陪月血淚屎 – 嫁着咁嘅算死草老公 真係喊得一句句!
2018年05月04日14:55

陪月血淚屎又有新故事!不過今次就心酸喇⋯⋯ 「女人最怕嫁錯郎!」如果嫁着個算死草老公,吓吓同你計,仲要生咗個仔都好似唔關佢事咁!除咁喊,仲可以做啲咩呢⋯⋯

原文:「陪月辛酸。血。淚。屎」專頁 (文章獲作者授權轉載)圖片:東方新地、myTV截圖

延伸閱讀:

25個食買玩2018年最新 5月生日優惠 新酒店半價、半價自助餐、海洋公園免費入場

六歲男童玩褲頭帶 竟勒斷手指

孤寒老豆 原文如下:

新手媽媽正在作動。孤寒老豆通知我1聲。

孤寒老豆:陪月EE,我太太已入咗產房。但醫生話胎位不正,可能要開刀。

我:放心,太太在醫院有醫生護士24小時密切關注,阿B好快出嚟同你哋見面㗎喇!

孤寒老豆欲言又止,講啲唔講啲係咁兜大圈拖長時間。我最怕婆婆媽媽。

我:你直接講,我在聽!

陪月
陪月
鬼鬼鼠鼠,梗係有陰謀!

孤寒老豆鬼鬼鼠鼠:我想Cut咗5要你做陪月! 我怕太太開刀要用多好多錢。

我:真。香港人係政府醫院生B開刀同順產1樣價錢。

孤寒老豆聲音立即變晴朗:真㗎! 咁5該晒你。

結果,阿B好乖,順產出世。

到阿B第4日嘅早上,我陪新手媽媽湊阿B到健康院登記。

下午,孤寒老豆收工回來。

第1件事就問:今日用咗幾多錢買餸?

我:今日用咗$250蚊左右,有晒收據㗎啦!

孤寒老豆:嘩! 我講咗要買平餸㗎喎! 都要$250/日!

講緊每日1湯1炖品午飯下午茶晚餐!

新手媽媽:陪月錢我自己出! 所有湯我自己飲,餸我自己食,唔爭在我自己俾埋!

我坐埋1邊,花生早已預備。

孤寒老豆:我1早講咗供樓錢我出,其他嘢你自己負責! 仔係你要生㗎!

唉! 床上幾分鐘,落床有排供。

新手媽媽:首期大家1人1半;結婚擺酒又1人1半。。。

孤寒老豆笠曬水:好喇! 有外人在5好再嘈!

OH! 你哋可以當我透明㗎!

孤寒老豆: 睇屎你今日去健康院,又係的士來回啦!

新手媽媽5理佢,抱埋阿B入房!

孤寒老豆完完全全將佢嘅憤怒發洩喺我身上:陪月EE,聽日係咪可以買啲再平啲啲嘅餸? 唔1定要食雞煲湯,滾吓菜湯,食吓魚都Ok㗎喇! 同埋如果你1齊食,你要除返開你個份錢喎! 好似今日坐的士咁,你應該都要夾返1半啦! 不過今日第1次,就算數!

我:阿X先生,如果你覺得啲食材貴,你可以預備俾我。午飯我都係自備嘅! 的士5係我要求坐! 如果要夾返錢,5該除返3份! 阿B都有份坐!

你咁樣同我計?

阿B,你的老豆如何? 你的命運也必如何!

講完,我就轉身入廚房預備晚飯。

孤寒老豆又再入來訓話: 陪月EE,我想同你夾吓照顧阿B嘅問題。

我眼尾都冇望佢過去:講! 我在聽!

孤寒老豆:我哋5係大富之家,盡量慳得就慳。阿B嘅奶粉,可5可以盡量5好開太多? 1安1安咁樣開? 尿片可5可以3個鐘左右先至換1條?

我:可以! 奶粉1安1安咁樣開, 麻煩你買多1打奶樽! 阿B今日已經要食接近3安。我每次開3安奶,係好正常! 奶樽多咗,洗奶樽液自然用多咗,水當然又會用多啲! 尿片都可以3個鐘先換㗎,阿B爛屎忽醃損啫啫好平常,最嚴重最多都係尿液倒流,個腎有事之嘛! 去睇醫生囉! 好簡單!

孤寒老豆:吓,原來咁㗎! 你5講我真係5知。

你以為生仔真係打個冷震咁簡單? 想慳? 當初就5好打真軍喇!

我5出聲,繼續5望佢,繼續周身郁扮忙碌。

孤寒老豆:咁樣。。。阿B個度就算數喇! 你揸主意,因為我都無經驗。至於買餸個度。。。

我:買餸方便你5需要擔心,我會同新手媽媽拆掂!

孤寒老豆:咁就最好喇!

早抖喇你!

下一頁:陪月血淚屎之謎底解開了 極品爸爸登場!!

下一頁:陪月血淚屎 仲有下文!阿B「丁丁」差點重創!

延伸閱讀:

熊黛林產後水腫嚴重 自嘲「豬蹄」塞唔入高踭鞋

關注我們Facebook專頁
    相關新聞
      更多瀏覽