賈曉晨首次公開全家福 囡囡半歲大已似足父母
2018年05月18日18:18

上年11月,樊少皇嘅太太賈曉晨於養和醫院誕下一女,名叫「小飯兜」。佢哋嘅愛女話咁快半歲大,今日媽咪賈曉晨放咗幾張女兒正臉相同大家分享,相中更見到小飯兜似足嗲哋媽咪!

撰文:東方新地|圖片:微博 | 編輯:Sunday Kiss

延伸閱讀:

25個食買玩2018年最新 5月生日優惠 新酒店半價、半價自助餐、海洋公園免費入場

親子好去處 全港最大LINE FRIENDS Store空降apm 全球首個Snack Bar + BT21 率先睇!

賈曉晨公開全家福

樊少皇與賈曉晨自育有一女「小飯兜」後,一直為愛女嘅容貌保持神秘。但就喺今日,賈曉晨竟然喺個人社交網放咗幾張囡囡嘅正臉相,終於令小飯兜嘅樣曝光!

一家三口嘅全家福中,終於可以見到小飯兜嘅正臉喇!

賈曉晨大方放囡囡正臉相

從賈曉晨擺上網啲相睇得到,小飯兜個樣甚得父母真傳,對眼又圓又大,眼仔碌碌咁,十分精靈!加上下巴尖尖咁,相信第日長大之後都會係一個靚女!

咁細個就識夾胸影相!

賈曉晨更留言:「親愛的寶貝,我們的小飯兜,從你出生、一周、滿月、百天、到現在半歲,媽咪時時刻刻陪着你,就怕錯過你成長的每一秒鐘,今天你半歲生日了,媽媽要跟大家一起分享這份快樂!希望寶貝身體棒棒的,每天快快樂樂,長大也是個樂觀快樂又聰明的好孩子。」 ​​​​

喺媽咪懷中嘅小飯兜,盡顯女兒嘅嬌嗲~

賈曉晨羨慕囡囡

事實上,賈曉晨之前都有擺囡囡啲相上網,但就唔係正臉。例如有一次,佢就只影愛女嘅半邊面,仲留言話好羨慕小飯兜長長嘅眼睫毛~

啲眼睫毛真係好長呀!

樊少皇與賈曉晨為愛女保持神秘

2016年,樊少皇與賈曉晨結婚。上年11月,賈曉晨就喺香港養和醫院誕下囡囡「小飯兜」,期後兩公婆一直都冇公開女兒嘅正臉,甚為秘密。

今年係二人結婚兩週年。

之前囡囡滿月,樊少皇同賈曉晨都冇俾小飯兜出鏡。

延伸閱讀:

【親子好去處】帶著小B去旅行 澳門百老匯地道文化美食節

關注我們Facebook專頁
    相關新聞
      更多瀏覽