畀未來老婆江若琳話晒事。
江若琳
江若琳
第一次做老闆,Oscar覺得江若琳盡心盡力唔係玩玩吓,仲特登搵埋爺爺親筆贈墨寶掛喺舖頭當眼處。
江若琳
江若琳
去年四月公開戀情以來不停放閃,早前籌備新店江若琳同蕭潤邦再次將放閃行動升級,Oscar更在宣傳片中突然掩住下體,疑似激凸。

放閃升級

現時要拍戲、登台又要兼顧新舖,未婚妻忙到無暇分身,Oscar話見到都心痛:「見佢咁辛苦,有時要出門登台,我都盡量放低生意想陪喺佢身邊。佢對我嚟講係一個小朋友,出遠門會擔心,見到佢以前好似鐵漢咁好危險嘅工作都接都會肉赤,我哋都鍾意小朋友,結婚後就真係攞正牌造人,都叫咗佢危險嘢、要去太遠時間同太長嘅工作婚後都唔好接!」簡單嚟講,即係唔使做等老公養啦!

江若琳
江若琳
今年1月公開求婚成功後,兩口子全速開始籌備新店和婚禮,Oscar亦話不惜工本要為江若琳打造夢想婚禮。
江若琳
江若琳
蕭潤邦表示希望結婚後對方可以少操勞:「我哋都鍾意小朋友,結完婚就攞正牌可以造人。」

近日江若琳仲同蕭潤邦飛到馬爾代夫預支蜜月。

江若琳
江若琳
江若琳
江若琳

兩人仲喺各自IG不停花式放閃!

江若琳
江若琳

江若琳
江若琳

渣男周永恒入紙再婚 未婚妻冧爆晒婚照

渣男
渣男

渣男周永恒再婚… 盤點10個世紀賤男

賤男
賤男

懷孕38周再晒孕肚 JC疑似走光

懷孕
懷孕

歎世界Infinity Pool精選!泰國Best 5蘇梅Resort推介+網民評分

【父親節+端午節】為爸爸送上快樂假期!8大抵玩本地酒店推介

【深宮計】何止死6個?起碼死多5個|《深宮計》死亡名單仲有佢哋⋯

【深宮計】變身太平公主過程曝光|陳煒 自己動手畫花鈿

陳煒
陳煒

【深宮計】胡定欣頻現高低眉 |網友:得罪化妝師?

胡定欣
胡定欣

【深宮計】宮女李美慧 被爆大肚趕嫁富商|繼女環保送BB衫

李美慧
李美慧

《宮心計2》女星激多 邊個古裝look最索?

【深宮計】籌百萬醫藥費|張慧儀獨力撫養患病養子

【深宮計】童年遭街童欺凌4年 堅強張文慈 靠信仰走出陰霾

張文慈
張文慈

馬浚偉劇透《深宮計》角色:絕對唔係正義L!

馬浚偉
馬浚偉

【深宮計】羅霖演凍齡大宮女 狂呻拍通頂捱到殘

羅霖
羅霖

馬浚偉入行25年:直覺唔會攞視帝

馬浚偉
馬浚偉

延伸閱讀:

【港姐2018】盤點歷屆13位高學歷港姐

關注我們Facebook專頁
    相關新聞
      更多瀏覽