糖妹孝順又顧家 呢個絕世好家姐花28萬供胞弟去⋯
2018年05月14日20:00

細細粒的黃山怡(糖妹)在《逆緣》飾演社工Macy(蔡明詩),個角色活潑可愛,而且敢愛敢恨,相當討觀眾歡心。現實中,糖妹是家中大家姐,性格獨立,喺爸爸退休、媽媽係家庭主婦嘅情況下,仲一個人孭起頭家,一年畀28萬供埋細佢11歲嘅胞弟去英國讀書,絕對係「絕世好家姐」呀!

撰文:東方新地|圖片:TVB《逆緣》截圖、新傳媒圖片庫、糖妹Facebook

延伸閱讀:

《復仇者聯盟3》必知7件事!

評價極高!《死侍2》首波影評出爐 笑點更密集「片尾驚喜史上最佳」!

糖妹孝順又顧家

糖妹在《逆緣》中飾演社工Macy,與林夏薇飾演嘅庄司晨是好友兼同事。

糖妹
糖妹
糖妹形容呢個角色係個花枝招展、好鍾意拍拖嘅社工!

糖妹
糖妹

糖妹
糖妹
賈綽(陳山聰飾)感激明詩 (黃山怡飾) 幫忙隱瞞司晨 (林夏薇飾) 和定國(陳家樂飾),令保安局誤會定國將他囚禁。

08年出道的糖兄妹初時由糖兄負責作曲,糖妹主力填詞,兩人當年在頒獎禮中更奪得多個新人獎,成績彪炳,而糖妹出道時一直被指酷似陳慧嫻,加上經常表演同埋翻唱慧嫻嘅歌,令不少人都記得佢 。而這個組合維持6年,兩人自14年推出EP《動起來》後,便開始減少一同公開露面,但糖妹話二人不是拆夥,而且私底下一直有合作和聯絡。

糖妹多年來密密做,歌、影、視、廣告、登台、商演都見到佢,山大斬埋有柴,糖妹儲到好多錢,係圈中小富婆!

鄭秀文讚唱歌「勁好聽」

糖妹於TVB節目《流行經典50年》中唱過鄭秀文(Sammi)嘅〈如何掉眼淚〉,Sammi大讚糖妹唱得勁好聽,對於糖妹來說是一個肯定和鼓勵啊!

糖妹:家人是無價

糖妹辛苦工作的收入,係留畀家人用,而不是買名牌包包。現年30歲嘅糖妹有一個比佢年紀細11歲嘅弟弟,前年考DSE成績一般,心願係到外國修讀心理學,糖妹就喺財力上助佢圓夢:「我細個時都希望去外國留學,結果未能夠實現,既然細佬有清晰目標,就由佢嚟完成我嘅夢想,投資喺家人身上始終係無價嘅!」

糖妹
糖妹

個心穿咗個窿

英國脫歐後,糖妹稱弟弟到當地升學唔算平 ,一年開支要28萬。佢話﹕「細佬去讀書由我負擔,開支票嗰一下,個心真係穿咗個窿,學費、保險仲有其他雜費,加起嚟都廿幾萬,所以我要努力工作啦!」佢笑言細佬靠晒佢,所以佢都要增值自己,學多啲語言去唔同地方交流,順便搵真銀。

糖妹
糖妹

慳家搭港鐵

糖妹日常生活相當貼地,家住深水埗,係父母早年買入嘅物業,出入都係以港鐵代步:「搭港鐵既環保又可以控制時間,工作講誠信,準時抵達令人留下好印象,人哋先會再搵你做嘢,咁樣先可以能賺得更多。以前我都會覺得搭港鐵有啲唔自在,但長大咗就冇呢回事,人哋可以搭,點解我唔得?只係大家職業唔同啫!」

糖妹
糖妹
糖妹經常慳家搭港鐵,但素顏嘅佢似乎唔多途人認得出!
糖妹
糖妹
糖妹為養家努力工作,早前就專程飛到澳洲登台演出。

最希望請全家旅行

糖妹其實好叻女,一個女仔孭起頭家、自己使費、弟弟留學費,所剩無幾,佢最大嘅心願就係請全家人一齊去旅行,認為呢件事勢在必行!

帶阿媽去澳洲跳傘

雖然呢個心願暫時未做到,但上月糖妹趁去澳洲登台嘅機會,帶埋阿媽一齊去旅行,兩母女上山落海,玩得好盡興。。⋯⋯

糖妹
糖妹
糖媽好大膽,撩糖妹玩跳傘,同埋玩浮潛。
糖妹
糖妹
糖媽仲做攝影師,幫糖妹影出一對長腿!

佢仲爆糖媽勇字當頭撩佢去玩跳傘:「佢話唔想去睇嗰啲景點,話不如去玩跳傘,我好驚㗎!後尾我哋真係去咗跳傘,仲有浮潛,海陸空都玩晒!」不過糖妹見媽咪玩得好開心,充滿活力,連佢自己都開心埋!

吃貨糖妹 最大支出是飲食費

愛吃的糖妹話樣樣都會慳,但在飲食一定唔會慳,而這方面的支出也不少,之不過吃得開心又能減壓,也是為生活和工作帶來更多力量!糖妹說她習慣用一張信用卡,這樣可以控制支出,而且又能集中儲一張信用卡的積分,其實她在理財方面也很精明!

和「明哥」去做義工

雖然忙於工作,但糖妹也會為社會出力,她不時和歌迷會成員去做義工,而去年糖妹就同深水埗「明哥」拉隊去派飯,全程落手落腳做,真係好有善心!

夏文汐被鬧係「老女人」 隨即留言反擊⋯

《逆緣》驚現鬼影?《東張西望》緊急抽水

電視城明星撞鬼實錄 張家輝 鄭伊健 林峯 都有份!

電視城撞鬼實錄
電視城撞鬼實錄

姜大衛22歲仔姜卓文入行 全家錫到燶

鄭俊弘去「殮房」拍《逆緣》主題曲MV 自爆靈異經歷…

宋熙年帶住孕肚去旅行 10位女星大解放 齊晒水著照

傳魏焌皓疑鹹豬嘴麥明詩被TVB解約 │重溫娛圈八大鹹豬手事件!

延伸閱讀:

湯洛雯 倪晨曦各有索爆妹妹 同家姐一樣搶鏡!

關注我們Facebook專頁
    相關新聞
      更多瀏覽