周麗淇割價撐馬偉豪 新戲拍吳卓羲
2018年05月20日12:00

我們都是看《玉女添丁》、《新紮師妹》長大的,一手捧紅鄭秀文、千嬅同周麗淇,金牌導演馬偉豪北上7年賺人仔,今年終於回流搵周麗淇(Niki)搭吳卓羲,炮製新一對港產愛情熒幕情侶。今時唔同往日,Niki北上有叫座力、拍港產片又升呢、連朋友圈都係上等人甘比、關之琳,據悉肯推job割價拍新戲,全因念舊當正馬偉豪係恩師,唔講錢未睇劇本,已經落實接拍!

撰文:東方新地|圖片:新傳媒圖片庫

延伸閱讀:

《復仇者聯盟3》必知7件事!

愛頓艾維列治:新版韓索羅大起底

周麗淇 推內地劇賺少千萬

模特兒出身,周麗淇01年轉型做演員,第一個經理人就係馬偉豪。雖然Niki當時仲係新人、馬偉豪就已經呼風喚雨成為港產愛情片票房保證,不過次次開戲,一定照顧自家新人,《百份百感覺II》、《玉女添丁》、《下一站⋯天后》套套戲都預埋Niki一份,角色更十分搶眼。

周麗淇
周麗淇
01年出道即簽約做旗下藝人,馬偉豪一手捧紅周麗淇後,Niki亦知恩圖報保持多年亦師亦友關係,08年馬偉豪大婚,Niki就出馬做伴娘。

雖然今時唔同往日,Niki已躋身一線女星、內地劇酬勞一集過廿萬,仍一直保持與一手帶自己出道的馬偉豪聯絡,相隔七年馬偉豪回流再拍港產片,Niki寧願賺少啲都要報恩。

周麗淇
周麗淇
離開香港影圈七年,擅拍愛情小品的馬偉豪,成功搵到愛將周麗淇為回歸頭炮孭重飛,難得Niki講心唔講金。

北上賺人仔是王道,馬偉豪2010年起北上發展,今年被美亞影視重金召回港再拍港式愛情喜劇,日前就宣布新作《火拼男女》將會起用愛將Niki同吳卓羲拍檔做歡喜冤家。

周麗淇
周麗淇
上月出席美亞娛樂年度發布會,周麗淇宣布與相識多年的吳卓羲將在馬偉豪監製新戲《火拼男女》中首次合作,飾演歡喜冤家。

當年箍住牙已經係馬偉豪電影御用配角,今時今日Niki身價十級跳、去年一套全國點擊50億的《那年花開月正圓》人氣再上一層樓,電影拍檔係宇宙最強甄子丹同劉德華,一早就重質不重量,控制工作量享受生活為上。

周麗淇
周麗淇
近年Niki事業三級跳,在內地拍劇躋身一線女演員,在港接電影一樣穩坐女一寶座,去年出演電影《追龍》,對手就係劉德華同甄子丹。

據知情人士透露,今次唔止肯拍住未成火候吳卓羲更甘願自減片酬:「Niki啱啱至拍完TVB套《再創世紀》,本來係諗住抖吓先,呢幾年亦都保持一年最多一套劇。不過馬偉豪帶佢出道,關係亦師亦友,出到聲當然唔同。其實拍完《那年花開月正圓》,Niki人氣同片酬又升一截,同期又有套內地長劇搵佢做女一,為咗恩師推咗套新劇,賺少成千萬!」

周麗淇
周麗淇
14年拍完劉家豪《衛子夫》已經成功打入內地市場,去年再演《那年花開月正圓》,全國點擊超過50億,更加人氣同片酬都曝漲。

本刊向周麗淇求証割價接拍馬偉豪新戲一事,Niki坦言同對方亦師亦友,接拍未傾價錢:「其實馬偉豪係我恩師,冇佢帶我入行,亦冇今日嘅我,佢搵我時我已經答應,根本未傾到價錢同劇本,但我對佢好有信心!」

周麗淇
周麗淇
賺人仔同報恩緊要,醒目女Niki亦保證每年為無綫拍一套劇keep住人氣,新劇《再創世紀》暑假就會推出,早前Niki就為該劇中港兩地拍外景。

周麗淇
周麗淇

打造情侶經典

八十年代入行做編劇,九十年代開始做導演同監製,經馬偉豪一手捧紅的港產片愛情男女多不勝數,幾乎百發百中,電影叫好叫座、女主角亦個個因此上晒位!

鄭秀文 鄭伊健

比大導杜琪峯更獨具慧眼,馬偉豪早於96年已經搵Sammi主演電影《百分百感覺》, 同鄭伊健分飾男女主角Jerry及Cherie,大賺二千萬票房。

鄭秀文 鄭伊健
鄭秀文 鄭伊健

梁詠琪 陳曉東

97年《初戀無限touch》再造經典,識搵同陳曉東撞樣的梁詠琪做一對,笑中有淚初戀故事至今都係港人集體回憶。

梁詠琪 陳曉東
梁詠琪 陳曉東

楊千嬅 吳彥祖

馬偉豪為另一愛將楊千嬅度身訂造《玉女添丁》和《新紮師妹》劇本,成功將當年樂壇被Sammi騎住的千嬅捧上天,成為新一代大笑姑婆女笑匠。

楊千嬅 吳彥祖
楊千嬅 吳彥祖

【深宮計】做女主角冇相又冇名?周秀娜宣傳海報突然被消失…

全家都鍾意游水|陳浩民 月租10萬天池屋

王敏德細女身材火辣 床照半裸相樣樣齊

剝得起又型得起!重溫夏文汐1/3世紀的艷光

夏文汐
夏文汐

15位大台富貴兵團 個個有樣更有米!

佘詩曼年幼喪父 佘媽媽 獨力湊大三子女

傳魏焌皓疑鹹豬嘴麥明詩被TVB解約 │重溫娛圈八大鹹豬手事件!

10位女星大解放 齊晒水著照

吳卓羲 黃宗澤《飛虎》再合作 「奧運六星」仲記唔記得?

電視城明星撞鬼實錄 張家輝 鄭伊健 林峯 都有份!

電視城撞鬼實錄
電視城撞鬼實錄

延伸閱讀:

黃子華自小父母離異 長大侍母至孝

關注我們Facebook專頁
    相關新聞
      更多瀏覽