黃子華腦力爆煲 完騷避世 快斬1億收咪
2018年05月19日18:00

57歲的黃子華宣布七月舉行棟篤笑收咪作《金盆𠺘口》,全城掀起搶飛熱,加場開到26場依然一票難求,由於今次棟篤笑由子華公司做搞手包辦製作,保守估計每場收入就高達6百萬,子華神唔使一個月就快斬1億。

雖然賺到盤滿缽滿,但原來笑匠背後有苦自己知,今次閉關度橋更大壓力到吃不消,其實早於03年他接受訪問時已經透露:「成日覺得自己只剩3、4年命。」思想極度悲觀,全因每次為棟篤笑度橋都幾乎榨乾腦力、壓力爆煲,今次才忍痛下決定收咪。

幸好悲觀論反令子華更注重健康,即使已全面閉關度橋,仍爭取時間出外透氣,日前就見他一個人在大潭拖狗跑山,努力增磅上台應付長達接近一個月的演出,當日所見子華的確漸見成績, 相信體力上要撐足26場,都毫無難度。

撰文:東方新地|圖片:新傳媒圖片庫、黃子華FB

延伸閱讀:

《復仇者聯盟3》必知7件事!

《潛行極戰》收起性感演女警|孝順高海寧一生中最愛係佢……

黃子華收咪騷 史上最難撲飛

黃子華宣布做完七月棟篤笑《金盆𠺘口》,便正式收咪唔做,消息傳出震驚娛樂圈,令今次告別作成史上最難撲飛一次,尾場門票更被炒高至萬五元一張,身為主角的子華亦表示冇飛喺手,嬲爆呼籲大家唔好買黃牛飛。據知情人士透露:「因為係最後一次,子華想畀真正支持佢嘅人買到飛入場睇,但好多朋友同佢講買唔到飛,搞到佢好忟憎,最後決定加開9場,同將大部分飛都推晒出去賣,但係都被黃牛搶購,令子華好激心,未開騷已經勞心勞力。」

黃子華
黃子華
黃子華七月棟篤笑開四面台,每場容納一萬二千多觀眾,不過頭17場就只得唔夠三分一座位分開發售,一排黑影,見到買唔到,名副其實係絕望座位表,一開賣售票網已大排長龍,買到飛如同中六合彩。
黃子華
黃子華
黃子華《金盆𠺘口》座位表 7月6-22日
黃子華
黃子華
黃子華《金盆𠺘口》全城撲飛,有黃牛黨網站將原本880門票炒至15,000元,子華嬲爆拍片放上社交網譴責,呼籲觀眾不要買黃牛飛,又呼籲政府正視黃牛黨問題,未開騷,已發火。

怕頂唔住爆煲

多年來,子華開棟篤笑都自己包辦製作,今次亦不例外,26場棟篤笑就合共容納33萬觀眾,最高票價880 元,保守估計一場已穩袋6百萬收入,唔使一個月就快斬1億落袋,「神級」子華錢會自己湧埋身,地位超然的確唔羨慕得咁多。但賺錢賺到笑的子華神,其實有苦自己知。據知情者透露:「每次搞棟篤笑,子華都係孤獨創作,一個人收埋自己默默度橋,過程其實好辛苦同自閉,佢係完美主義者,攞出嚟嘅嘢一定係最好嘅,佢話就算開騷冇人睇,佢都會覺得自己嘅嘢係最『正』!就因為咁,好多橋佢度完又再度,個腦根本冇得停,瞓覺都諗住,精神好繃緊,自己都怕會頂唔住爆煲。」

黃子華
黃子華
10年底完成八場《娛樂圏血肉史2》後,翌年黃子華被拍到激瘦行街,似乎創作壓力極大。
黃子華
黃子華
悲觀論令子華更珍惜健康,多年來一有時間就愛跑步操fit ,亦會定期做身體檢查。

最痛苦的四個月

02年,子華就曾因為演出內地劇集《溥儀和他的五個女人》,太過投入角色而患上抑鬱,雖然最後成功康復過來,但經此一役,他更加愛惜健康,他在2010年《娛樂圈血肉史2》棟篤騷上,就這樣形容當時自己:「我為咗投入溥儀呢個角色,去感受嗰種個人面對歷史巨輪,了解嗰種渺小,從而產生一種不能自拔嘅史詩式沮喪。嗰時係我一生中最痛苦嘅四個月,第一次嘗到咩叫做精神崩潰。」

黃子華
黃子華
02年拍《溥儀和他的五個女人》,黃子華為電影減肥30磅演出,更因為太投入角色患上抑鬱症。

其實早於03年舉行棟篤笑《冇炭用》,子華已經有封咪念頭。當時更諗定收咪作叫《金盆𠺘口》,算是一個終結,再讓生命重新,但最後發現,原來自己唔捨得才打消念頭,當時他說:「發現自己真係唔捨得,唔想強迫下半世自己心癮唔發作。」直至14年做完《唔黐線唔正常》,子華已開始鋪路收咪。據知情者透露:「嗰次佢為咗個show閉關絞盡腦汁度橋,完全同外界隔絕,感覺係好悲涼,好似跌咗落深淵咁,所以呢四年嚟,唔少人問佢幾時再開,佢都一路逃避,就係唔想面對嗰份壓力。」

黃子華
黃子華
今年是黃子華行運年,除棟篤笑賣到滿堂紅,年初主演的電影《棟篤特工》就收4,100萬成賀歲片票房冠軍,子華更搣甩多年票房毒藥之稱號。

還清人情債

還有三年就「登六」,子華終於明白要放下壓力包袱重新過新生活,決定做完今個騷就隱居避世。據子華好友透露:「佢想過啲寧靜嘅隱世生活,知道自己將來都未必會再上台,以前有唔少圈中好友搵佢合作或者做嘉賓,佢都會推,反而呢半年佢係咁幫盡好友,就係想還晒人情債先過新生活。」

黃子華
黃子華
少有唱歌作品推出的黃子華,近日就同古巨基合作〈子華說〉,出口幫基仔Rap歌極之難得,就算已開始閉關度橋,仍抽身去睇基仔首場演唱會。
黃子華
黃子華
去年11月農夫在麥花臣球場開騷,子華就同嘟姐世紀合體,齊拍片撐農夫。
黃子華
黃子華
今年二月胡楓舉行《胡楓86破紀錄演唱會》,黃子華亦現身第二場撐修哥。

租500呎屋住

其實子華價值觀從不建基於物質,當時他曾經講過快樂同住屋大小冇關係,更曾租住500呎單位生活了一年。子華話過當時他做完溥儀返香港,便在旺角租了間500呎屋居住了一年,每日三餐都是食快餐,但生活得好開心,那次經歷令他體會到,住屋大小唔重要,最緊要生活開心!

黃子華
黃子華
告別作雖然帶來過億收入,不過子華日前去銅鑼灣利園買紅酒時雙眼無神,相信似用嚟紓緩情緒,順便減壓。

黃子華
黃子華

開騷在即,閉關密密創作的他,亦爭取時間做運動操fit,日前就一個人拖狗行去大潭郊野公園跑山放狗。只見戴著漁夫帽的他戴埋earphone慢行解悶,行吓跑吓個多兩個小時,子華連水都冇飲,耐力和體能都keep得極fit,近傍晚六時,他拖住狗行返北角寓所,還輕鬆和保安打招呼才返上樓,唔操到咁fit,26場棟篤笑點頂?!

黃子華
黃子華
黃子華注重健康,多年來都keep住跑步做運動,日前,他就拖埋愛狗從北角住所出發跑山練氣,操fit狀態為26場棟篤笑備戰。
黃子華
黃子華
行了個多小時,上山落山行咗唔少路的子華都氣定神閒,一睇就知子華係做開運動行慣山之人。
黃子華
黃子華
一身輕便裝束拖著狗行山的子華健步如飛。
黃子華
黃子華
黃子華在近六時許行返寓所,當日更連水都冇帶,全程唔使飲水仍應付自如,體能果然有番咁上下。
黃子華
黃子華
入到屋苑,見保安迎面走近,子華亦友善和對方打招呼,相當親民。

【深宮計】做女主角冇相又冇名?周秀娜宣傳海報突然被消失…

王敏德細女身材火辣 床照半裸相樣樣齊

全家都鍾意游水|陳浩民 月租10萬天池屋

佘詩曼年幼喪父 佘媽媽 獨力湊大三子女

傳魏焌皓疑鹹豬嘴麥明詩被TVB解約 │重溫娛圈八大鹹豬手事件!

剝得起又型得起!重溫夏文汐1/3世紀的艷光

夏文汐
夏文汐

15位大台富貴兵團 個個有樣更有米!

10位女星大解放 齊晒水著照

吳卓羲 黃宗澤《飛虎》再合作 「奧運六星」仲記唔記得?

電視城明星撞鬼實錄 張家輝 鄭伊健 林峯 都有份!

電視城撞鬼實錄
電視城撞鬼實錄

延伸閱讀:

陳山聰靠女友洗底成功 明年做老襯

關注我們Facebook專頁
    相關新聞
      更多瀏覽