余文樂冧妻 停工陪坐月 火速追女
2018年05月20日14:00

余文樂去年底娶台灣皮帶大王千金王棠云,結婚生仔兩件大事極速完成,於上周四(10日)榮升做爸爸,從此兼負起人生另一個使命。一直低調保護孕妻的余文樂,選擇大方分享兒子出世的消息,更停工陪老婆坐月,變身廿四孝好老公兼好爸爸,最緊要冧掂老婆,為下一站追女做好準備。

周一(14日)晚,本刊記者直擊余文樂撲去醫院接老婆同囝囝出院,雖然忙完工作個樣有啲憔悴,但首次抱仔見人的樂仔,慈父樣出晒嚟,做咗爸爸果然唔同晒。

撰文:東方新地|圖片:新傳媒圖片庫、余文樂王棠云IG

延伸閱讀:

《復仇者聯盟3》必知7件事!

周麗淇割價撐馬偉豪 新戲拍吳卓羲

余文樂 為老婆改變

36歲余文樂榮升人父一索得男,太太王棠云於上周四(10日)於港島港安醫院誕下7磅重兒子Cody,樂仔即急不及待在社交網站率先讓兒子的嘴仔及小手曝光,可見樂仔很想與大家分享這份喜悅,余家上下都非常開心,樂嫂王棠云的父母更從台灣來港探孫,老人家雖然喜上眉梢,但封口不提有關孫仔的提問。

余文樂
余文樂
向來低調處理私事的余文樂,竟自己公開囝囝名字叫Cody,又po相分享小部分面仔及手仔,不過最重要係識多謝太太。

余文樂
余文樂

余文樂
余文樂
樂仔每日都去醫院探老婆與囝囝,更會拍下每個難忘的片段,這日囝囝第一次打腳印,樂仔又po上社交網。

余文樂
余文樂

余文樂
余文樂
樂仔與王棠云一早布置好兒子的BB床,床上更放了一大一小的老鼠仔,好有愛。

余文樂
余文樂

余文樂
余文樂
一索得男的王棠云,在醫院度過兒子出世後第一個母親節,樂仔亦非常識做,買定花送畀老婆,王棠云感動得po相多謝老公。

余文樂
余文樂

王棠云的出現及兒子的出世,徹底改變了樂仔的世界,對於閃婚,樂仔曾表示是「適當時間遇到對的人」,他更在訪問中承諾日後會揀可以較多時間陪老婆的工作,讓她擁有另一種快樂,兒子出世後依舊有二人世界。知情者透露:「樂仔性格雖然我行我素,但佢家庭觀念好重,凡事都以屋企人行先,依家有咗老婆同仔就更加啦,佢應承呢兩個月會停工陪老婆坐月同幫手湊B,可以嘅話都唔會飛。之前樂嫂陀B佢成日周圍飛,不過一返香港就陪實老婆,班老友都覺得佢變得成熟咗。樂仔好鍾意小朋友,尤其係女仔,佢成日同樂嫂講點都要生個女,仔就陪佢玩車打波,女就愛嚟錫同寵,仲話要盡快生多個女,最好就似媽咪咁有氣質咁靚,樂嫂冧爆點會唔應承喎!」樂仔坦言一切會以家庭行先,即使犧牲休息時間也要陪家人。

余文樂
余文樂
樂仔父愛爆棚,仲係小朋友殺手,個個小朋友都鍾意黐佢玩,而他亦恨女恨到發燒,第時有女一定寵到上天。
余文樂
余文樂
樂仔日前離開醫院後去了做健身運動,他上載了兩條做gym片,一條做深蹲動作,附字寫著「No Rest for Daddy」(爸爸無得休息),另一條的附字則寫有「Getting ready for Cody」(為Cody做準備)。
余文樂
余文樂
近年余文樂在時裝界大展拳腳,周一( 14日)下午他在社交網 po了多張埋頭工作的照片,話畀大家知佢在公司努力工作中。

余文樂
余文樂

樂仔果然講得出做得到,向來篤信密宗的他早前找高人為老婆擇好吉日時辰開刀,上周四王棠云入院準備剖腹生仔,他全程在旁陪實,見證完女人生仔的痛苦,他即日在社交網開po感謝太太,繼分享囝囝的嘴仔及小手的照片後,再晒囝囝的腳印照,留言道:「One of the best moment in my life.(我人生其中一個最好的時刻)」浪子樂盡顯感性的一面。

余文樂
余文樂
工作至晚上8時許,余文樂駕駛其林寶堅尼跑車到達醫院,見到本刊記者大方say hi,然後直奔上房,非常心急見太太同囝囝。

余文樂
余文樂

親自抱仔出院

兒子出世前,樂仔曾被本刊直擊與大住肚的王棠云外出食麵醫肚,期間只顧打機冷落老婆,打機大過天的他,未來的日子應該都冇時間再打機。連日來樂仔都有去醫院探老婆同仔,周一(14日),他一早就返公司為其時裝品牌生意開會,工作至晚上8時,一臉憔悴的他趕去醫院,原來是為了接老婆同仔出院。現場所見,樂仔在醫院逗留15分鐘便率先抱住兒子離開,見他小心翼翼雙手抱住包到冚的B仔,新手爸爸一臉緊張,登上一早預備好的七人車,而一身黑衣打扮的樂嫂王棠云亦緊隨其後步出,可能開刀傷口加上子宮收縮的雙重劇痛,她以右手撳實下腹,慢慢上車。

余文樂
余文樂
余文樂到場前,該醫院的職員與公關已一早在場打點及視察環境,讓樂仔到埗後可順利接老婆同囝囝出院。樂仔雙手抱實B仔一臉凝重,本來身穿牛仔背心的他怕背心拉鏈整傷BB,抱B前亦把背心除去,相當細心,新手爸爸值得加分。
余文樂
余文樂
王棠云隨後步出,一身深色衣裝的她全程用手撳實下腹傷口,在沒有人攙扶下慢慢上車。
余文樂
余文樂
王棠云父母連續幾日都由樂仔朋友陪同到醫院探望女兒與孫仔,他們同樣全程封口,只邊行邊講多謝,皮帶大王岳父更不時用手掩面,對上鏡好抗拒。
余文樂
余文樂
話就話停工陪老婆坐月,但樂仔都要完成手頭工作先,見他連日公司醫院兩邊撲,經常滿面鬚根,做咗爸爸係辛苦啲㗎喇!

接完老婆與囝囝返家後,樂仔應該有排忙,不過他不忘在社交網再出po歡迎囝囝返屋企,希望佢唔會大細超,錫囝囝之餘都唔好冷落仲要靠佢追女的王棠云啦!

余文樂
余文樂
王棠云未生前,樂仔少爺性格依然,對住大肚老婆毫不體貼,外出撐枱腳全程只顧低頭玩手機,慘被冷落的樂嫂則乸埋塊面。
余文樂
余文樂
當日余文樂只顧玩手機,反而要大肚老婆服侍夾麵。王棠云塊面愈來愈黑,但樂仔仲係冇反應,似乎打機重要過一切!
余文樂
余文樂
離開餐廳見到記者,拖實老婆的余文樂即時笑晒口,展示同老婆恩愛 一面。
余文樂
余文樂
早前本刊拍到余文樂同王棠云去中環食飯,未入餐廳食嘢,余文樂先要食煙提神,仲直接喺已經陀B嘅王棠云身旁點煙,變相逼老婆食佢二手煙。
余文樂
余文樂
另一日余文樂唔使開工,就陪老婆去跑馬地同友人食日本菜,離開餐廳遇到記者,被問到老婆適唔適應香港生活,樂仔答:「OK啦!」但被問到老婆係咪喺香港生BB?以及鍾意仔定女?他就立即封嘴,更拖實老婆急急腳走人。

全家都鍾意游水|陳浩民 月租10萬天池屋

傳魏焌皓疑鹹豬嘴麥明詩被TVB解約 │重溫娛圈八大鹹豬手事件!

【深宮計】做女主角冇相又冇名?周秀娜宣傳海報突然被消失…

王敏德細女身材火辣 床照半裸相樣樣齊

剝得起又型得起!重溫夏文汐1/3世紀的艷光

夏文汐
夏文汐

15位大台富貴兵團 個個有樣更有米!

10位女星大解放 齊晒水著照

佘詩曼年幼喪父 佘媽媽 獨力湊大三子女

吳卓羲 黃宗澤《飛虎》再合作 「奧運六星」仲記唔記得?

延伸閱讀:

愛頓艾維列治:新版韓索羅大起底

關注我們Facebook專頁
    相關新聞
      更多瀏覽