張繼聰賣口乖高調放閃 三重高招冧謝安琪
2018年06月01日08:32

張繼聰謝安琪(Kay) 雖然係老夫老妻,又已經有一對仔女,不過仍然經常喺各大社交平台放閃,網民成日硬食閃光彈!最近佢哋兩夫婦去旅行,張繼聰亦冇辜負大家嘅期望,繼續放閃之餘,仲賣足口乖冧老婆添!

撰文:Sunday Kiss | 圖片:張繼聰@IG

延伸閱讀:

同王浩信再傳婚變 陳自瑤IG留言:最大的放生是放過自己…

雞排妹背心晒玉背 手中握住肉色圓柱條…

張繼聰賣口乖高調放閃 三重高招冧謝安琪

張繼聰同謝安琪日前出發去旅行,張繼聰就喺IG貼出兩張單人相。第一張係張繼聰係餐廳望住外面嘅相,但焦點唔知點解對咗喺杯咖啡度,張繼聰就留言話「好嘅攝影師可以捕捉倒一個人嘅俊朗。」完全唔介意老婆冇將焦點擺喺佢度,仲要讚謝安琪係好攝影師,此為冧老婆招式一。

好嘅攝影師可以捕捉倒一個人嘅俊朗🍃

A post shared by 張繼聰 Louis (@louischeung2013) on May 29, 2018 at 9:44pm PDT

自己老婆自己撐

連好友阿Sa都取笑話「佢好似係影緊杯咖啡。」張繼聰抵死回覆「有啲人係就算喺後面都突出。」一方面讚自己,一方面為謝安琪攝影技術護航,自己老婆自己撐,此為冧老婆招式二。

張繼聰賣口乖高調放閃 三重高招冧謝安琪
張繼聰賣口乖高調放閃 三重高招冧謝安琪

讚老婆又讚自己

隨後,阿聰又po咗第二張相,只見老婆謝安琪好享受咁伏喺泳池邊。張繼聰留言話「好嘅模特兒係會顯得個攝影師勁咗,不過留意番,我係有影功嘅。」大讚老婆點影都靚,係好模特兒之餘,都不忘暗讚自己有攝影技術,此為冧老婆招式三。

母親節母親們負責快樂❤️!其他嘢我頂哂😏👌

A post shared by 張繼聰 Louis (@louischeung2013) on May 12, 2018 at 4:55am PDT

短短幾句全部都離不開稱讚謝安琪,真係閃死人喇!老婆實冧死,各位老公學下嘢喇!

大家都知張生張太喺社交網站好活躍,一係放閃一係打情罵俏,真係好鬼sweet~

張繼聰教路「佛系接老婆」 轉頭即激嬲謝安琪

日前,廿四孝老公張繼聰深夜渣車接老婆kay收工,就喺阿聰無聊係車等老婆嘅時候,佢又突發奇想,發文教路「佛系接老婆」方法。阿聰上載了一張自拍照,並留言:「《佛系接老婆》唔好問仲要等幾耐, 自己唔好望錶 ,儘量保持發呆,唔好急,如果緣份到了,老婆就會自然出現…」

張繼聰教路「佛系接老婆」 轉頭即激嬲謝安琪
張繼聰教路「佛系接老婆」 轉頭即激嬲謝安琪

誰知轉頭就畀老婆發現,阿Kay仲留言話:「明明收到message話"Take Your Time”,轉頭又發啲咁既post既」阿聰今次九秒九激嬲老婆。不少男網友看後感同身受,有網友留言:「個個都接老婆,唔通個個都想接老婆咩」,呢句話被張繼聰評為「十萬個激嬲老婆的理由」。

張繼聰教路「佛系接老婆」 轉頭即激嬲謝安琪
張繼聰教路「佛系接老婆」 轉頭即激嬲謝安琪

亦有網友被張繼聰呢個舉動惹笑,紛紛留言「緣份到了⋯張太坐在旁」、「佛系呢家嘢,邊個夠你嚟呀,地藏王」、「最高境界,敵不動我不動,敵動我都不動」

張繼聰教路「佛系接老婆」 轉頭即激嬲謝安琪
張繼聰教路「佛系接老婆」 轉頭即激嬲謝安琪
呢位網友仲好有心思咁開心share呢期好hit嘅「佛系」圖。

張繼聰屈謝安琪偷拍

即使兩人同住一屋簷下,但兩夫婦依然不時放閃放到上網。早前,阿聰分享咗一張望海背影照上網,相中佢一身運動裝束,佢嗰雙最引以為傲的麒麟臂大得誇張!佢留言話:「認真嘅男人可能真係好吸引,吸引咗一位女仕情不自禁咁偷拍我。」

張繼聰教路「佛系接老婆」 轉頭即激嬲謝安琪
張繼聰教路「佛系接老婆」 轉頭即激嬲謝安琪

點知kay九秒九留言話:「叫人幫你揸機影相,轉頭又屈人嘅。」認真谷氣。隨後,阿聰係留言區留言話:「唔係所有男人都面子當飯嘅」,暗讚自己有幽默感、有趣味。

張繼聰教路「佛系接老婆」 轉頭即激嬲謝安琪
張繼聰教路「佛系接老婆」 轉頭即激嬲謝安琪

呢段對話看似埋怨,實屬放閃,令網友留言「好甜」、「就嚟頂唔順喇!」。

8對娛樂圈索爆姊妹花 鍾意家姐定妹妹?

0
0

中港台花旦片酬一覽 最高可達8千萬!

0
0

延伸閱讀:

小S自拍公開瘦臉絕技!用20秒可以消除煩人的雙下巴

關注我們Facebook專頁
    相關新聞
      更多瀏覽