蘇永康樂做湊仔公 父愛爆晒棚 帶埋老婆親自孭仔去⋯⋯
2018年05月12日10:45

去年成功追仔的蘇永康,眨吓眼囝囝Jazz已經一歲大,做咗爸爸父愛氾濫,去邊都帶埋囝囝出動,早前去澳門開騷亦帶埋囝囝同行,見少一日都心掛掛。得意Jazz更加成為蘇康一班星級好友的玩伴,個個爭住逗佢玩。

日前,蘇永康同品牌高層老婆Anita (馮翠珊) 一家三口出巡,出名係名牌控的他,從來只有潮牌貴衫孭上身,呢日孭住囝囝就係自家出品嘅名牌,同老婆唔係去掃名牌畀自己,反而專攻BB衫,掃了大堆名牌BB衫仔,果然有仔萬事足!

撰文:東方新地|圖片:新傳媒圖片庫、蘇永康IG

延伸閱讀:

《復仇者聯盟3》必知7件事!

馮盈盈進擊的港姐冠軍 鬧市三度啜爆醫生男友

蘇永康 畀阿仔溶化

50歲的蘇永康,同老婆結婚三年多,去年成功追個慈姑椗,眨吓眼囝囝Jazz已經一歲大,以往鍾意蒲的他已變成住家男,開完工即歸心似箭撲返屋企,湊仔大過天。據身邊好友透露:「因為康嫂好鍾意小朋友,結婚之後好努力想快啲有BB,終於上年如願以償,仲生個慈姑椗,阿公 (蘇永康) 都畀囝囝溶化埋,平日cool到爆,冇諗過佢會落手落腳湊仔,成日搶住抱個仔不特止,連出街都係自己孭住阿仔行街,成個湊仔公咁!唔會乜都旨意晒老婆!」

蘇永康
蘇永康
蘇永康出名係名牌控,阿仔打扮當然有番咁上下型格,早前他就幫囝囝襯了一身紳士服裝。
蘇永康
蘇永康
平日乜都要型的蘇永康,同老婆打扮襯到絕行街,仍唔介意用孭帶孭住囝囝,影響造型,囝囝一對名牌鞋仔更加好搶鏡,一路行兩隻手更一直捉實阿仔小手,父愛表露無遺。

星級好友爭住抱

自認唔靚仔的蘇永康,曾經表示好彩阿仔似媽咪多啲,咁囝囝對眼精靈,而且肥嘟嘟頭大大可愛到暈,一班星級好友都對Jazz愛不釋手。據知情者透露:「自從囝囝出世,阿公屋企真係多咗好多歡樂,班好朋友成日 約埋去佢屋企睇B,圍埋就係講仔女經好熱鬧,因為Jazz好少扭計,又唔怕陌生人,個個都好鍾意同佢玩!」

蘇永康
蘇永康
Jazz得意可愛,契爺子華神抱住Jazz亦慈父上身,逗BB玩到笑唔停。
蘇永康
蘇永康
14年蘇永康結婚,陳奕迅夫婦擔任證婚人,Eason開騷,蘇康更帶埋囝囝去捧場,兩父子在後台同契爺合照。
蘇永康
蘇永康
自從囝囝Jazz出世後,兩公婆就經常約朋友聚會傾仔女經,早前康嫂生日,座上客就有胡杏兒夫婦丶雷頌德夫婦及張衞健夫婦。
蘇永康
蘇永康
身在倫敦工作的蘇永康,緊張表示因要飛法國,要阿仔等他48小時,自己定必撲返香港,果然是廿四孝老竇。

狂掃20分鐘

為畀家人有個安樂窩,入行多年一直無置業嘅蘇永康,今年一月豪掟2,830萬購入北角雲峰大廈,新居仍在裝修中。兩公婆都係時裝精,日前又再出動購物,不過,當日一家三口出巡唔係去掃大人名牌時裝,反而去咗名牌BB時裝店林立的利園睇BB衫,只見兩公婆入到一間BB時裝店,唔夠20分鐘已經掃咗大堆BB衫畀囝囝,買嘢畀阿仔毫不手軟。

蘇永康
蘇永康
兩公婆入咗一間名牌BB時裝店,孭住囝囝的蘇康將揀衫重責交畀老婆,自己就不停逗囝囝玩,一時摸吓囝囝個頭,又會捉住阿仔小手係咁捽,父愛撳都撳唔住。
蘇永康
蘇永康
向來買衫唔會手軟的蘇生蘇太,唔夠20分鐘已經買了大堆 BB衫,雖然蘇康主動除低背囊攞出銀包,但最後都係由康嫂找數!
蘇永康
蘇永康
老公負責照顧囝囝,康嫂就負責揀嘢畀個仔,見佢攞起衫仔除咗睇款式仲細心揀質料,又不時問老公意見,買嘢畀囝囝絕不馬虎。
蘇永康
蘇永康
店員更攞出catalog畀康嫂揀款式,康嫂細心慢慢揀。

日前蘇永康一家三口又同大班星級朋友聚會,仲有謝𩃀鋒做大廚!

BB仲遺傳咗蘇永康嘅音樂才華!慈父蘇永康仲好感性咁話:「對於孩子來說任何的物質其實只是很表面的東西⋯『陪伴』才是最重要!」

蘇永康 晒標緻B仔

去年3月B仔出世,蘇永康初次做爸爸,佢話佢媽媽最開心,可能係因為呢個家庭第一個孫。阿公仲話老友陳奕迅已經幫BB改咗名做「蘇爵士」!原來老婆生嗰陣,佢陪住老婆入去準備待產,期間舉住部機一直拍,仲話剪臍帶嗰陣都冇緊張,不過就覺得自己好似拍緊《妙手仁心》 咁,都係一個一世難忘經歷!佢仲話唔會再有第二次啦,因為唔打算生第二個。至於對阿仔嘅期望,蘇永康話只希望個囝生生性性、聽教聽話、健康快樂。

蘇永康
蘇永康
蘇永康
蘇永康

蘇永康
蘇永康

父愛爆棚

抱住囝囝嘅阿公真係同平時好唔一樣,充滿父愛!

蘇永康
蘇永康
蘇永康
蘇永康

蘇永康
蘇永康

15位大台富貴兵團 個個有樣更有米!

傳魏焌皓疑鹹豬嘴麥明詩被TVB解約 │重溫娛圈八大鹹豬手事件!

曾華倩囝囝代表港隊出賽 19歲Martin仲高過袁文傑

袁偉豪那些年參加過《YES!》校草選舉 原來黃宗澤都選過⋯

賴慰玲獲秋生封「小鄭裕玲」|原來教過前輩做戲⋯

延伸閱讀:

現實中黑寡婦同過死侍結婚?!10件關於施嘉莉祖安遜不為人知的事

關注我們Facebook專頁
    相關新聞
      更多瀏覽