陪太太嘆咖啡 王力宏鬚根Look冧暈粉絲
2018年05月30日11:00
兩人去了一間古老咖啡廳嘆咖啡。

【星島日報報道】台灣歌手王力宏與太太李靚蕾婚後生咗王嘉莉及王嘉娜兩個寶貝囡囡,今年4月的時候,他們更宣布懷有第3胎,一家現在正等待新成員的到來,真係幸福滿瀉!生咗小朋友之後,王力宏與太太都好少有機會享受二人世界,不過近日他們就難得有機會兩個人去拍下拖,他們更去咗一間好有特色的咖啡店嘆咖啡。李靚蕾在社交網甫了幾張他們在咖啡店影的靚相,並留言話:「最古老的咖啡廳」。相中的王力宏留了少少鬚根,並用一雙電眼望著鏡頭影相,真係冧暈唔少粉絲!而李靚蕾就戴著黑超,懷有第3胎的她仍面尖尖滲出點點少女味,唔講都唔知她正在陀B。網友留言勸李靚蕾懷孕期間應少飲咖啡,另外亦有人讚王力宏這個鬚根Look好Man好型,更有人講笑咁話他似保鏢添!

關注我們Facebook專頁
    相關新聞
      更多瀏覽