林敏驄手多調戲 巨胸翠如:係唔開心!
2018年05月26日12:00

想效法無綫王牌節目《獎門人》長做長有,ViuTV搵來林敏驄拍梁漢文主持星級遊戲節目《全民星戰》,至今已經播出十多集,節目請來唔少紅人嘉賓如譚詠麟、許志安、任達華、黃日華等坐鎮,集集有睇頭;節目播出後,其中一連兩集請來有巨胸翠如之稱的嘉賓鄧月平,經常口沒遮攔的林敏驄,就被網民抨擊他手多多,鏡頭前勁猴擒,有幕後爆料鏡頭後更猖狂,指他在錄影節目時經常多手調戲現場女藝人及大講有味笑話,未埋位更加嚴重失控,尤其對著35F巨胸翠如(鄧月平)嗰兩集,就不停手口並用調戲,可憐巨胸翠如大部分時間要靠交叉雙手護胸避走,在節目錄影中途,更有工作人員目睹她坐埋一邊極唔開心。唔通真係畀林敏驄嚇親?!

撰文:東方新地|圖片:新傳媒圖片庫、ViuTV《全民星戰》截圖

延伸閱讀:

靚媽放假有咩做?黎姿帶隊睇馬戲|同日仲有甘比、靚靚同Chilam⋯

阿嬌出嫁了!婚禮上喊唔停!

林敏驄 狂黐女神

為迎接六月世界盃,ViuTV製作遊戲節目《全民星戰》,喺正無綫最高收視嘅《愛・回家》時段播出對撼,因為節目請到唔少紅人嘉賓坐鎮,播出以來就引起唔少回響。不過,近日就有節目幕後爆料,指節目主持之一林敏驄,向連續擔任兩集嘉賓的巨胸翠如多手調戲,又攞對方35F巨胸來講笑,令對方感覺極不舒服。

林敏驄
林敏驄
林敏驄擔任ViuTV遊戲節目《全民星戰》主持,鏡頭前後都經常對女藝人手多多,在第七集節目上便向擔任嘉賓的巨胸翠如鄧月平 (右)及談善言左擁右抱,林敏驄搭住兩人肩膊,隻手不時垂低至鄧月平胸上位置,難怪女神嚇到交叉手護胸兼笑唔出。
林敏驄
林敏驄
林敏驄突然向巨胸翠如施襲,出手掂對方條腰,更開口調戲:「乜你身材咁得意!」

據知情者透露:「嗰日錄影嘅時候,阿驄一見鄧月平嚟到已經嗒晒糖,全程黐埋去,有幾次更猖狂到將鄧月平攬埋身,又係咁講黃色笑話,鄧月平都唔知點應對,面都紅晒一味傻笑避開佢。但中途我哋見到鄧月平冇晒心機,坐埋一邊悶悶不樂好唔開心咁。」

林敏驄
林敏驄
見林敏驄突然直衝向巨胸翠如,另一主持梁漢文眼明手快出手撳住林敏驄隻手。
林敏驄
林敏驄
鄧月平即時被嚇到花容失色兜路走避開林敏驄。

早有前科

其實林敏驄曾經在無綫世界盃節目被指性騷擾阿雪(孫慧雪),阿雪就曾指控林敏驄:「佢話我個波污糟!」上年出席車展活動林敏驄又出言調戲女神張曦雯,食女藝人豆腐前科一籮籮,今次擔任ViuTV主持,更因為一班主持同幕後大都是新人,冇王管的他更加有恃無恐,除調戲35F巨胸翠如外,對女嘉賓以及女主持黃心美、陳俞希及李昭南一樣唔放過,令班女藝人個個喊驚!」

林敏驄
林敏驄
當介紹兩位靚女嘉賓出場時,林敏驄扮晒大哥擺款,不停用手摸鄧月平個頭。
林敏驄
林敏驄
明明其他人玩緊遊戲,林敏驄卻失驚無神攬住鄧月平向前行。

其實每集節目播出之後,fb都有唔少人留言,睇唔過眼鬧爆林敏驄,話佢講鹹濕嘢又騷擾女藝人,低俗當有趣。幕後工作人員爆:「其實班女主持都畀阿驄啲行為嚇親,佢成日借啲意攬埋嚟,開口埋口都講黃色笑話,搞到好尷尬,班女主持個個入廠錄影都提心吊膽,因為佢哋係新人,又唔敢出聲!」

林敏驄
林敏驄
林敏驄與梁漢文拍住五位 ViuTV主持黃心美、陳俞希、李昭南、強尼及黃奕晨主持《全民星戰》,不過錄影期間就因為林敏驄經常失控爆肚,連累大家要NG重拍阻遲節目收工,令成隊工作人員怨聲載道。
林敏驄
林敏驄
林敏驄騷擾女藝人早有前科,今次亦恃住做搞笑節目肆無忌憚騷擾參與節目的女藝人,就算個個正正經經影相,他卻成個人挨落陳俞希度,搞到對方縮埋一嚿。

出手解圍

眼見拍檔林敏驄經常調戲女嘉賓及主持,梁漢文惟有把關出手解圍,私底下亦試過叫阿驄唔好玩得咁癲,據知情者謂:「其實阿驄鍾意口花花撩女仔攞吓便宜,大家都見怪不怪,但作為拍檔阿娘(梁漢文)又唔可以當睇唔到,咪惟有見勢色唔對,就專登走埋阿驄度同佢傾偈,幫啲女仔解圍囉。」

林敏驄
林敏驄
節目請來唔少重量級嘉賓坐鎮,當中就有校長譚詠麟及許志安、羅家英、任達華等一班明星足球隊成員輪住撐場,又真係夠吸引。

林敏驄
林敏驄

聞驄色變

班女主持個個聞驄色變,女嘉賓就更加有苦自己知,原來成班幕後一樣怨聲載道。據有份參與的幕後爆料,就指林敏驄經常失控爆肚亂噏,導致頻頻NG重拍阻遲大家收工。一名幕後工作人員嬲爆說:「個節目每次都要錄兩至三集,時間已經好長,但係阿驄仲成日爆肚亂噏,又突然搞啲女主持,接唔到落去,有啲嘢出唔到街要剪走,累大家要陪佢重拍!搞到節目次次overrun,成組人都好多怨言。」

林敏驄
林敏驄
林敏驄對班ViuTV女主持都唔放過,當中就經常多手搞主持之一陳俞希Hailey(中),更幫對方改埋花名叫「波波池」。

林敏驄
林敏驄

想快啲收工

就被調戲一事本刊記者向巨胸翠如鄧月平求證,她承認當日確有唔開心,但就話係另有原因,她謂:「嗰日自己係唔開心!因為錄影中途,自己收到電話,媽咪喺街暈咗入咗醫院,嗰刻好擔心,所以成個人吽晒,其實最想快啲完成節目,可以收工去睇媽咪,可能咁樣啲人就誤會咗!」

林敏驄
林敏驄
《全民星戰》播出後,唔少網民留言指控林敏驄騷擾上節目的女嘉賓及主持,言詞激烈。

林敏驄
林敏驄

對於在節目內,林敏驄多次乘機攬她,有幕後替她不值,鄧月平就表示自己feel唔到對方有騷擾佢。「佢應該唔係惡意!都係為搞氣氛,為個節目效果!」(但見你經常交叉雙手嚟護住個胸喎?)她就解釋:「我一向保護意識都好強,可能係咁,就成日交叉手,可能佢唔係想非禮我!但我保護意識強,呢個動作令人誤會咗!」至於林敏驄,他就將騷擾女藝人責任賴到監製身上:「係監製搵我嚟搞佢哋!」對於多手調戲鄧月平,他就指和對方好熟:「我本身同佢好熟,所以咪咁玩囉!」究竟係攞正牌搞氣氛定過咗火,明眼人都睇得出!

林敏驄
林敏驄
早前林敏驄一個人離開九龍灣MegaBox,駕車到尖東停車場泊低車,然後行去附近揼骨!似乎做節目頻密撩女後,他亦疲累到要揼骨鬆一鬆。
林敏驄
林敏驄
駕車期間煙癮起,林敏驄在車廂照點煙食。

一田購物優惠日 必搶!30大抵買貨品預覽

【深宮計】死得人多!曾偉權被斬頭 陳煒下場仲慘⋯⋯

《宮心計2》女星激多 邊個古裝look最索?

【深宮計】籌百萬醫藥費|張慧儀獨力撫養患病養子

【深宮計】童年遭街童欺凌4年 堅強張文慈 靠信仰走出陰霾

張文慈
張文慈

馬浚偉劇透《深宮計》角色:絕對唔係正義L!

馬浚偉
馬浚偉

【深宮計】羅霖演凍齡大宮女 狂呻拍通頂捱到殘

羅霖
羅霖

馬浚偉入行25年:直覺唔會攞視帝

馬浚偉
馬浚偉

馬浚偉談感情狀況:結婚唔會隱瞞!

馬浚偉
馬浚偉

《深宮計》孭重飛|胡定欣苦等14年 終成兩屆視后

胡定欣
胡定欣

【深宮計】童年遭街童欺凌4年 堅強張文慈 靠信仰走出陰霾

張文慈
張文慈

延伸閱讀:

麥浚龍 拍《風林火山》大陣仗 |邊個演員要畀佢遮「罩」?

關注我們Facebook專頁
    相關新聞
      更多瀏覽