叛逆細女晒全脂奶 王敏德眼火爆
2018年05月27日15:00

嗰頭仲係圍住爸媽團團轉,呢頭已經牛高馬大戀愛大晒、喜愛夜蒲。時間去哪兒了?相信王敏德同天下爸爸一樣都問緊同一個問題。

同名模老婆馬詩慧結婚26年,眨吓眼三個兒女王曼喜、王麗嘉、王躍穎已經分別25、24同18歲。大女曼喜早年出櫃宣布只愛女人,細仔躍穎大個仔晚晚愛蒲,仲有一個立志入行做model嘅細女麗嘉有鋪晒奶癮,社交網絡全天候派福利晒全脂奶,日日唔係床邊就泳池邊,張張相都性感野性。大女出櫃、細仔愛蒲,開明老竇王敏德都可以通融,唯獨遠在美國留學細女叫極都唔肯著多塊布,老竇眼火爆冇晒符只能隔空留言抗議!

撰文:東方新地|圖片:新傳媒圖片庫、王麗嘉IG

延伸閱讀:

何超蓮開麵店 做人肉廣告牌

網民留言挑機 陸永開腔護妻女

王敏德 忍唔住抗議

王家仔女初長成,仲遺傳晒父母型男同超模最強基因,個個顏值高又身材好。尤其係24歲細女王麗嘉,更加青出於藍上圍偉大過媽媽家姐幾個cup,亦都從不吝嗇在個人社交網絡展示好身材。去年夏天,王麗嘉在IG上載美國留學生活照,坐在開篷車上由友人揸機擺出享受微風隨意pose,不過唔知係隨意過頭定身材太好買錯碼,上衣移位南半球外露,嚇到爸爸王敏德都忍唔住留言抗議:「你件上衣做乜事!」即使爸爸眼火爆有幾不滿都好,女兒一年來還變本加厲。

王敏德女
王敏德女
洋名Irisa的王麗嘉5呎11吋高又有34D豐滿上圍,唔理老竇王敏德多次投訴,變本加厲喺個人IG狂po性感照,愈話愈生事。
王敏德
王敏德
月初Irisa滿24歲,王敏德連日上載囡囡幼兒時可愛照片祝生日快樂,潛台詞明顯係感慨女大女世界,回不去了。
王敏德
王敏德
王敏德在新劇《飛虎之潛行極戰》繼續型爆登場,鏡頭前硬淨的他,對住兩個女卻無力招架。
王敏德
王敏德
去年囡囡第一次露半球,王敏德遙距留言「what’s up with your top」,隔住個mon都feel到老竇極之不滿。
王敏德
王敏德
要求女兒收起性感次次當耳邊風,連王敏德兩公婆好友都在Irisa個人ig留言幫口教女:「除咗啲性感相,你啲po你爸爸張張都鍾意!」
王敏德女
王敏德女
Irisa性感相不少由男友揸機,床邊、早餐桌和健身室都見二人形影不離疑似同居,王敏德表示見過三個仔女另一半,還試過八個人一齊訂枱食飯。
王敏德女
王敏德女
Irisa與外籍男友拍拖多年,媽媽Janet亦對之讚口不絕:「個男仔好乖,對女兒有正面影響,會鞭策佢做到最好,佢哋一齊Irisa成績都好咗。」

精叻老婆唔做醜人

近日頻頻曝光為新劇《飛虎之潛行極戰》宣傳,史上最型飛虎王敏德對細女豪放作風亦自認old school睇唔慣,又話要等囡囡從美國回港放暑假時就性感議題開家庭會議。老竇護女心切,遙距留言、電召回港不果,亦求救老婆馬詩慧出面管教,可惜一代模媽Janet接受能力高過一般媽媽多多聲:「老公表面係鬼佬,內裡係傳統中國人,好保守。有時會同我呻啲女太性感,叫我去話啲女,有咩就賴我,佢好精,自己唔出聲就等我做醜人。我覺得露得靚係一回事,有啲猥瑣,露得唔靚我 會第一時間叫佢唔好影,我都曾經講過唔趁依家騷,等到跌到落肚先嚟騷咩?」明顯只得王敏德孤軍作戰,反對無效。

王敏德女
王敏德女
日前Irisa在波士頓大學畢業,馬詩慧與大女飛去觀禮,披上畢業袍的Irisa表面密實,裡面是一件黃色閃片晚裝,側漏全脂奶。

王敏德女
王敏德女

王敏德女
王敏德女
晒開有條癮,其實24歲Irisa繼承父母高大基因外,上圍更比身材均勻馬詩慧更出眾,件件泳衣都好似唔啱身買細咗。
王敏德女
王敏德女
明知爸爸王敏德唔鍾意,Irisa自知有模特兒出身媽媽撐腰,長期在IG晒身材鬥性感,靚相十張有七、八張都係露南半球,仲要低抄露波底。
王敏德女
王敏德女
自細耳濡目染接觸模特兒圈、少女時代又跟住媽媽入行立志做模特兒,Irisa尺度愈嚟愈大馬詩慧照撐:「唔通等(衰老)跌到落肚先嚟騷咩?」
王敏德女
王敏德女
其實王敏德絕對算開明老竇,曾經支持出櫃讚大女勇敢,不過性感細女、仲有愛玩三仔都令他冇晒符:「個仔帶女仔嚟見我話唔係女朋友,但係又話會同佢拖手、接吻,搞到我好混亂。」

一田購物優惠日 必搶!30大抵買貨品預覽

【深宮計】死得人多!曾偉權被斬頭 陳煒下場仲慘⋯⋯

《宮心計2》女星激多 邊個古裝look最索?

【深宮計】籌百萬醫藥費|張慧儀獨力撫養患病養子

【深宮計】童年遭街童欺凌4年 堅強張文慈 靠信仰走出陰霾

張文慈
張文慈

馬浚偉劇透《深宮計》角色:絕對唔係正義L!

馬浚偉
馬浚偉

【深宮計】羅霖演凍齡大宮女 狂呻拍通頂捱到殘

羅霖
羅霖

馬浚偉入行25年:直覺唔會攞視帝

馬浚偉
馬浚偉

馬浚偉談感情狀況:結婚唔會隱瞞!

馬浚偉
馬浚偉

《深宮計》孭重飛|胡定欣苦等14年 終成兩屆視后

胡定欣
胡定欣

延伸閱讀:

最索女飛虎|入行12年終脫貧 王敏奕:試過戶口一百蚊都冇!

關注我們Facebook專頁
    相關新聞
      更多瀏覽