胡然靠性感搶鏡 蒙嘉慧版白素最深入民心
2018年05月08日14:51

《冒險王衛斯理之支離人》逢星期日在無綫播出,不過劇集被批評情節與原著大相徑庭,口碑暫時好壞參半,尤其今次劇集起用「晶女郎」胡然飾演白素,性感滿分不過唔係人人like,相信對香港觀眾而言,最深入民心一定係蒙嘉慧版白素啦!想當年蒙嘉慧絕對係小編的女神……

撰文:東方新地|圖片:新傳媒圖片庫、劇集截圖

延伸閱讀:

《復仇者聯盟3》必知7件事!

7-Eleven推Sanrio限量版水樽!4款水樽搶先睇

「晶女郎」胡然演性感白素

《冒險王衛斯理之支離人》中,女主角白素由「晶女郎」胡然飾演,職業仲設定為國際刑警,不過胡然喺劇集中唔多展示到聰明絕頂同身手敏捷的一面,因為最重要的任務,當然就同歷代晶女郎一樣,就係騷身材!

雖然大部分時間密密實實,但其中一幕見到胡然一身白色性感睡衣,狂谷34E噴血身材,又有白滑美腿,晶女郎果然唔會令人失望!

蒙嘉慧版白素深入民心

在小說《衛斯理》系列中,衛斯理曾形容白素身材修長,嫵媚至極,係個絕頂美女。之後在多部作品中,都突顯出白素的過人智慧、身手高超及情深義重。雖然過住都有幾個女藝人曾飾演白素,不過喺在香港觀眾心目中,無綫於2003年劇集《衛斯理》中的蒙嘉慧版白素肯定係最經典!

蒙嘉慧所演的白素已經係15年前。

外剛內柔

當年的蒙嘉慧樣貌標緻、身材高佻修長,同原著中白素確有幾分相似,每次一襲白衣出場都勁有仙氣,帶點cool的外表更演繹出白素的外剛內柔。不得不提的是,蒙嘉慧當年演白素時原來都已30歲,但感覺還是非常年輕!當然今時今日的Yoyo仲係好靚女啦。

當年無綫所拍的《衛斯理》中,故事講述羅嘉良飾演的衛斯理與白素之間的關係,兩人由冷淡到互生情愫,呢方面都算符合了原著。另外,當年有份演出的演員,仲有前排好紅的唐文龍、以及大家好熟悉的「KC」歐瑞偉。

唐文龍當年飾演白素的哥哥白奇偉。
KC好年輕呀!

好耐冇見蒙嘉慧

現年44歲的蒙嘉慧,1994年起已經開始拍電影,有著清秀可人的外表及高佻修長,大導演杜琪峯當年都對Yoyo甚為欣賞。2000年加入TVB後,佢演出唔少膾炙人口的劇集,一直穩坐無綫當家花旦之位,至2013年方離巢。

嫁伊健做幸福人妻

蒙嘉慧與鄭伊健因打羽毛球結緣,拍拖約七年後,2013年時與伊健在東京拉埋天窗,婚後Yoyo逐漸淡出幕前,專心做個幸福人妻,享受家庭生活!

蒙嘉慧近年已甚少會在公開場合亮相,不過睇番啲相其實佢都算keep得幾好,天生麗質、加上養尊處優確係寧舍不同~

舒淇都做過白素

雖然蒙嘉慧可能係大家心目中演白素的經典,但其實早喺2002年時,電影《衛斯理藍血人》中,舒淇都有扮演過白素,唔知大家仲有冇印象呢?

當時,舒淇所演嘅白素仲要係隸屬FBI。
電影截圖。

重溫娛圈八大鹹豬手事件!

地點、酒店、甫士完全一樣│呢位女藝人挑戰朱晨麗

0
0

延伸閱讀:

林芊妤懷孕近4個月 噴血身材精彩回顧!

關注我們Facebook專頁
    相關新聞
      更多瀏覽