周永恒入紙再婚 未婚妻冧爆晒婚照
2018年06月05日19:27

34歲周永恒 (Roy) 藏毒家暴外遇乜都衰過,被網民封爲渣男,佢自己亦自認係人渣,不過渣男依然有女吼,近日仲入紙申請結婚㖭!周永恒日前在網上被曝出一張「擬結婚通知書」,女方係細佢兩歲嘅內地女友陳𦾡 (Britni),雖然周永恒過往劣績斑斑,但未婚妻仍對佢痴心一片,喺即將結婚嘅消息曝光後,即晒出甜蜜婚照放閃護「夫」!

原文:東方新地|圖片:新傳媒圖片庫、周永恒FB陳𦾡IG

延伸閱讀:

【親子好去處】帶著小B去旅行 澳門百老匯地道文化美食節

【親子好去處】赤柱 | 赤柱正灘泳灘 (加慢活赤柱遊)

渣男Roy 歌詞寄意

Roy去年底同前妻趙頌茹(Yu)正式辦好離婚手續,半年後就入紙申請再婚,未婚妻陳薇在婚事曝光後,即上載與Roy嘅婚紗照,相中佢從後攬住Roy,甜蜜表示:「可能我揀咗一條最艱辛嘅路,但無論如何我都會喺你身邊支持你,陪住你行落去。」

渣男
渣男

而Roy則貼上陳奕迅〈任我行〉部分歌詞:「曾迷途才怕追不上滿街趕路人/無人理睬如何求生/頑童大了沒那麼笨/可以聚腳於康莊旅途然後同沐浴溫泉/為何在雨傘外獨行」。

天水圍同居

兩人在上月底入紙「擬結婚通知書」中,所報地址為天水圍同一屋苑住所,Britni接受訪問時力撐Roy有才華,為人亦唔係咁壞:「其實係咪唔好將一個人曾經嘅錯誤繼續放大同標籤繼續打擊佢呢?畢竟佢真係有改變咗好多,成年人嘅問題有時真係兩個人先知,放過佢,畀多啲空間佢啦!」

矮兩個頭

據知兩人拍拖已有一年多,女方現年32歲,比周永恒矮足兩個頭。

渣男
渣男

曾偷食打老婆

自認係人渣嘅世紀賤男周永恒(Roy)與趙頌茹(Yu)結婚不過4年,育有2個女兒,但2014年突爆婚外情,事緣阿Yu揭發人渣偷食,小三正是Roy模特兒公司拍檔、港視小花劉依靜(Ruby),同時二人情慾短片流出,Roy自此被封為世紀賤男。

0
0

渣男
渣男
劉依靜(Ruby)

躁底周永恒更一度動粗,出手打阿Yu,令她下巴及面部受傷須送院縫針,更登阿Yu娘家家門,吐口水及用粗口辱罵外父外母,並以WhatsApp恐嚇殺死妻女及自殺,涉嫌刑事恐嚇被拘捕,最後法庭裁定普通襲擊罪成。

渣男
渣男

2015年底Roy同小三Ruby奸情玩完,随即搭上嫩模周芷儀,前年又暗撻新晉女子組合O.m.G成員黃芊詠(Cherie)。

渣男
渣男

嬲到爆粗

Roy偷食打老婆恐嚇咩都做齊,前年上ViuTV節目時疑不滿兩位女士不斷提及佢打老婆同有外遇等事,更嬲到爆粗起身走人!

渣男
渣男

延伸閱讀:

擊退春困! 4款簡易祛濕燜燒杯湯水食譜

關注我們Facebook專頁
    相關新聞
      更多瀏覽