幫一歲女舖路 梁烈唯mark實陳敏之富貴仔
2018年06月02日16:21

新劇《飛虎之潛行極戰》上周於無綫推出,香港觀眾啱啱至追到第十集,其實內地早已播晒成套、點擊超過30億,破晒港劇紀錄,亦都成功捧到你估都估唔到嘅大配角梁烈唯上位,讚佢奸到出汁、笑聲又魔性喎!

有網民開始識欣賞,即係話唯唯梁烈唯終於捱到內地觀眾叫得出名,好快拍戲、登台邀約排住隊搵上門。事業嶄露曙光又未開始忙住,呢個時候最好梗係把握機會親子陪吓老婆陪吓女!日前記者發現唯唯兩公婆齊齊出動陪囡囡上playgroup,仲約埋陳敏之一家聯誼順手對定親家!

撰文:東方新地 │圖片:新傳媒圖片、陳敏之IG

延伸閱讀:

結婚20周年豪一次 劉青雲百萬波子冧郭藹明

圓桶身形 譚詠麟為演唱會keep fat

幫一歲女舖路 梁烈唯mark實陳敏之富貴仔

出道19年、40歲都嚟緊,梁烈唯雖然電視劇長拍長有,不過長期徘徊三線頭二線尾半紅不黑。事業唔見起色,好彩唯唯人緣好朋友多,最緊要係有眼光,平時群埋踢波吹水飯聚個個唔係上晒神枱曾志偉就係當家花旦胡定欣,所以輕易埋到明星足球隊同胡說八道會班。又係上世修來,有個識於微時老婆Tina曾經做過應采兒、陳敏之助手,所以結婚現場星光熠熠,唯唯亦融入老婆朋友堆,再次擴大朋友圈。

梁烈唯
梁烈唯
由未結婚到各自做埋父母,梁烈唯同陳敏之呢對契姊弟感情要好,兩pair人不時約埋聯誼。
梁烈唯
梁烈唯
陳敏之、應采兒一出道就與 Tina結識,Tina亦先後做過二人助手,十多年交情情如姐妹。

3萬8入會貴族遊樂

咁啱得咁蹺,陳敏之同Tina相差一個月陀B、一個生仔一個生女,年紀相近順理成章成為玩伴。月初,家住深井的梁烈唯同老婆Tina卻帶埋囡囡現身淺水灣,原來約了陳敏之夫妻及17個月大囝囝雷子樂齊齊去開業兩年的私人會所玩playgroup。

仔女出世後年紀相近自然成為玩伴,敏之次次發表二人合照,都 hashtag「兩小無猜」,仲話希望 兩個BB長大後可以一齊蒲!

梁烈唯
梁烈唯
日前陳敏之一家浩浩蕩蕩出發淺水灣享受貴族幼兒會所服務,順手帶埋梁烈唯、Tina及囡囡彤彤一齊family day。
敏之輕輕鬆鬆上保姆車,囝囝有家傭、長輩同私人司機照顧,Tina就自己抱住寶貝囡囡,與好友道別後自己取車離開。

據悉該會所入會費38,000起錶、每月月費則近二千,最矜貴嗰樣都係只限5歲以下兒童入會,父母、工人都係要靠BB帶入場玩。兩家人加上外籍工人及親屬一行八人又玩又食足足三粒鐘、又上埋親子烹飪班才意猶未盡離開。

梁烈唯
梁烈唯
玩就一齊玩,不過離場就見到排場有距離,陳敏之一家在會所門外由私人司機接上車,唯唯一家只能目送離開。

送契姐一家上車

兩家人道別時,陳敏之有私人司機代勞揸架車到會所門前再殷勤跑落車幫手抱埋敏之囝囝子樂上車,唯唯一家就自己步行到停車場攞車,身家、排場高下立見。

梁烈唯
梁烈唯

唯唯一家頂住烈日行去停車場取車,呢邊廂少爺仔子樂已經由司機抱上車歎緊冷氣。

難得敏之當正Tina親妹一樣、又視唯唯如妹夫,有得玩有得食實預埋唯唯一家,更當正對親家一樣指子樂、彤彤係「青梅竹馬」。呢啲富貴親家,唯唯梗要mark到實啦!

梁烈唯
梁烈唯
老婆抱住囡囡行先,唯唯就送完契家姐敏之一家上車,自己才一個人行去停車場會合老婆。

有人照

口甜舌滑加上飯聚酒局逢叫必到,唯唯加入明星足球隊後跟志偉甚為老友,無論公私大小事,一定預埋唯唯一份!

父親梁家禮係武打片演員、親伯父梁家仁就係一代打星,所以梁烈唯入行後不少人看在爸爸和伯父份上對唯唯特別照顧。

馬浚偉劇透《深宮計》角色:絕對唔係正義L!

馬浚偉
馬浚偉

馬浚偉入行25年:直覺唔會攞視帝

馬浚偉
馬浚偉

馬浚偉談感情狀況:結婚唔會隱瞞!

馬浚偉
馬浚偉

羅霖《深宮計》演凍齡大宮女 狂呻拍通頂捱到殘

羅霖
羅霖

《深宮計》孭重飛|胡定欣苦等14年 終成兩屆視后

胡定欣
胡定欣

【深宮計】童年遭街童欺凌4年 堅強張文慈 靠信仰走出陰霾

張文慈
張文慈

延伸閱讀:

湯洛雯索妹湯樂瑤 IG有問必答

關注我們Facebook專頁
    相關新聞
      更多瀏覽