【深宮計】無辜受糾紛牽連 宣傳統統被消失|周秀娜:大家都拍得好辛苦⋯
2018年05月18日17:44

無綫因同蕭定一嘅公司因錢銀問題鬧官司,結果旗下藝人張繼聰去年底被無綫封殺,近日仲牽連埋旗下藝人周秀娜(Chrissie)!下星期即將播出的無綫重頭劇《宮心計2深宮計》,其中飾演「鄭皇后」的娜姐係女主角之一,但近日的宣傳活動都未見娜姐現身,唔止官方海報冇娜姐嘅造型照片,就連演員名單都被消失……

娜姐日前出席NOW活動被問及此事,她表示好想宣傳,但無奈自己公司同無綫打緊官司,她也無辦法,而會盡力在自己平台宣傳!

撰文:東方新地 | 圖片:TVB AnywhereTVB《宮心計2深宮計》影片截圖、張繼聰Facebook 馬浚偉IG、新傳媒圖片

延伸閱讀:

《復仇者聯盟3》必知7件事!

側田真名係咩?劉福榮又係邊個?54個藝人原名大公開!

周秀娜 無辜受糾紛牽連

娜姐有份擔正《宮心計2深宮計》但冇得宣傳,近日的宣傳片、海報、演員名單統統被消失,娜姐無奈說:「因為部劇其實大家都拍得好辛苦,自己都係第一次同Tvb合作拍劇,好想盡力做好宣傳令觀眾喜歡,但冇辦法,因為係公司同TVB之間嘅事情自己都干預唔到太多,但都好放心,因為小青姐都承諾冇刪減我嘅戲份。」但問到是否拍多少都會播足,娜姐表示細節唔請楚,但相信唔會刪剪太多。

周秀娜
周秀娜
周秀娜話:「小青姐有同我溝通,承諾咗劇出街冇影響,畀咗我一個心理準備。」

個人社交平台宣傳

娜姐自己都講到會係自己個人社交網站宣傳呢一部劇,會唔會怕自己公司禁止佢宣傳?娜姐答到:「自己社交網站就真係好個人,都好有自己自主權嘅,我只希望呢部劇岀到嚟大家做好佢嘅宣傳啦。」

周秀娜
周秀娜
周秀娜有份演出的劇集《深宮計》的宣傳因公司關係不能出席,唯有靠自己社交平台。

娜姐仲話:「拍嗰陣一直有共識,夾到檔期就做宣傳,我好希望同劇組演員見面,我都會盡綿力喺自己平台宣傳。」世事就係咁橋,《深》今日一班演員去咗做宣傳,唔知娜姐又有冇啲酸溜溜呢?佢話:「辛苦佢哋宣傳,公司之間問題,我都唔清楚。」

馬仔:佢都係呢套劇嘅一份子

同娜姐有唔少對手戲嘅馬浚偉,今日喺沙田出席活動就話:「我站喺演員角度,娜姐付出咗好多而且又演出很好,雖然佢唔可以做宣傳,但係佢都係呢套劇嘅一份子。」

蕭正楠:唔方便講太多

蕭正楠就話公司同公司之間嘅問題,唔方便講太多,不過可惜一定有,大家合作得咁開心,當然希望一齊宣傳,劉心悠都話好掛住娜姐。

周秀娜《深宮計》海報被消失?

無綫重頭《宮心計2深宮計》將於5月21日首播,胡定欣、馬浚偉、馬國明、蕭正楠、劉心悠、周秀娜、陳煒、羅霖、黃心穎、張慧儀、張文慈等等擔綱演出。飾演鄭皇后的娜姐仲同皇后胡定欣爭寵,戲份好重!睇番娜姐去年底都如常出席宣傳活動,包括「2017劇集及綜藝目推介記者會」!

劇情講娜姐為討好飾演皇上的馬浚偉而各出奇謀,仲同馬仔仲有多幕床上戲㖭 !

宮心計2深宮計
宮心計2深宮計
周秀娜在劇中有不少性感場面包括露香肩、玉背,讓人十分期待。
宮心計2深宮計
宮心計2深宮計
娜姐出浴喎,梗要𥄫實啦!
周秀娜
周秀娜
娜姐希望得到皇帝馬浚偉寵幸⋯

宮女出身的心悠和娜姐齊齊學劍,兩個女主角都咁靚呀!呢啲組合,喺TVB真係少有!
後宮爭個你死我活,娜姐又會同陳煒鬥戲!

但近日的無論是官方宣傳海報、演員名單、最新的宣傳片……身為女主角之一、飾演鄭皇后嘅周秀娜都突然被消失!而一眾演員近日出席宣傳活動,都未見周秀娜現身,而且連佈景板都冇娜姐張相。

相信係由於同蕭定一同無綫有錢銀糾紛及官司有關 , 而娜姐係蕭定一旗下藝人才被牽連 !

海報冇相….
連演員名都冇!

娜姐原本海報有相

睇角番男主角馬浚偉早前放上IG的另一張官方海報,原本係有娜姐,而且喺當眼嘅位置!

< style=”background: #F8F8F8; line-height: 0; margin-top: 40px; padding: 62.5% 0; text-align: center; width: 100%;”>

#宮心計2深宮計 5月21日! 騰訊視頻 X TVB 全球同步播出 www.truestar.com.hk

A post shared by 馬浚偉 (@ma_chun_wai) on May 8, 2018 at 2:58am PDT

有傳媒向監製梅小青求證此事,小青姐就話留俾公司去講,但劇中就冇cut走娜姐嘅戲份,仲話大家都合作得開心。

張繼聰被封殺

其實的確唔關娜姐本身事嘅,而係佢所屬的蕭定一公司最近與TVB有錢銀糾紛及官司,所以才會無辜被牽連。而與Chrissie同公司的張繼聰,早在去年底因此事而暫時停止亮相TVB。

有指2014年無綫仍是佘詩曼的經理人,同蕭定一公司簽約拍電影《十月初五的月光》。但有傳當時張智霖唔滿意劇本要改,搞到電影要逾期完成。無綫向蕭定一公司追回補水薪金,指佘詩曼應收過百萬的額外薪酬,但對方肯付一半,所以無綫用法律解決而且下令封殺蕭定一旗下藝人,包括近年參演無綫劇集一部接一部,形象亦相當入屋,深得觀眾喜愛的張繼聰,所以去年的《萬千星輝賀台慶》未見張繼聰的參與!

張繼聰因經理人公司同TVB有官司,而被封殺,不少人替他可惜及不值!不過阿聰稱與無綫關係良好,相信仍有機會合作。

張繼聰:好多謝TVB嘅栽培

張繼聰最初回應傳媒,指自己對封殺傳聞未有所聞,更表示會繼續參加《誇世代》的宣傳活動,又話:「我都好享受拍TVB劇!」暫時明年主力投放在電影上。

但係只紙包不住火,張繼聰其後在Facebook上載53秒短片,親自交代被封殺一事:「大家好!今日出咗單新聞之後,好多謝大家嘅支持,咁可能嚟緊有一段時間唔可以再喺將軍澳出現…有啲說話都想喺度交代。首先喺過去嘅日子好多謝TVB嘅栽培,畀咗好多機會我,好多謝珍姐(曾勵珍)。入面好多台前幕後嘅兄弟姊妹,好多謝你哋,俾咗好多美好回憶我。」雖然冇得出席無綫劇集《誇世代》嘅宣傳活動,不過佢都依然叫一班觀眾繼續支持:「至於現在呢……希望大家可以繼續支持《誇世代》啦,我都好enjoy睇每一集嘅。喺生活裏面,我覺得最緊要係隨遇而安,我會繼續努力㗎!Thank you。」

雖然暫時唔可以同一班電視觀眾見面,不過阿聰仍然稱讚及多謝無綫給予好多出鏡機會:「首先喺過去嘅日子好多謝TVB嘅栽培,畀咗好多機會我,好多謝珍姐。」除咗多謝無綫之外,阿聰亦話好多謝一班台前幕後嘅工作人員,畀咗佢好多美麗嘅回憶畀佢。
對於遭封殺,網民幾乎一面倒支持張繼聰,仲大鬧無綫小氣,張繼聰反叫大家唔好衝動,又不忘呼籲觀眾支持《誇世代》。

陳豪幫口:阿聰真是一個好藝人

張繼聰近年獲無綫力捧,去年的台慶劇《誇世代》也是男主角之一,但阿聰突然遭無綫封殺被禁出席宣傳活動,一眾演員都替阿聰感到可惜,陳豪明言:「因為阿聰真是一個好藝人,希望這一場公司之間的誤會可以盡快解決。歐陽震華直指阿聰很陰功及無辜,對佢未能再參與宣傳感到很可惜。

張繼聰之前都有出席宣傳活動,但TVB因官司原因暫停蕭定一旗下藝人的宣傳,張繼聰也無法參加活動。

孖梁朝偉、郭富城拍戲

其實張繼聰近年的發展好多元化,形象又入屋,唔止廣告多,仲密密拍電影,而佢更返內地拍新片《風再起時》,片中更與兩位影帝梁朝偉、郭富城合作,呢啲機會好難得!

全家都鍾意游水|陳浩民 月租10萬天池屋

王敏德細女身材火辣 床照半裸相樣樣齊

TVB 2018重頭劇晒冷

TVB 2018綜藝節目晒冷

綜藝節目
綜藝節目

袁偉豪撲水醫患癌父 情緒崩潰甩頭髮

袁偉豪
袁偉豪

佘詩曼年幼喪父 佘媽媽 獨力湊大三子女

15位大台富貴兵團 個個有樣更有米!

傳魏焌皓疑鹹豬嘴麥明詩被TVB解約 │重溫娛圈八大鹹豬手事件!

曾華倩囝囝代表港隊出賽 19歲Martin仲高過袁文傑

袁偉豪那些年參加過《YES!》校草選舉 原來黃宗澤都選過⋯

賴慰玲獲秋生封「小鄭裕玲」|原來教過前輩做戲⋯

延伸閱讀:

《死侍2》入場前必知8件事|放心冇劇透

關注我們Facebook專頁
    相關新聞
      更多瀏覽