陳山聰靠女友洗底成功 明年做老襯
2018年05月19日13:00

正所謂成也女友,敗也女友,五年前陳山聰同何家千金超盈分手,拋棄糟糠有工唔返最後得個桔,形象亦因此一鋪清袋成為一代渣男;五年後一步一步在電視台收復失地、去年勇奪台慶最佳男配成功洗底,最大因素亦係因為陪伴左右共度最艱難日子的素人女友Apple。前車可鑑始亂終棄冇運行、加上女友腳頭好形象佳,連大哥大嫂都一早當自己人,據悉41歲陳山聰正式決定修心養性做老襯,明年帶埋Apple旅行結婚!

撰文:東方新地|圖片:新傳媒圖片庫

延伸閱讀:

《復仇者聯盟3》必知7件事!

宋熙年懷男胎 陳智燊笑言:我父母想抱孫女

陳山聰 靠女洗底

由樂壇撈到去電視,歷經25年,尤其五年前被何家千金狠飛跌到谷底,去年台慶頒獎禮陳山聰終於奪得入行以來第一個「最佳男配角」獎項,難怪特別激動,谷爆眼淚感激一同陪伴度過低潮的身邊人,除咗形同父親的大哥外,另一個特別點名,正是「照顧我四年半的女友」。

陳山聰
陳山聰
由低谷爬上高峰,去年陳山聰首獲「最佳男配角獎」時,便點名多謝四年多來陪在身邊的女友。

近年眼見事業重步正軌,已經在多次訪問中表示當正女友係屋企人、將會努力儲錢買戒指,據知情人士透露,雖然哥哥在澳門打理家族生意係富戶、女友出身亦不差又有自己的美容生意,陳山聰還是和女友有共識,太過鋪張對形象無益,所以部署明年中與女友旅行結婚。

陳山聰
陳山聰
眼見陳山聰同Apple拍拖後踏實咗又再次被觀眾接受,無綫亦敢再次重用,年初開拍的《金宵大廈》更是他入行以來首次做男一。
陳山聰
陳山聰
11年搭上何家千金,即時曠工唔恨做、長達兩年時間專陪女友周遊列國,陳山聰當年的渣男形象用了五年才得以洗底。

哥嫂當正弟媳

除了終於事業有成、到了適婚年齡,女友亦不介意自己過去外,知情人表示,老婆娶唔娶得過,陳山聰最看重還是大哥意見:「啱啱分手又未返電視台,阿哥叫佢返屋企幫手,山聰寧願月入8千去做sales,再加上形象差個個對佢指指點點,當其時真係好難捱。所以Apple嗰段時間已經同佢一齊又話唔介意佢過去,亦唔介意事業無成,唔止山聰覺得感動,大哥大嫂都睇在眼內。」

陳山聰
陳山聰
日前一班crazyrunner成員為袁偉豪慶祝生日,主角帶住女友張寶兒出席,陳山聰亦帶埋Apple,完全融入對方朋友堆中。

陳山聰
陳山聰

知情者續說:「經過四年幾相處,屋企旅行、聚會一定有Apple份,呢個女仔大方斯文又喺幾年時間內改變咗山聰,所以大哥大嫂都真係當咗佢係弟媳一樣。」

陳山聰
陳山聰
平淡樸素拍拖生活與當年陳山聰戀上何家千金時有天壤之別,日前Apple又跟住山聰去九龍塘平歎車仔麵。入到麵店巧遇獨自開餐的梁烈唯,陳山聰同唯唯搭枱吹水,Apple就乖巧又識做坐在一旁靜靜聽男友發表偉論。
陳山聰
陳山聰
由形象插水到一步一步收復失地,陳山聰如今務實勤力深入民心,食完車仔麵更獲老闆邀請合照。
陳山聰
陳山聰
難得一齊放假,二人食完車仔麵醫肚,轉場去九龍塘樓上舖按摩,簡簡單單拍拖一日就打道返回將軍澳住所。

融入家中

換著以前,陳山聰可能未定性,有變數都唔奇,但近日山聰逐步確立女友未婚妻地位,看來,今次走唔甩!

陳山聰
陳山聰
拍拖四年半,陳山聰大哥大嫂一早當正Apple係自己人,去年大嫂生日,山聰要拍劇,就派出女友做代表面貼面賀大嫂。

陳山聰
陳山聰

陳山聰
陳山聰
早前陳山聰又帶Apple和大哥大嫂一起去日本旅行,已經融入家中。

【深宮計】做女主角冇相又冇名?周秀娜宣傳海報突然被消失…

全家都鍾意游水|陳浩民 月租10萬天池屋

《宮心計2深宮計》花旦鬥露 | 周秀娜胡定欣肉搏馬浚偉

傳魏焌皓疑鹹豬嘴麥明詩被TVB解約 │重溫娛圈八大鹹豬手事件!

王敏德細女身材火辣 床照半裸相樣樣齊

剝得起又型得起!重溫夏文汐1/3世紀的艷光

夏文汐
夏文汐

15位大台富貴兵團 個個有樣更有米!

10位女星大解放 齊晒水著照

佘詩曼年幼喪父 佘媽媽 獨力湊大三子女

吳卓羲 黃宗澤《飛虎》再合作 「奧運六星」仲記唔記得?

延伸閱讀:

王敏奕演最索女飛虎 仲係出名孝順乖女

關注我們Facebook專頁
    相關新聞
      更多瀏覽