【新歌推介】林欣彤推出新歌《重光紀念日》MV
2018年05月09日15:47

計劃於2018年年尾舉行處女演唱會的林欣彤(MAG),早於去年年底開始發力,短短兩個月內先後推出翻唱歌曲《哪裏只得我共你?》以及慘情情歌《忍》,兩首作品分別在YOUTUBE獲得過百萬點擊率佳績,為2018年音樂路開展了漂亮一章。承接優勢,Mag今日凌晨再推新一波主打情歌《重光紀念日》,並在短短兩小時內登上iTunes NO.1。

《重光》MV既是《哪裏》的客觀角度版本,亦是《忍》的前傳,揭示男主角「兩頭瞞」的真相及過程之餘;飽歷苦戀的MAG,最終會醒覺及放下,並一個人遊走叢林尋求靜思及重生。

雖然鏡頭前的MAG仙氣十足地四處遊走,但查實有苦自己知。皆因拍攝當日天氣不穩定,關機前夕更下過幾陣雨,以至叢林路面相當濕滑;加上導演要求高,為求靚景不惜「攀山涉水」,阿MAG事後亦直指拍攝該MV有難度:「嗰日嘅路唔單止跣,仲好難行,所以我要用好多腰力同腳力去平衡。拍完後條腰足足痛咗兩、三日,要狂拉筋先至冇咁痛。同埋因為有部份鏡頭要配合後期,我要KEEP住幻想自己係追逐緊啲螢火蟲嘅;但同空氣做戲有時真係好迷失,所以好多時要導演親自指導。」

除了叢林拍攝考驗演技及體力,MAG與男主角的對手戲部分亦是「耐力大作戰」,MAG謂:「咪睇我哋鏡頭前咁親密,其實我哋唔係好熟,但因為拍攝行程好趕,半日要走成四、五個LOCATION,我哋焗住冇時間WARM UP就要扮熱戀。起初都好尷尬,後尾畀我哋諗到用『頭臭』做TOPIC,成功帶起咗話題同氣氛。」

為配合角色,導演不時要求MAG做出撒嬌表情及動作,問到MAG平時私底下多唔多撒嬌,她笑謂:「我唔知自己係點,但我屋企兩隻狗仔成日向我撒嬌,佢哋啲眼神簡直KILLING ME。可能真係對得多,我啲熟朋友睇完個MV後,都話我撒嬌嘅眼神好似我屋企嘅狗仔『二佬』,好好笑,哈哈。」

原文連結:

【新歌推介】林欣彤推出新歌《重光紀念日》MV

相關文章:

孫儀凌拍廣告同國內藝人拍兩日拖

Stars-HK娛網

本站集中報道娛樂新聞,包括在音樂圈、電影圈、電視圈、劇團裡面,歌手和演員的活動和最新動向等。我們採取「只談專業,不談緋聞」的編審方針,希望帶給讀者清新的體驗。無論是中、港、台、日、韓等地的大明星以至新人的消息,娛網都會悉數報道。我們也會重點發掘未來新星,致力推廣。

關注我們Facebook專頁
    相關新聞
      更多瀏覽