如看不到,請到YouKu

30歲的湯怡在電影《某日某月》與原島大地合演中學生情侶！湯怡笑言自己「細細個就睇大地做戲」，當知道要合作即時上網Search對方到底幾多歲！幸好大地的外形成熟，望落又的確毫無違和感！

想帶出「等待」的訊息
電影《某日某月》的背景設定在90年代，湯怡與原島大地因觀星邂逅，互生情愫。不過當時正值移民潮，相愛的二人都考慮應不應該繼續發展下去。湯怡表示電影亦想帶出「等待」的訊息：「以前科技冇咁發達，如果冇得見面可能真係要透過寫信去維繫，現今社會就太方便，一個whatsapp式者facetime就溝通到。令大家覺得好多嘢變咗理所當然。」

知道與原島大地合作即刻上網Search

湯怡笑指自己「細細個就睇大地做戲」，所以當知道要與對方合作感到很驚喜，更指即時上網Search對方到底幾多歲：「相距年齡都唔係好大啫（10年），外表上大地都係一個比較成熟的男仔。」而開始拍攝時，湯怡表示自己作為「大姐姐」，要先踏出一步，要主動了解和與大地溝通多一點。

皮膚要跟上小鮮肉

今年30歲的湯怡要演中學生，她直指注重護膚：「因為大地仍是中學生，只係20歲，當然係小鮮肉！咁我做一個中學生都要保持一個好狀態！我記得當時我係日日都敷mask。因為我都要追上小鮮肉皮膚程度。」她又指演中學生是一個大挑戰：「近年做嘅角色比較成熟，做媽媽都試過！」而由於電影背景設定在90年代，湯怡就表示有以當年的「玉女」周慧敏和楊采妮做參考對象。

湯怡學生時代講過咩潮語，覺得比較新嘅潮語又係咩？

如看不到,請到YouKu