趙希洛演Mean精彈出 石油大王千金起底
2018年05月13日15:00

07年參選港姐入行的趙希洛,發展機會跟同屆的黃智雯及王君馨差一大截,多年來在無綫只演閒角,更有「御用癲婆」之稱,不過,希洛在新劇《棟仁的時光》演巴辣mean精被網民like爆成功彈出,搶盡同劇演員風頭。

演技大獲好評,趙希洛隨即被大起底,劇中要假裝有錢人,現實中就正正有個富爸爸,父親趙崇康是澳洲石油大王兼大律師,身家以億計,母親梁小玲是昔日無綫資深演員,家住8千萬梅道,屋企有司機,趙希洛名副其實隱形女筍盤。

不過多年來密冚家底,趙希洛唔想人知屋企富貴,本刊更發現其日常生活離不開去街市買餸及到寓所附近跑步放狗,生活平實貼地,難怪瞞足十年石油千金身份至今才曝光。

撰文:東方新地|圖片:新傳媒圖片庫、趙希洛IG

延伸閱讀:

《復仇者聯盟3》必知7件事!

應采兒與陳小春相愛12年 嫁陳小春係因為⋯

趙希洛 獲網民勁讚

趙希洛兩年前擔正女二在《超能老豆》演賢妻良母已經被網民like爆,近日憑《棟仁的時光》巴辣兼刻薄高層阿嫲,演技出晒位被網民追捧彈出,隨即被迅速起底,原來趙希洛父親趙崇康大有來頭,有指他在澳洲經營石油生意,是當地華裔富豪兼大律師,在澳洲有唔少物業,現仍掛兩間上市公司職銜,包括市值四千多億的中國海洋石油任職非執行董事及天大藥業董事,在國內人脈亦廣,是隱形富豪,媽媽梁小玲則是前無綫藝員。不過,家底豐厚的趙希洛,從不show off,一直密冚富家千金身份。據知情者透露:「咁耐以嚟,Candice(趙希洛)好少提屋企,有時同事載佢,問佢住喺邊,佢會話住喺中上環附近,叫人喺金鐘港鐵站放低佢就得,真係冇乜人去過佢屋企,而且佢唔會成身名牌,就算用名牌袋,都係萬幾二萬嘅款,隨時啲OL都用得貴過佢。」

趙希洛
趙希洛
趙希洛父親趙崇康(左)是超級富豪,在澳洲經營石油生意兼是大律師,在國內一樣人脈廣,16年更獲中國人民大學法院受聘為法律與全球化研究中心的高級研究員。
趙希洛
趙希洛
媽咪梁小玲,是前無綫資深演員,趙希洛曾在社交網上載與母親合照,卻從冇po過父親嘅相,不愛炫富的她,好介意畀人知富貴千金身份。
趙希洛
趙希洛
趙希洛12年已經以公司名義,以6千萬購入半山梅道嘉富麗苑一個近3千呎單位,物業現時市值已超過8千萬。
趙希洛
趙希洛
家底豐厚的趙希洛,曾被本刊拍到有司機駕駛平治房車接載出入。

父母反對入行

選港姐出身,但原來父母一直反對趙希洛入行,07年以碩士身份參選港姐,都是瞞著父母先斬後奏。她接受本刊記者訪問時坦言:「我拗唔贏佢哋,當時未滿十八歲,我攞住張form想報讀澳洲嘅演藝學院,但爸爸媽媽唔贊成,話一定要完成大學課程先,我就去咗英國讀Law,當年返嚟參加選美,都係瞞住佢哋,但其實我唔係想做港姐,只係鍾意演戲,當時覺得參加選美可以有機會接觸呢個圈拍戲,所以之後有機會讀訓練班,已經覺得好開心!」

趙希洛
趙希洛
日前,趙希洛到寓所附近跑步放狗,一身透視裝加短褲非常養眼。

趙希洛
趙希洛

愛女心切

父母反對原因其實是出於愛女心切,怕女兒捱更抵夜太辛苦,加上認為娛樂圈工作不在個人掌握之內。「佢哋覺得呢行好講運氣,好多嘢唔係自己控制到,就算係最靚最有演技,都未必一定有機會,而且佢哋覺得呢行成日要捱更抵夜好辛苦,但我太鍾意演戲嘞!亦因為咁堅持到依家。」雖然放棄做律師,但趙希洛承認讀法律課程的確令她擴闊視野。「我都好多謝爸爸媽媽,讀Law嗰幾年係學咗好多嘢,就算睇合約都識得點樣同人傾,冇白讀到嘅!」

趙希洛
趙希洛
跑了一圈,見到狗仔突然跑去行人路污穢位,趙希洛即時單手抱起牠。
趙希洛
趙希洛
趙希洛同愛狗一齊做熱身,見佢企埋石壆做拉筋近20分鐘,唔知係咪怕悶關係,期間更邊做邊講電話。

唔評價演技

捱足十年,事業終於轉入直路,問他父母對她是否支持多咗,趙希洛表示:「我哋唔會專登講呢個話題!而且媽咪唔會評價我嘅演出,因為佢唔係讀Drama,佢以前係做《歡樂今宵》,做開綜藝節目,我就係演劇集,同媽咪行嘅路唔同。不過我好好彩,好多Auntie見到我演出後有好嘅feedback,都不停鼓勵我。」當提到被起底是石油大王千金,趙希洛即時封嘴:「屋企嘢唔講嘞!真係想Focus喺番工作度,花咗十年時間,自己好努力,亦希望人哋可以睇到我好用心去做。」

趙希洛
趙希洛
跑到熱辣辣,趙希洛突然攞出橡筋紮頭髮,透視上衣即時透出澎湃上圍。
趙希洛
趙希洛
在新劇《棟仁的時光》演巴辣刻薄上司,但原來角色身世坎坷,家住公屋,有個自閉細佬,趙希洛演出收放自如被網民激讚,成為劇中最搶人物。

生活貼地

家底豐厚,不過趙希洛並不嬌生慣養,代步的寶馬亦只是三十多萬的平實款式,日前,她到鑽石山出席完《棟仁的時光》宣傳活動,一個人去停車場攞車,收工竟然唔係去行名店或者約人high tea,趙希洛卻揸車去九龍城街市買餸,唔怕污糟在街市穿梭買完牛肉又去魚檔揀魚,攞住幾袋餸再揸車返家,生活相當貼地。而另一日,趙希洛不用開工,就一個人去寓所附近放狗,話晒係港姐出身,keep fit是常識,放狗之餘亦乘機做運動,只見她企埋石壆拉筋,之後就拖住狗仔一齊在寶雲道來回跑了兩圈,才拖住愛狗慢步離開。

趙希洛
趙希洛
做完活動趙希洛行去停車場攞車,原來是去九龍城街市買餸,去街市前,她先將車泊去九龍城廣場,更為免招搖,先去廁所大變身,將之前出活動的低胸吊帶露腰衫換走,才行去街市買餸。
趙希洛
趙希洛
識得去九龍城買餸,就知係識途老馬入開廚,去街市前,她熟路先到泰國雜貨舖買泰國香料,連泰國菜都識煮,睇嚟廚藝有番咁上下。
趙希洛
趙希洛
買魚期間同魚檔老闆亦好好傾,似足街坊毫無架子。

15位大台富貴兵團 個個有樣更有米!

傳魏焌皓疑鹹豬嘴麥明詩被TVB解約 │重溫娛圈八大鹹豬手事件!

曾華倩囝囝代表港隊出賽 19歲Martin仲高過袁文傑

袁偉豪那些年參加過《YES!》校草選舉 原來黃宗澤都選過⋯

賴慰玲獲秋生封「小鄭裕玲」|原來教過前輩做戲⋯

延伸閱讀:

苟芸慧激罕性感拍廣告 準人妻最後一擊!

關注我們Facebook專頁
    相關新聞
      更多瀏覽